Grignano

[babatriestina]

Grignan: el mio amor fra i 10 e i 20 anni!
prima se ghe podeva andar solo in macchina e mi e mama no gavevimo nissun che ne portassi, ma po i ga fatto la corriera G !! ogni mezz'ora ( orario estivo) la partiva de davanti Godina e in 20 minuti se iera a Grignan!! ecove una cartolina, mi la datassi 1961. El bagno iera stado rifatto de poco, ma ghe xe ancora el vecio trampolin, prima de quel col blocco de cemento che i ga fato un per de anni dopo, co questo xe andado mezo distrutto de una mareggiata.

[AdlerTS]

El secondo, quel con l'ascensor, de che anno sarà ?

[babatriestina]

El secondo, quel con l'ascensor, de che anno sarà ?

Prima che i lo rifazessi e che i fazessi l'ascensor, el esisteva za nei anni Cinquanta, se ghe andava de Grignan passando de drio del primo, per el passaggio coperto che ghe xe ancora, e se ben me ricordo iera dele cabine gialle de legno che dava su una spiagetta sassosa. Poco dopo el primo, i ga abondantemente slargado el secondo e i lo ga rifatto una prima volta e credo che subito o poco dopo i ga fato el ascensor. nela foto l'ascensor no se vedi, quindi diria 1962 1963. se qualchedun se ricorda meo...
noi muleria snobavimo el secondo perchè nol gaveva trampolin e zatere dove far scandal, lo giudicavimo un poco bagno per vece siore.

[babatriestina]

Ancora un per de cartoline de Grignan
fin anni 60, primi anni 70, i gaveva appena fatto el novo albergo , ghe iera là un picio alberghetto co iero picia

questa cartolina me la tegnivo de inverno co gavevo fredo
e po una de Grignan moolto prima

l'edificio a sinistra de quela specie de anfiteatro de pastini xe l'albergo che me ricordavo

[Nona Picia]

Mi de Grignan me ricordo solo che ghe son andada col treno e che iera una specie de bosco o pineta, no so ben, in riva al mar. Ma xe un ricordo assai vago.
ciao ciao

[babatriestina]

due immagini de ieri, el vecio passaggio che va de drio grignano 1 a grignano 2, ormai no lo dopra più nissun e se vedi..

[AdlerTS]

Mi inveze me ga sempre sai piasso 'sto passaggio: non so perché

[babatriestina]

saria bel se i fazessi quel discorso che go sentido far boni venti anni fa, de prolungar vla passeggiata a mar de Grignan fin Sistiana: una volta i siori che gaveva le ville credeva de gaver le spiaggette personali, ma le leggi italiane ( in questo, se applicade, valide) disi che l'accesso al mar devi esser libero e no xe permesso metter chiusure.
Però in certi punti xe spiaggetta de sassi, in altri moletti che i se tien le barche, in altri col alta marea xe somerso e po poco prima dele ginestre xe propio un muro alto che blocca el passaggio : ogni tanto el CAI fa la gita lungo el mar e una volta la go fatta, ma al muro chi che podeva se ga tirado su de peso su una corda, mi e le altre babe gavemo dovudo rimontar sula costiera.
Fra tanti progetti, de questo no se parla più de ani anorum.. vegnissi come la passeggiata a mar de Abbazia. Po xe de domandarse chi che la fazessi, visto che i triestini se movi solo che in auto ..

[AdlerTS]

vegnissi come la passeggiata a mar de Abbazia. Po xe de domandarse chi che la fazessi, visto che i triestini se movi solo che in auto ..

Te vol farme sognar ?

[rofizal]

Sorpresa!
Lucio Battisti a Grignan nel 1969 che canta "Acqua azzurra acqua chiara" :
Lucio Battisti - Acqua Azzurra Acqua Chiara

[AdlerTS]

El corriman bianco che se vedi drio de lui non esisti più...

[babatriestina]

El corriman bianco che se vedi drio de lui non esisti più...

el iera sul pontil de collegamento dela prima e più vecia parte del bagno con la parte successiva, detta "Sirena", che po se no sbaglio ghe ga dado nome a tuto quel che noi ciamavimo Grignano1. Se vedi anche el getto de acqua che voleva imitar quel de Ginevra.

[AdlerTS]

Cartolina

[babatriestina]

Cartolina

la terrazza del hotel Riviera o ancora oltre?

[1382-1918]

Che forte atmosfera anni '50!

Dalle foto vedo che all'epoca i usava sai quelle strutture, visibili ancora oggi in più posti, come per far rampigar dele piante. Save forse el nome?

[macondo]

In inglese se ciama trellies....

[babatriestina]

Treillis in francese, e semo là e là col inglese, in italian pergole, pergolati

[1382-1918]

Ok, grazie, anche mi li go sempre ciamadi pergolati, ma pensavo che i gavesi anche un nome più specifico.

[babatriestina]

el mio vocabolario, sotto pergola scrivi: impalcatura di sostegno per viti e altre piante rampicanti, formata da graticci o intelaiature in ferro o legno orizzontali o a forma di volta, poggianti su colonnine o pali.
E el termine vien doprado nei manuali de giardinaggio.

[MUSTANGS13]

dala prima media ala terza media el mio bagno preferito ..... a pie fin barcola e dopo la 36 .... borsa tracola, walkman de concorenza, zocoli padrillas, sugaman, panini qualche soldin per un per de gelati e un due coche ... andavo solo ... i soldi per el biglieto me li dava mama che lavorava e la saveva che iero "al sicuro" con bagnin e via discorendo .... la andava un pochi de compagni de scola .... e via .. tuta la giornada ... co pioveva se butavimo in acqua e spetavimo che pasi el temporal .... bei tempi ....