La gaza australiana

[Capuzi garbi]

Sti usei no ga niente a che far con la gazza europea. Aparentemente tanti usei de sto continente ga ciapa` nomi europei semplicemente perche` ai primi emigranti i ghe ricordava dei usei de casa sua.

I masci xe puramente bianchi e neri, mentre la schena dela femina xe piu` grigia. I usei giovini ghe assomiglia piu` ale femmine, ma el beco di usei adulti xe bianco mentre nei giovini i xe ancora neri. Con un poco de pazienza i diventa 'ssai domesticai, anzi go letto dei casi che i va a magnar dale man dela gente. L'usel del'istantanea xe ancora giovine e de solito el segui i sui genitori: El sa magnar solo, ma come tuti i pici el pretendi ancora che mama e papa`ghe dia de magnar.

Quela roba colorada de rosso xe tocheti de carne masinada che mi ghe buto diverse volte al giorno per incoragiarli a vignir in giardin.

[AdlerTS]

Aparentemente tanti usei de sto continente ga ciapa` nomi europei semplicemente perche` ai primi emigranti i ghe ricordava dei usei de casa sua.

Gaveria fato lo stesso

[Zigolo]

No so gnente de usei australiani ma, a veder la foto, no xe una gaza ma xe sicuramente un corvide.

Ora, dalla Complete Checklist of the Birds of the World, de Howard & Moore, me risulta che in Australia ghe xe i seguenti corvidi:

Australian Crow (Corvus orru)
Little Crow (Corvus bennetti)
Australian Raven (Corvus coronoides)
Little Raven (Corvus mellori)

Pol esser un de questi? L'aspetto de Corvus (cioè come i nostri corvi e cornacchie) lo ga.