Zoghi de fioi

[babatriestina]

Oggi cercavo in negozio un zurlo..ma no lo go trovado
perchè el muleto stava zogando cola mia girella..

[AdlerTS]

Zurlo se lo usa de più come "te son un zurlo" che come trottola.
A proposito de veci gioghi, gavè mai sentido el scaldaculi
saria correrse drio dandose forti manade sul posteriore

[refolo]

Mi go' trova' un ZURLO de oro ....un amuletto che go' nella mia cadena intorno al collo. (bastanza grandetto)

ogni angolatura ga' una piera de tutti i colori, dall'ametista-rubino-smeraldo-acqua marina- ....per ultimo in fondo, dove ghe dovessi esser
la base del zurlo, ghe xe una piera bluastra, che non conosso! ma el gioiellier me ga' dito che ga' da far con la TURCHIA!....saria curiosa de saver se tutta sta roba deriva da lori?



Maria aka refolo

[ffdt]

prova a meter una foto ... forsi dopo cualchedun sa dirte cualcosa

[refolo]

(Franco fame saver se te ciapi la foto della mia cagnetta......adesso le fotografie le faro' ridotte, come quella che te go' posta'.)

per Adler! quel che te nomini ti' la so' ma scometto che non te sa quella che te devi star fermo.

Senza sbatter ciglio l'avversario con el palmo della man te riva in fronte
sta mazza ciamada Spitfire......se smetti guando che te cominci a pianzer.

La testa te gira ....altro chel zurlo, la fronte rossa per un per de giorni, e per zonta a casa te ciapavi el resto! gioghi stupidi.

Maria aka Refolo

[refolo]

Allora, dato che semo sul sogeto dei gioghi, la mia picia Elissia, la ga' avudo a scola un gruppo de Africani del Ghana.

I ga' dimostra' dei gioghi (conossudi anche a Trieste) come per esempio
el giogo dei figli che se intreccia tra i diti, giuro che non so' come che se ciama, ma so' che fazemimo la Tria, intorciar i figli e se eliminava tutto con punti.

le sc-hinche.......giogo gionarliero in strada... mi' iero in charge dei BOBI!
dovevo dominar coi punti, e buttarli vicin le sc'hinche....giogo piu' pei mas'chi che mule, ma cercavimo d'esser simili ai muloni.!

el piu' bel giogo per mi iera le ""MANETTE"" iero un'esperta gavevo sulla man almeno 12 sassi!.........mio papa' me diseva che giogando se netta via i calli! delle man.

Maria aka Refolo

[babatriestina]

el giogo dei figli che se intreccia tra i diti, giuro che non so' come che se ciama, ma so' che fazemimo la Tria, intorciar i figli e se eliminava tutto con punti.

fili, no figli??
se xe quel che me insegnava mia nona, go visto tanti anni fa in television un documentario su Gengis Khan e i lo presentava come un antico zogo mongolo!
quel col spaghetto che se metti fra do man e l'altra persona lo ciapa su girandolo e formanodo figure diferenti? me par che esisti anca dei pici video su internet..
per mi le figure se ciamava: la cuna ( 1 e 2), el mar, el tavolo, el cavaletto...
ps semo in sezion dialetto, quindi se dovessi parlar dei nomi dei zoghi de fioi: sto zogo col spago, ga un nome?

[Nona Picia]

Ma la Tria no xe quel zogo che se fa su un toco de carta disegnando qutro striche incrociade in modo de formar un quadrato centrale e ( laterali che se impigniva con X e 0 fin a riuscir a meter tre precisi in fila ode traverso?

