Madonna della Salute: quala?

[babatriestina]

Oggi 21 novembre, se passavi in centro , vedevi gente che andava su e zo de s maria Maggior: xe la Madonna della salute, e quela xe importante anche se no se xe credenti.
Ma qual xe la Madonna della salute e la sua storia?
per cominciar el 21 novembre xe una festa de una presentazion dela Madonna al tempio, che no ga un conferma evangelica, ma xe solo che in scritti apocrifi tardi: i imaginava che la Madonna iera special fin de picia, e che la gavessi studiado al tempio de Gerusalemme..
ben bon, nel 1680 a Venezia xe stada una pestilenza , po la xe passada e i ga attribuido el merito alla Madonna e i ga costruido la cesa della Salute, questa:

I festeggia ancora a venezia, i fa un ponte de barche fin ala cesa e i impizza tante candele.
Qua Trieste, la pestilenza xe stada nel 1849 e i ga fato una procession con una statua dela Madonna, la Madonna dei fiori o della borella, ritrovada vizin del Castel nei anni 1830, saria questa

la procession par che gabi avudo successo cussì nel 21 novembre del 1849 i ga fatto ancora una procession sempre con sta statua, promossa a Madonna della salute.
nel frattempo Rossetti gaveva regalado un quadretto de una bella madonna attribuida al Sassoferrato, e a poco a poco la Madonna in quadro ga soppiantado quella in piera.

[babatriestina]

Go messo le due immagini, per far veder la corona del 1927 rubada nei anni 80. E la Madonna dela Borela o dei fiori? la xe sotto, nela sua nicchia del palazzo Inail, e oggi con mia sorpresa ghe go visto diversi ceri impizzai davanti, che de solito nissun ghe bada.

[refolo]

MI' SO!!!!!!!!!!!

(speremo che non vegni fora un c......)

allora prima de tutto, el nome de mia Nonna materna xe SALUTE!
adesso stago leggendove un riassunto de quel che xe scritto drio el ICONE de sta Madonna. Che le Ciese se trova da Venezia fin alla punta del Stival.

Prima:
quella Veneziana fondada da Papa Felice 526-530, la Santa xe stada scelta dai Frati Francescani, trovere' una ad Assisi e, a Gaeta (zona principale). La parola salute iera el benvenudo dalla Maria a San Gregorio,
purtroppo non vedo date, so' che al 21 de Novenbre dal 1630-31 ghe iera la pestilenza, e questa Madonna i la ga' messa al stesso giorno de Maria
presentada al Tempio.....robe che ga' deciso la Ciesa e dal Doge de Venezia.

La madonna della Salute, xe stada adottada, grazie ai due fradei Gemei del medio Oriente fisico-dottor Cosimo e Damiano come la Santa protettrice, dei Dottori-Ciechi-farmacisti ecc. tutto da far con la salute.

Nei anni sucessivi, sempre con l'augurio de bona salute, sta vose xe rivada fin alle porte della famiglia de Medici, che difatti un de lori, el se ga' ciama' COSIMO! xe storia assai interessante, e come disi Betta, non sara' per tutti, ma la mia famiglia ghe tegniva perche' xe sucessi tanti casi, che se poderia trattarli come Miracoli. (per niente noi che gaveva messo el nome Salute a mia nonna).



Maria aka Refolo

[refolo]

Scusa Betta,

me dimenticavo , mi go' quella con la Corona.....vol dir che xe la prescelta
dal Doge, nel caso della pestilenza.

(non ghe pode' domandar mai a nessun prete? mi co iero picia volevo saver tutte ste robe, ghe domandavo anche al sacrestan)

Maria aka refolo

[babatriestina]

Scusa Betta,

me dimenticavo , mi go' quella con la Corona.....vol dir che xe la prescelta
dal Doge, nel caso della pestilenza.

(non ghe pode' domandar mai a nessun prete?

no, quela de Venezia xe diferente, zercherò se trovo una sua imagine. Quela cola corona che go postado xe la nostra. Ma tante Madonne i ghe metti la corona...
Per domandar ai preti, se pol, ma adesso ghe xe pochi preti, ma go el Annuario diocesan de sto anno, che conta tuto dele Cese de Trieste. Molte dele notizie le go ciolte de un libro dedicado tutto a S Maria Maggior che i vendi in occasion dela festa dela Madonna della Salute- i lo vendeva anche ieri, ma lo gavevo ciolto l'anno scorso.

[babatriestina]

La madonna della Salute, xe stada adottada, grazie ai due fradei Gemei del medio Oriente fisico-dottor Cosimo e Damiano come la Santa protettrice, dei Dottori-Ciechi-farmacisti ecc. tutto da far con la salute.

