la torre romana di s Maria Maggiore

[babatriestina]

Ecco a voi un ammasso di verde: che cos'è?
Ovviamente la prima risposta è Edera. OK, ma sotto tutta questa edera, che cosa c'è?
( io me ne sono accorta solo dopo aver visto una vecchia foto senza l'edera)

[Bilbo]

no go idea, la sora xe la cesa vizin a quela de Santa Maria Magiore....

[babatriestina]

Sì, el posto xe quel e la cesa xe San Silvestro. Ma no me basta...

[granzo]

Una galeria, una scala, un gabineto publico

[babatriestina]

Una galeria, una scala, un gabineto publico

Nissun dei tre

[AdlerTS]

Anche savendolo, non se vedi più niente: dovessi essere una fortificazion "de fortuna" de epoca romana, fata in freta e furia dai triestini con dei rudinazi. Meritassi de esser valorizzada come reperto !

[babatriestina]

Xe una torre (o meio la base de una torre), probabilmente romana, ma no son tanto sicura che la sia stada butada su,xe vero che ghe xe material de recupero, ma quel xe un uso del epoca romana e medieval, doprar le piere dei edifici precedenti nel edificio novo! e me par che la xe stada inclusa nele mura o torri medievali.
L'idea che la sia stada butada su de furia per le paure de le invasioni barbariche xe un'opinion de Veronese (Trieste nascosta- la torre della paura)- bisognassi controllar almeno un'altra fonte
comunque nele foto dela guida dela Ruaro Loseri la xe perfetamente neta e se vedi benissimo la struttura quadrata. I dovessi netarla. O i lassa l'edera per protegerla?

[AdlerTS]

O i lassa l'edera per protegerla?

O PER TIGNIRLA INSIEME

[babatriestina]

ecco, se andè nela colezion de MisterKappa, a

trovè un per de cartoline dela scalinata con sotto la torre libera dela vegetazion ( sec IV la dovessi esser, la torre, no la cartolina !)

[MisterKappa]

ara ti', no gavessi mai imagina' de aver una roba compagna

[ffdt]

Eco, alora a vardarla de la cartolina de MisterKappa me par de poder eser sicuro che la se stada sconta per secoli soto de la strada che vigniva zo tra le do cexe.

Ve meto sta stampa ... no me ricordo de indove che la go e me ricordavo che la fusi stada sai piu` granda, ma la go de cusi` tanti ani che xe facile che cuela volta i schermi de i computer i fusi grandi come sto pupolo cua ;-D

Come che se pol veder, indove che adeso ghe xe la scala de le medaie de oro cuela volta iera caxe e la stradela che la finisi in piaza S. Silvestro la continuava zo fina in via Riborgo. No me ricordo piu` come che la se ciamava, pero` se se varda la cartolina c'o la foto me par ciaro che la strada ghe pasava per de sora de i resti de la tore.

Ciau


Franco

[babatriestina]

Diria che sia sicuro che la xe vegnuda fora co i verto la strada e butado zo le case.
Se te vardi la tua stampa, quela mostra la parte corispondente a l'ultima rampa dele scale, perchè a destra se vedi San Silvestro, quindi xe za in alto.
Resta un'osservazion che no ghe n'entra cola torre, ma za che confrontemo: quando che i ga fatto S Maria Maggior la iera più o meno serada fra le case e per veder tuta la facciata se la vedeva solo che de lato, dove che iera un pochi de slarghi. Adesso se la vedi ben, ( tranne che de drio del palazzo INAIL che a mio modesto parer messo là el xe propio de intrigo), soprattutto del basso. Ecco, butando zo i ga liberado una bella vista.
Co i ga rifatto le scale ( anni 50-55 del Novecento) molti ga criticado che le xe tropo moderne, zerto, se i le gavessi fatte un poco più curvilinee saria vegnudo qualcossa come Trinità dei Monti

[ffdt]

Me son domandado come che andava zo sta strada ... ma scriverghene cua me pareva fora logo e cusi` go meso in Quartieri e rioni -> Strade che no xe piu` ... el URL el xe cuesto: https://www.atrieste.eu/Forum3/viewtopic.php?p=1317#1317

Ciau

Franco

[babatriestina]

Visto che qua nissun me rispondi sula sfinge alata, ve meto un'altra cartolina dela torre romana soto S Maria Maggior, la foto paressi, a veder le macchine,dei primisimi anni 60, un poco dopo quela da FrancoK , perchè qua un poco de vegetazion xe za cressuda, xe anche le do conifere ( credo una varietà de cipressi ma no giurassi) ai due lati dela scala, che i xe ancora adesso

[babatriestina]

a proposito del torrion, me ga scritto privatamente el nostro forumista cepula ( che evidentemente ne leggi, anche se nol posta mai) che el ga fatto una mozion nela circoscrizion, dove che el xe stado eletto, per el restauro dela torre . stemo a veder!

[babatriestina]

Oggi xe sul Piccolo dela mozion per el recupero dela torre romana. I disi che la podessi far parte de una cinta de muri anche in via Capitelli. e i spera in un sponsor privato per poder restaurar, che par che manchi bori, come sempre.

[cepula]

Cari Forumisti,
come diceva Babatriestina io vi leggo... e imparo.
Ho preso spunto da questi vostri post per una mia mozione, la prima che faccio in circoscrizione.
Vorrei vedere, come tutti noi, la Torre ripulita e dunque oltre a procedere per via burocratica, con la mozione affichè la Soprintendenza si adoperi d'intesa con il comune (anche se non è di sua competenze) mi sono adoperato anche a ricercare i fondi e.... gli ho trovati: ben 39.000 euro pronti per essere spesi x il restauro!!
Ora c'è da aspettare che la burocrazia faccia il suo corso, augurandoci che vada tutto bene...presto potremmo ritornare a vedere un reperto così importante storicamente per la città e per i sui turisti.

nicola
www.cittadinipertrieste.it/davanzo

[AdlerTS]

Occhio, che ci contiamo !

[babatriestina]

Ne abbiamo parlato sotto "cossa xe sta roba" e adesso spostemose qua e riprendemo cole foto recenti: i la ga finalmente liberada e el merito va anche al nostro forumista ( assai poco presente) Cepula che nel logo opportun se ga dado de far per el restauro. I ga cavado el edera e adesso i vedi se e quanto se pol cavar ancora e consolidar:
el torion visto de fianco


de fronte

le piere del basamento e i numeretti che segna le zone studiade dei archeologi



Ve ricordè i titolo fantasiosi de Trieste nascosta? questa iera "la torre della paura" perchè i se imagina che la sia de epoca tardoromana, che za se cominciava a spetarse i barbari, e ve ricordà la "cesa de rapina" che i ghe diseva la cesa de P Rosmini ( Madonna del mar) che qualchedun ga credudo che i rapinassi piere per far le cese? anche qua podè veder che in epoca romana i riciclava tochi precedenti, podè veder in sta imagine piere scanalade de monumenti anteriori

[macondo]

Un'altra foto de imageshack xe sparida piú in sora nel post de baba