Windows

[AdlerTS]

A parte el fatto che savemo tutti che non xe el sistema operativo migliore ... qualchidun ga za capido se merita el novo "Vista" ?
Xe vero quel che i disi che bloca i software che vol lui ?

[Bilbo]

a parte che per meter vista, da quel che go capido ghe vol aver machine de ultima generazion o poco via, ma mi sinceramente no lo meto, go ancora el 2000 e me trovo più che ben.-

[ffdt]

go leto che no xe compatibile co' i software che no i xe fati per lu ... pero` no so de persona perche` xe ani che no go piu` roba microsoft ... xe de 'l '93 che son su linux

[rofizal]

Mi go leto solo che el xe più veloce nel caricamento, altro no so.

[macondo]

Deghe una ociada:

http://www.apple.com/macosx/leopard/index.html

[ffdt]

de cuando che i xe pasadi a osX (che xe un berkeley con per de sora un window manager suo de lori) i me xe piu` simpatici ;-D e difati i ga avesto diversi clienti che ghe riva de linux ... mi ghe ne conoso de persona due che ga molado i procesori x86 per andar su 'l ppc de apple che 'po xe i stesi ppc che se trova in te i mini ibm ... sempre che ogidi` ibm sia una garanzia ;-D

comuncue tuti i dixi che xe machine bone ... mi go visto cos' che le costa e devo dir che preferiso no dargheli a lori ma a la botega magnativa

[rofizal]

I Mac xe otimi, ma ga prezi asurdi.

[Bilbo]

mi go avù ocasion del avora su mac ani fa, a parte el fato che no me trovavo col mouse con solo tasto (abituado a winzozz che de tasti ghe ne ga de più), ma usando photoshop (usavo solo photoshop col mac), el mac se inciodava tale e quale un normale pc x86....

[macondo]

Xe ormai qualche anno che se pol usar i mouse con due botoni e el scroll wheel. Propio oggi me go comprado un mouse senza fili, e laser de Microsoft. Praticamente te pol usar qualsiasi USB mouse che xe sul mercato.

I ppc de Motorola xa no i esisti piú e i xe stadi rimpiazadi per i CPU de Intel. Ogi come ogi i xe tutti Core2 Duo, che xe un assai bon CPU.

Pasando a Intel, con una picola modifica, se pol instalar qualsiasi Windows OS in dual boot. E se la idea de dover reboot ogni volta per poder entrar nel altro enviroment no ve piasi, podé sempre usar un programa de 'virtualization' come 'Paralell Deskstop' che ve permeti de corer el Mac OS assieme al Windows OS un vizin al altro e quasi senza penalizazion nela velocitá (-10% circa).

Mi go usado Photoshop de quando iera vegnuda fora la version 3. Adesso uso la verson beta de CS3 e no me ricordo quando el se ga incugnado l'ultima volta (probabilmente ANNI fá).

[ffdt]

[...] rimpiazadi per i CPU de Intel.[...]

ah bon ;-D alora semo de novo lontan ;-D perche` mi dopro AMD ;-D

[macondo]

Una novitá de Photoshop CS3 beta xe la capacitá de far panorami perfeti senza bazilar tanto. Se ciama PhotoMerge e funziona con una combinazion de 'masks' e 'layers'. E se, per esempio, fazé un panorama de 360 gradi, quasi sicuramente gaveré diferenti gamme. El programa automaticamente ve da la stessa temperatura...

De quatro foto fora de casa mia go completado el panorama in un par de minuti. No se vedi proprio dove le foto se zonta (nianca nel original che el xe assai grande)!!! (clické per ingrandir)

[sono piccolo ma crescero]

Rispolvero questo topic, fermo dal 2007.

Rispeto a quel che se scrivi qua, dopo Windows vista xe vignui tanti altri windows, quaklchedun bon, qualchedun una ciofeca (per dirla coi napoletani).

Confesso che son pasà esente da tuto questo, perché dopro Linux: impizo la machina e in un minuto la xe operativa. Se fazo clic sul agiornamento la se aggiorna e intanto posso far quel che voio. I agiornamenti dura, dipendi, da un minuto a 10 minuti se xe sai roba. Se vedo che ga aggiornà el kernel del sistema, riavvio la machina e fata la xe.

