Planetario all'ex gasometro

[AdlerTS]

Una notizia curiosa dal Piccolo xe che all'ex gasometro de via d'Alviano i podessi far un planetario, una struttura cioè dove sul soffitto vien ricreada la volta celeste, con pianeti, stelle e galassie. El tutto faria parte de una struttura scientifico-museale da definir, forse gestida dal nostro osservatorio astronomico. Se ghe daria quindi un senso a quel edificio che, come el sta, fa solo che de casa per le pantigane. Attivando poi un giro con le scole, el progetto podessi anche star in pie.
Bisogna solo veder se i trova i soldi. Adesso fa sai figo la parola "project financing", cioè soldi messi dai privati per le opere pubbliche. Non so che privato podessi aver interesse per sta roba qua.

[babatriestina]

Della forma che el ga, saria la roba più logica, ghe pensavo anca mi.
Ma resta de veder chi che scusirà i bori...

[AdlerTS]

Adesso i ga rimesso in discussion tutto, e i spenderà alcune migliaia de euro per la gara de idee.
I ga za trovado el Fenomeno che pien de fantasia ga parlado de un centro congressi: sembra de sentir un disco che salta

[Nona Picia]

Ma sto centro congressi i lo vol o no i lo vol? Me fazo sta domanda perchè i fa tante proposte che rimbalza de qua e de là come un balon e no i concludi niente!

[cenerentola82]

I vol far 5 centri congressi 'desso.
Pescheria
magazin vini
palazo carcioti
gasometro
sala trpcovich

in atesa del mercato ingrosso

Me par esagerado.

Za l'idea de meter i congressi in modo provisorio in pescheria spetando che i risistemi pal carcioti mostra le prime lacune. I architeti disi che servissi tropi soldi e no saria un lavor banale.

[babatriestina]

no i prevedeva anca un al silos?

[AdlerTS]

Ieri el Sindaco ghe ga messo una piera sora: nel suo mandato non el prevedi de far niente lassù. Se volerà far altri dopo, chissà.

[Larry]

Ma se hanno l'intenzione di usare il vecchio gasometro, spero che prendono conto che la dentro ora sarebbe assai velenoso. Hanno tentato una roba simile in Inghilterra ma han troivato che il gas di una volta ha lasciato un aria tossica e molto velenoso specialmente dello zolfo.
Pericoloso sto proposta.
Larry

[AdlerTS]

Tanto per farghe capir de cossa che parlemo a chi non xe a Trieste

[AdlerTS]

[AdlerTS]

Sul lato che non se riva fotografar dovessi esser un orologio e la scritta con l'anno de costruzion.

[Kamohelo]

E' una struttura interessante. Qualcuno ne ha seguito le vicende? Hanno infine deciso qualcosa o rimangono in sospeso anche le idee?

[AdlerTS]

Non i vol far più niente perché ghe saria tropi vincoli della sopraintendenza da rispettar

[babatriestina]

go scoperto che a Vienna ghe ne xe un per de sti gasometri, e dopo che i li ga dismessi i li ga trasformai.. in quartieri residenziali, creando appartamenti e negozi dentro! forsi i xe più grandi del nostro, el stile xe quel...

[AdlerTS]

Tanto per non tralassar niente, ricordemo che jera essenzialmente un serbatoio de gas per l'illuminazion pubblica.

Per quei de Vienna, un sito molto ricco de foto e de dettagli storici (in tedesco) xe:

http://www.wiener-gasometer.at/

[sum culex]

Xe stà parlà de quel che i pensava (a svodo) de far per sfrutar sta costruzion che contigniva un serbatoio 'telescopico' de gas de carbon fossile. El serebatoio vero e proprio xè sta smantelà e ogi la costruzion xè completamente svoda come che poderè veder dale foto de due finestre.
Sta costruzion se trova nel parco de deposito dei autobus urbani dela Trieste Trasporti a Broletto.
Meto qua un poche de foto fate sta matina: son andà aposta là per integrar l'argomento.

L'edificio completo dal alto de via Colleoni



Un toco un poco più in grande



El teto col lucernario

[sum culex]

Qua el xè ciapà de un poco più in basso



Un particolar del lucernario



Oltre la finestra se vedi se vedi la finestra de fronte a comprova che el xè completamente svodo.

[sum culex]

In alto, soto la linda, xè una serie de finestre tonde e anche quà se vedi oltra fin de l'altra parte; xè solo i travi de sostegno del teto e del lucernario



Lungo la semisfera del teto xè una scaleta che doveva servir per andar al esterno del lucernario per eventuali riparazioni, visto che al interno iera el serbatoio vero e proprio e no se podeva aceder in alto al centro.



ciao
zoom culex


P.S.: Caro Adler no sta rabiarte se me son permesso de meter e de zontar foto a roba che te gavevi zà messo ti: no volevo meterme in concorenza.

[Tirabaralla]

Cocolo el PS

Cmq...me ricordo che una volta me sn ritrovada qua zercando de rivar in Campi Elisi...iero completamente persa...iera forsi e primo ano che frequentavo Trieste (ma me ricordo sta roba con una sensazion del acalor e de "casa" che no rivo a spiegar).

[AdlerTS]

P.S.: Caro Adler no sta rabiarte se me son permesso de meter e de zontar foto a roba che te gavevi zà messo ti: no volevo meterme in concorenza.

Come te vol che me rabio, le tue foto xe sempre benvenute e te son più bravo de mi.
Me son permesso però de tacar tuto insieme nel stesso mucio.