Bled, iazo e cavai

[rofizal]

Stago zercando dele foto nel baul dove go ingrumado tute, vecie e recenti. Ghe ne go cusì trovade alcune scatade da mio nonno, generalmente nei anni '50. Questa in particolare credo che meriti de eser publicada sul forum. Se trata del lago de Bled in pieno inverno, completamente iazado. Xe interesante veder come che i taia e i porta via, sul careto trainado dal caval, i cubi de iazo. Iera i tempi dele iazere e no iera ancora - o no iera ancora difusi - i frigider eletrici.

Ricordi de un mondo rustico ormai completamente scomparso.

[babatriestina]

belissima, ti te apprezzerà sopratto i cavai, imagino! ma anche le sbarre de iazzo xe un ricordo che go appena appena, ghe ne parlavino nel articolo sule iazzere

[Nona Picia]

Mi dele sbarre de iazo go un bel ricordo ciaro: andavo in paneteria a rubarghe insieme coi amici i tochi de iazo che cascava via e guai se el panetier ne vedeva!