Cossa che se pol ancora trovar a Barcola

[Nona Picia]

La nova "Terrazza a mare

Anche qua un lampion cocolo




Una madonnina, chissà se qualchedun sa dove che la xe?

[Nona Picia]

un simpatico cartel




Un altro lampion ciapado un poco mal oltre le sbarre



Un 'insegna che go fadigà a fotografar oltre le sbarre e vederè che sum la ga fata più bela con meno fadiga.

[babatriestina]

la madonnina credo che sia a Cedas, là del dazio

[Nona Picia]

Te ga proprio ragion, su quela "bela" casetta restaurada solo nei nostri sogni
E el primo lampion te sa dove che el xe? (ti o qualchedun altro)

[babatriestina]

Beh, per el lampion ne lo conta Zoomy nel suo reportage, xe casa de Giannio. Forsi go anca le foto de un vecissimo articolo de una rivista anni 50 che mostrava la villa.
Per la casetta, dovessi esser la casa ex del custode dela villa Janesich, che po me sa che anca là no sarà solo che la vecia villa Janesich ma altre villette fate dopo. Mi ctredo che la podeva esser el vecio dazio, almeno mama diseva "al dazio" più o meno in corispondenza de quel punto.

[Nona Picia]

Giusto per farghe concorenza (no tanto ben riuscida) a zoomy


Perdoneme: no la go drizzada!

[babatriestina]

a mi la me par propio bela istesso

[babatriestina]

se se passa per Barcola a pie, senza furia de andar al bagno, e magari se sta sul lato monte e no su lato mar, se vedi tante robe..
el cimiterin de Barcola, mi zercavo se iera tombe dei Windischgraetz ma no le go trovade, go trovade alcune tombe de Marenzi e , alquanto trascurade, quel dei Conti di Cedassamare. De confrontar cola foto del libro de Zubini, che le mostra molto meno invase del verde

andando un poco più in dentro, xe una villa de apparenza normal, ma che xe considerada la più vecia casa de Barcola: xe la villa dei Burlo, quei dele 13 casade, dove che i ga ospitado papa Piccolomini fra el 1448 e el 1450


Naturalmente, bisogna andarla un poco a zercar..

[babatriestina]

e po, ghe xe questa


che se no i me gavesi dito no gavessi mai pensado che xe a Barcola, e la prima volta la go vista su un post sul vecio triestemia..
una torre dela famiglia Giuliani, altra dele 13 Casade, abitada probabilmente già nel '600
attualmente la xe in lavor de restauro

un dettaglio del tetto de legno: in effetti la ghe somiglia alla torre turca de un parco viennese

[babatriestina]

El stemma de piera sulla porta

e, sempre per le curiosita. no basta! in un giardin no lontan, ghe xe un poche de raccolte de sculture de piera: una vasca de marmo coi due anei, una colonna, e questa:

la xe girada verso la ringhiera esterna e a drizzarla la xe una piera tombal del Sei-Settecento, come quele che se trova torno dela Cattedral

[babatriestina]

continuemo, sempre lato a monte, e su un architrave che dà su de una stradina trovemo un de quei crocefissi de piera come sule arcade dei paesi carsici:

( semo di fronte della Pineta)
particolar:

ancora una lagerstroemia in fior

[babatriestina]

E arrivemo alla Casa russa, o casa delle cipolle, Casa Jakic

1896, sto Jakic iera un ex prete croato, direttor de una rivista dai vari nomi Il Diritto Croato, Il Pernsiero Slavo, La Pensée Slave, Slavenska Misao, villa da lui venduda nel 1904.
Progettista, el noto scultor altrettanto impegnado nel sostegno alla nazionalità croata Ivan Rendic, allora più noto come Giovanni Rendich, e autor de alcune famose sculture tombali in Cimitero, fra cui la tomba Cossovich.
No me ricordo se sum Culex ga postado la sua version de sta villa comunque decisamente esotica , ma zonto le mie. Vizin xe la villa veneziana , costruida più o meno contemporaneamente, della stessa impresa ( eclettismo al massimo!) e che go messo in stile neoveneziano


i ornamenti in ferro battudo del porton in controluce

[babatriestina]

con Monte Grisa sul sfondo

e adesso podè attraversar e farve un bel bagno nel mar blu che ve ga postado stamattina NonaPicia!

[sum culex]

La casa russa; noi la ciamavimo la casa turca. No ga importanza: queste xè le foto de come che la go vista mi. Anche qua i comenti xè za stai fati de 'pozzo de cultura' de conseguenza, a parte che i saria inutili e dopioni, mi me astegno e ve mostro solo le foto mie per la solita gara zoom contro zoom.

[sum culex]

Qusto se ciama 'bovindo' o me sbaglio?








ciao
zoom culex

[sum culex]

con Monte Grisa sul sfondo

e adesso podè attraversar e farve un bel bagno nel mar blu che ve ga postado stamattina NonaPicia!

Traversemo la strada e trovemo la fontana (sarà el sogeto de un'altra serie)



Poco più avanti el bagno Cedas



Subito dopo, fati ancora quatro passi: I Topolini (sogeto de sta serie)
Tuta la fila vista dal mar; xè un grupo de sei foto fate dal motoscafo e riunide insieme. la costa xè un poco storta, ma no rivo a drizarla più de cussì.

[babatriestina]

MOD la serie continua in Stabilimenti balneari: Topolini in immagini- in accordo col Fotografo /MOD

[AdlerTS]

che se no i me gavesi dito no gavessi mai pensado che xe a Barcola, e la prima volta la go vista su un post sul vecio triestemia..
una torre dela famiglia Giuliani, altra dele 13 Casade, abitada probabilmente già nel '600
attualmente la xe in lavor de restauro

Te pol indicar la strada ?

[babatriestina]

che se no i me gavesi dito no gavessi mai pensado che xe a Barcola, e la prima volta la go vista su un post sul vecio triestemia..
una torre dela famiglia Giuliani, altra dele 13 Casade, abitada probabilmente già nel '600
attualmente la xe in lavor de restauro

Te pol indicar la strada ?

Via Nicolodi 11
la prima trasversal in salita dopo dele case dela questura o cossa xe, quele grandi anni 50, se entra in un ingresso a man destra

[babatriestina]

E arrivemo alla Casa russa, o casa delle cipolle, Casa Jakic

Progettista, el noto scultor altrettanto impegnado nel sostegno alla nazionalità croata Ivan Rendic, allora più noto come Giovanni Rendich, e autor de alcune famose sculture tombali in Cimitero, fra cui la tomba Cossovich.

Dimenticavo, el più importante, per qualchedun ! Sto Rendic ga fatto anche le statue del Monumento alla Dedizion ! la cui testa xe ancora conservada nella collezion De Henriquez e ogni tanto i la tira fora, come che i ga fatto per la mostra sula prima guerra in Pescheria.