Cosma e Damiano, protettori dei medici, etc... qualchedun disi ispirai dei Dioscuri, divinità pagane gemelle
ecoli qua, i vien rappresentai come fioi

[refolo]

De quel che go' capi' mi' iera forsi proibido esser Cristiani....
sistema pagan...nessun doveva esser guari' tutti doveva morir?

www.veniceguide.net

www.allposters.com


Maria aka Refolo

[babatriestina]

De quel che go' capi' mi' iera forsi proibido esser Cristiani....
sistema pagan...nessun doveva esser guari' tutti doveva morir?

be, ogni tanto i Romani decideva che no i voleva i cristiani, perchè i li considerava no boni sudditi che no sacrificava al imperator e i fazeva una persecuzion e i ghe ne copava un pochi, po i lassava perder, e po i fazeva un'altra persecuzion.. per l'immagine, no me ocori quela de internet, la mia vien dela mia colezion personal de santini.
El link a Venezia conferma le mie note sula Madonna dela Salute a Venezia, in particolar go una cugina veneziana e un per de anni fa semo andade insieme ala madonna della Salute a portarghe una candela ( el moccolo, come che i ghe disi lori) La cesa ga anche gran bei quadri.

[babatriestina]

Oggi son stada ai Gesuiti ( = S Maria Maggiore) che iera la festa dela Madonna della salute, xe sempre gente perchè ala salute i ghe tien tuti..

el quadro del Sassoferrato xe esposto sul altar maggior

e i fazeva come a Venezia, chi che vol meter una candela i ghe accendi el lumin ( cussì xe prevegnudo che no i rivendi e ricicli) i fazeva ala cappella dela Madonna neoclassica dono de Revoltella

[babatriestina]

ma no i trascurava la statuetta original dita Madonna dei fiori o dela borela

con un poche de candele davanti


el quadro de Dino Predonzani che mostra la procession otocentesca

ancora un dettaglio dei ceri

[serlilian]

Sa tuti che "borela" vol dir "boccia"?
No so dove che iera impicada quela madona una volta, ma i conta che ghe iera un pochi de omini che zogava a le borele, vizin de ela. Un che perdeva, se ga rabià e, con un bestemion, el ga tirà la bocia contro la madona. Ela la ga comincià a sanguinar e se vedi ancora la macia de sangue sula fronte. Naturalmente el sacrilego se ga butà in genocion, pentido.
Sbaglio o ghe xe anche un quadro che ritrai questa scena? Xe assai anni che no vado de quele parti.
In compenso me ricordo de picia, che andavimo a Santa Maria Magior. Mi iero sempre maladiza, niente de grave, ma gavevo sempre qualcosa, e cussì spesso mia zia ghe portava un cuor de argento ala madona. Me ricordo una fola impressionante, de no rivar nianche a veder el quadro.

[babatriestina]

Sbaglio o ghe xe anche un quadro che ritrai questa scena? Xe assai anni che no vado de quele parti.

ecolo qua, a sinistra:

dei fiori perchè el oste se ciamava Fior

[babatriestina]

21 novembre, Madonna dela salute, xe sempre la fila su e zo per la scalinata

Co iero putela, su ogni ripian ghe iera le baracchette che vendeva candele "La candela per la Madona benedeta!!"
adesso xe concentrado in do stand e anche un in cesa, gestidi immagino dela Confraternita dela Madonna dela Salute, i vendi anche un tradizional calendario, e no xe più candele: solo ceri, pici o grandi, in contenitor de plastica.
Cesa piena, qua xe un momento fra do messe

i ceri vien messi ala Madonna de destra, impizzai e po studai per impizzarli mana man nei giorni successivi

[babatriestina]

ma qualchedun se ricorda anche de quela sotto

[babatriestina]

Oggi, nonostante el stratempo

[Nona Picia]

Mi iero ieri, dato che ogi no posso andar....

[babatriestina]

iero anche sto anno, senza foto.
Una nota: senza paramenti, ma in presbiterio coi tanti preti partecipanti iera anche el Archimandrita dei Greghi ortodossi.
I se invita spesso reciprocamente ale cerimonie importanti

[Ciancele]

Oggi 21 novembre, se passavi in centro , vedevi gente che andava su e zo de s maria Maggior: xe la Madonna della salute, e quela xe importante anche se no se xe credenti. .....
Ma qual xe la una statua dela Madonna, la Madonna dei fiori o della borella, ritrovada vizin del Castel nei anni 1830, saria questa.....

Giureria che 'sta madona la go ciapada ogni ano come santin dopo la comunion. Gavarò vu sie e no nove ani.

[babatriestina]

Festa oggi:




servizio d'ordine da parte della Confraternita dlela Madonna della Salute

Anche alcuni dei paramenti indossati dai preti avevano l'immagine della Madonna del Sassoferrato ( attribuita a)

[babatriestina]

i ceri vengono accesi, per sicurezza, all'altare laterale della madonna di marmo dono di Revoltella




presenti, vigili e vigilesse