[babatriestina]

Ma la Tria no xe quel zogo che se fa su un toco de carta disegnando qutro striche incrociade in modo de formar un quadrato centrale e ( laterali che se impigniva con X e 0 fin a riuscir a meter tre precisi in fila ode traverso?

xe due zoghi che se ciama tria:
un xe quel che te disi ti, che po come che el xe el xe sempio perchè se un dei do no xe distratto finissi sempre in apri, el deventa interessante se se prova a zogarlo su carta quadrettata libera e se devi allinear no me ricordo se 4 o 5 segni..
ma po xe un secondo, cole pedine, con un disegno più complicato , se lo trova spesso sul retro dela scacchiera, e anche là se devi allinear tre pedine, e ogni volta che se le allinea xe tria e un te lo porto via e se cava una pedina del aversario.
PS co gavevo scritto zoghi, me riferivo ai nomi dei zoghi in triestin, se parlemo dei zoghi tradizionali triestini in genere magari spostemo el tutto in un altro discorso..

[refolo]

Scuseme.....go' sbaglia'

dovevo scriver FILI! comunque xe anche questo un xe giogo sperimentale, ma anche un passatempo. Se gioga in due ma certe volte entra un'altra persona che ga' un senso immaginario, xe un fil de lana tondo, esatto tegnir come quando che se iutava a far su' la lana se verzi le man tignindo i dito alti, doppio giro sulla man se ciol su' con la sinistra quel che xe nella destra, la persona che gioga ciol su con dito mignolo sia chel fil che sta' sotto e quel de sora, vien fora a quadri come el ciondolo del zurlo de oro,(Che me xe stado ditto che i fioi Turchi gioga assai) che xe stado postado su'. El giogo xe appunto chi fa' de piu' disegni, xe pretamente per femmine, se scrivi in un toco de carta chi che fa' piu' giri. I muli co passava i ne disfava via tutto.......tipico.
El motivo che scrivo sta roba (senza che Betta se rabbi) xe, perche' i nostri gioghi prettamente Triestini i vien dai altri paesi, e la mia picia la ga' domanda' dato che son Taliana, se anche noi fazevimo sta roba, cussi' adesso che la ga' visto che so' come tutte le curiose la vol saver el perche che questo Negro del Ghana el xe anda' a scola a mostrarghe i gioghi che lori fa' in Africa? chi dei due ga' ragion? non xe mistero xe la verita', lo gavemo impara' e qualched'un ne lo ga' importa'.

Maria aka Refolo

[Nona Picia]

E la SESA xe un zogo pretamente triestin?

[babatriestina]

E la SESA xe un zogo pretamente triestin?

La sesa, la sesa inglese, la sesa color, la sesa cuccetti...

[ffdt]

meto cua el schema de 'l zogo de porton come che lo dopravimo noi ... so che no xe 'l solo che se dopra, ma c'o iero muleto mi noi no dopravimo altri ... in te i numeri co' i cerci e in te la luneta in zima se se podeva ripoxar




ciau ciau

Franco

[Golfoblu]

No solo quando te ieri muleto ti, ma quando iero mi e tanti altri prima de noi ...........

[ffdt]

[...]No solo quando te ieri muleto ti[...]

a dir el vero mi vedo in giro un altro schema, tipo cuel che xe in sta publicita` (la seconda foto) ... a sto punto me domando se 'l schema ghe go meso mi no 'l sia tipico de cua de noi

[Nona Picia]

Co iero picia mi i schemi iera due : el tuo e uno che a noi ne piaseva de più perchè in mezo ghe iera una crose a X con i numeri intorno e se alternava el salto con una gamba a quel con due gambe in contemporanea. Però no so farte qua el disegno.

[ffdt]

de recente go visto sia cuel che go disegnado mi che un altro:

[AdlerTS]

Gavé mai giocado a "magna tapo" ?

[ffdt]

no, ma ghe ne go intexo parlar ... no xe cuel che te ga de meter la man ben verta su la tola e dopo co' un ordegno a punta impirar la tola in te 'l spazio tra i dedi zercando de no impirarte a ti?

i lo fazeva in clase mia doprando una piu' inocua pena biro, cusi` 'l masimo iera che i se spoercava de inchiostro ,-)

[AdlerTS]

C'entra un cortel (anzi, una britola ), ma xe un giogo de far in giardin. Te devi tirar el cortel in modi strani e farlo sempre impirar nel teren. Chi perdi cava fora da l'erba un legneto impirado prima de cominciar, el "tapo".