Sondaggetto de stagion

[babatriestina]

Za che semo, ve ricordè quando che gavè fato el bagno più primaverile ? mi me par de esserme iazzada un anno un 6 aprile, no so come, col aqua sui 14-15 gradi, de solito comincio fra el 25 aprile e el 1 maggio.. po xe le sariandole che sta al sol e se l'aqua no ga oltre 20 gradi no meti gnanca un pie dentro..
per i non residenti a Trieste, podessi meter la temperatura minima de l'acqua per voi..

[Golfoblu]

Go votado giugno o dopo, tanto per esser in consonanza con l'abitudine che gavevo.

De ste parti nele spiage più vizine che se pol aver, praticamente sul tropico de capricorno, te rivi andar in mar quasi tuto l'anno volendo. Comunque el período adatto a seconda dela temperatura ambiente e del'acqua xe da setembre a magio.

[AdlerTS]

Mi non sopporto el caldo estivo, quindi prediligo el sol de primavera.
Per el mar, dipendi da quando caldo te ga

[Kamohelo]

Ho votato altro, perchè dipende dai gradi e non dal mese. Di solito già a maggio si può andare al mare considerando il caldo degli ultimi anni.

[Tirabaralla]

Se rivo a vignir a Trieste in estate fazo sempre un toc(h).

[Lugara]

Mi me piasi de mati quando, i primi bagni che fazo in primavera, fine aprile o i primi de magio, l'acqua xe ancora tanto freda che son l'unica o quasi a entrarghe. La sensazion quasi de dolor ai pìe, el momento che cava el fià quando se imergi la schiena, la felicità dele prime braciade, el sentirse tonificadi quando se torna al sol sula sdraio.... meraviglia! E sopratuto ancora no xe tuta la mularia perchè le scole xe ancora verte, quindi una pase sureale.
Aahhh!!! Goduria!!!
A ogni modo anche ieri in Istria no me la son passada mal
- anzi! - anche se l'acqua iera calda quasi come brodo...!

[Lugara]

De ste parti nele spiage più vizine che se pol aver, praticamente sul tropico de capricorno, te rivi andar in mar quasi tuto l'anno volendo. Comunque el período adatto a seconda dela temperatura ambiente e del'acqua xe da setembre a magio. [/color]

Scusa, dove te sta? Me trasferisso là!!!!

[Nona Picia]

Se me ricordo ben, el sta a S.Paolo del brasile. Coregeme se sbaglio.

[angiolina]

Lugara, come t'invidio!! Pensa che io per il primo bagno di mare devo aspettare la fine di AGOSTO a Pago

[Lugara]

A Pago iera mia sorela l'anno scorso e la me ga dito che iera stupendo!
Ma scusa la curiosità, Angiolina, dove te sta che te va al bagno solo a fine agosto?

[angiolina]

Io ci sono stata già quattro volte ed è davvero bello

Ma scusa la curiosità, Angiolina, dove te sta che te va al bagno solo a fine agosto?

Milano, Lugara

[Lugara]

Milano, Lugara

Ops... condoglianze....

Scherzo!

Mia sorela per un tre anni la xe andada a star col moroso in zona Vicenza e la mancanza del mar la pativa sempre teribilmente. La stava ben là, beninteso, ma la zercava de vignir qua al bagno qualche giorno durante l'estate ogni volta che la podeva.
L'anno scorso i se ga lassado e la xe tornada felicemente a star qua!
Mi credo che personalmente non poderia viver lontan del mar...

[angiolina]

Lo so che scherzi
Mi spiace per tua sorella (MOD, lo so che non è una chat, ma fatemela passare, per favore), ma forse lei non è tanto triste, visto che è tornata "felicemente" a Trieste e al suo mare.