Comunque sul mio sistema go anche windows 10. Lo dopro sostanzialmente per agiornar el firmware del disco a stato solido che go comprà anni fa. E quando lo dopro aggiorno ancora windows 10 (fin a ottobre, dopo cice).

Quel che mi volevo saver da quei che dopra windows ogni giorno xe se e quanto spesso el sistema ve se aggiorna.Volevo saver insomma se el tempo che el ghe meti ad aggiornarse sul mio (certe volte 2 o 3 ore) ghe toca anche a chi che lo dopra ogni giorno (ogni tanto spero). Lo impizo e schermo blu me mostra percentuali varie de agiornamenti; ogi me la son cavada in 20 minuti, altre volte me ga volù do ore.

Mi con linux in due ore installo un sistema novo, per cui me par increibile el tempo che el ghe meti con windows.

[Piereto]

Confesso. Mi son restado con windows 7. Nol ricevi più agiornamenti e i programmi che go instalado a suo tempo , i va ben e i fa al caso mio. No dopro nisun videogioco, per cui son fermo.... a l'eta de la piera. El computer de mia moglie inveze, windows 10 ogni tanto el se incanta perchè el se aggiorna , almeno una ora.

[sono piccolo ma crescero]

Confesso. Mi son restado con windows 7. Nol ricevi più agiornamenti e i programmi che go instalado a suo tempo , i va ben e i fa al caso mio. No dopro nisun videogioco, per cui son fermo.... a l'eta de la piera. El computer de mia moglie inveze, windows 10 ogni tanto el se incanta perchè el se aggiorna , almeno una ora.

Grazie de l'informazion ... de tua moglie.Iera proprio questo che volevo saver. Me par allucinante che un devi star là a spetar per tempi biblici. Anche mi go un computer nato con windows 7 e po pasado a windows 10. Ma el sistema che dopro, linux, xe sempre agiornado e senza romperme de far i agiornamenti quando che el vol lui. E ribadiso, mi in un'oreta installo un novo sistema operativo..

[babatriestina]

Mi go windows 10 se agiorna de solo semai ogni tanto, come stamatina, me disi che la prossima volta che el riavvia ( o che studo) el agiornerà: diria in media unminuto de spetar.

Inveze me preocupa de più che sta estate i ofrirà una nova version de windows incompatibile col mio hardware che ga za un pochi de anetti e el idea de reinstalar tuti i programmi che go adesso sul novo me vien mal. Sarà anche un ben perché forsi buterà via programi obsoleti che no dopro, ma magari altri o no xe più o i volerà che li compro de novo..

[sono piccolo ma crescero]

Ma, per mi, se te sta un poco atenta, te pol continuar a doprar windows 10. SUl forum riva ancora gente che dopra windows XP....

E se ovè reinstalar tutto, se volè ve spiego come installar linux.

[babatriestina]

cronometrado ieri sera; co go studado el pc el me ga domandado se volevo instalar i agiornamenti prima de serar ( imagino che el se li gaveva scagigai durante el giorno senza che me inacorzo) : ghe go dito de sì e el xe stadi DUE MINUTI.

[Blues Briso]

Dipendi quanto che se xe indrio coi agiornamenti. Mi impizo poco el PC, perché dopro più telefono e tablet, ma quando pasa sai tempo, facile che per eser operativo ghe meto un fraco de tempo. Ale volte no capisso cossa el ga de piantarse ma per mi tra agiornamenti e antivivirus, prima che lo uso senza bestemàr, passa almenoalmeno una mesaora.

[babatriestina]

ah ma mi lo dopro ogni giorno parecchie ore. No dopro el celular per tante robe e tegno la tv spenta.. anche whatsapp la gestisso de pc

[Piereto]

Se pol sempre andar ne le impostazioni e dirghe de no agiornarse. De solito el pc te consiglia inveze de farlo perché ne la tua navigazion te te ga incarigado de qualche virus e la tua app comincia a eser obsoleta, anche perché i devi vender roba nova . In genere xe i videogioghi che diventa più complicadi e complessi, e su un sistema operativo "vecio" noi gira più. Per cui butta via tuto e comincia a spender per un novo zogatolo più performante.