Ma attenzion!
Go visto l'ultimo, in volume unico, el me par veramente poco interesante, molto superficiale, probabilmente richiesto in questo modo dala casa editrice.
Invece la serie "Itinerari Carsici" e quela che sta uscendo adeso "Itinerari del Carso Sloveno" le xe imperdibili! Dela prima, edita nei primi anni '90 e mai ristampada, me manca due o tre volumetti, che no son ancora riuscido a trovar. Tra l'altro i costa veramente poco, intorno ai 5 euro l'uno.
L'autor, insieme al fido Pino Sfregola, el percori in su e zo tuto el Carso, descrivendo e spiegando un mucio de robe, dala storia ala natura. Coadiuvato da otimi disegni de Giusto Almerigogna, ne esci dele guide imperdibili (lo go za dito, ma lo ripeto
).Le foto xe povere, in bianco e nero e poco nitide, ma considerando el prezo le xe più che oneste. E poi ghe xe piantine, rilievi de grote....
Insoma, se amè el nostro Carso, andeli a cior prima che i sparisi del tuto. Poi andè a far qualche pasegiata in santa paze su sto nostro altopiano e scoprirè un mondo che... credevi de conoser ben, e inveze ga molte interesanti sorprese.
