A mi un volta i me gaveva insegnado che fra due punti A e B la strada più dritta e più svelta iera la retta.
Adesso, come va la posta de Trieste a Trieste?? per far prima, la passa per Padova!
no xe un wiz, gaverè visto tuti el timbro de Padova sule lettere spedide a Trieste che ve ariva a casa,e sule Segnalazioni del Piccolo xe appunto anche el direttor dele poste che spiega che a Padova xe un centro de smistamento più grande e più svelto per cui convien far cussì
e ovviamente, i me diseva anche, che la posta de anni ormai no viaggia in treno, ma visto che la xe ancora fisica e no virtuale , la vien carigada e la fa Trieste-Padova-Trieste su strada e su gomma. e po i se lamenta del inquinamento!
e ovviamente el fato che le cassette dela posta gabi le do distinzioni Posta per la città e Posta per altre direzioni xe solo un ricordo de altri tempi. Però adesso tuta la posta xe per obbligo prioritaria ( sula ordinaria, che no esisti più) e la ghe meti un per de giorni istesso, ma se paga un fiadin de più.
E za anni fa me domandavo perchè, con due ospedai e laboratori e tanti parchi scientifici che gavemo, co i fa esami medici speciali e biopsie, i devi mandar a esaminar a Padova!!
