I topolini - mi no go mai capì

[duralex]

Mi no go mai capì che gusto sia star distiradi a lato dela strada a cior el sol con le machine che le passa a dò metri. ma no solo adeso, che che devo spiegar ai fioi che meterse sul marciapiede xe una specie de tradizion triestina, ma nianca quando che iero picio. Adeso me sospenderè vita natural durante da ogni forum de l'Italia e del Regno, ma mi la penso cussì.

[Lugara]

Chiedo formalmente ai moderatori di bannare il sunnominato Duralex con effetto immediato.



Ma dai, Duralex, che in fondo i ga anche piantado i oleandri che un poco scondi...!

[AdlerTS]

Dipendi dall'età: a venti anni per mi jera normale andar al 9° topolin, oggi non poderia mai. Non per altro, ma per i metri cubi de gas de auto che te se respiri. Le piantine ga avudo solo l'effetto de ridur el numero dei tamponamenti de quei che guardava la putele far vasche su e zo.

[sono piccolo ma crescero]

Mi no go mai capì che gusto sia star distiradi a lato dela strada a cior el sol con le machine che le passa a dò metri. ma no solo adeso, che che devo spiegar ai fioi che meterse sul marciapiede xe una specie de tradizion triestina, ma nianca quando che iero picio.

Che diferenza passa tra distirarse ai topolini o là de Stico? Una cabina in più e qualche euro in meno; l'acqua xe la stessa (ah Istrian son po' ; sempre là casco e, co' go de comprar qualcosa, la prima domanda xe: "Quanto costa?" ).

Comunque, a tutti ghe piaseria una spiagia incontaminata, acqua limpida, tre chilometri de pineta de drio e un'auto eletrica per 'ndar dal postegio ala spiagia, ma questo gavemo e semo contenti che i ga messo i oleandri e che podemo 'ndar là a far el bagno saltando el pranzo tra i due turni de lavor senza dover far el mutuo (traduso per i non triestini e per evitar interpretazioni equivoche "'ndar al bagno"="andare al mare").

[Nona Picia]

Mi no me distiro sul marciapiede, se te intendi quel dela strada, vado ai primi topolini e stago de soto dove che el smog riva un poco meno, ma comunque andar de Stico o al bagno militar cambia poco e cioè solo per el fato che te paghi una certa cifra. E mi no ghe dago 4 0 5 euri e anche de più se te ciol la sdraio e l'ombrelon, il che in certi bagni xe obligatorio go sentì, per star 2 o 3 ore al bagno quando che posso star gratis, almeno per adesso, qi topolini.
Al massimo pago l'euro che servi per andar ala lanterna, anche se me piasi meno dei topolini.(Mi no son istriana, ma lo stesso penso su certe robe come lori.)

[babatriestina]

Aggiungo che ai Topolini se pol star sulle terrazze o nele spiaggette e moletti al de sotto, e no necessariamente sula strada, e che i ga fato una barriera de oleandri che separa almeno visivamente dela strada.
Che spender 3-4- 5 euro ( o più se te ciol el parcheggio o cabine) per ciapar un'oretta de sol e un toc' a mi me par eccessivo, visto che apunto l'acqua xe la stessa , e ai Topolini ghe xe scalette e docce . ( eeh, anche mi go sangue istrian come Sonopiccolo, e in più ghe ne go anche de furlan..)
Tanto xe vero che el novo albergo al Bivio sta zercando de becar per i sui distinti clienti, fazendo privatizzar, un toco dele terrazze soto de lu, che no xe Topolini ma xe del stesso genere.
E el Ausonia, col suo ingresso a pagamento, no ga sicuro acqua bela come a Barcola e el la ga più o meno come quela dela Lanterna,che xe a prezzo simbolico. Ma ghe anche xe chi che va al bagno no per far bagno..

[Lugara]

Me unisso al coro dei "istriani": anche mi vado al bagno ai Topolini, per la precision fra el III e el IV dove ghe xe una relativa pase (pochi fioi pici, che sta ala spiageta del I e II, e nissun muleto che fa casin dato che i va ai ultimi).
Secondo mi xe belissimo: ghe xe le doce, i bagni, tuto xe tignudo neto e l'acqua xe bela pulita (se la corente no porta scovaze).
Inoltre più o meno se se conossi tuti fra i frequenatori per cui xe tacito dar un ociada ale borse del vicin quando el se alontana.
El tuto GRATIS.
Se no vado al bagno in Istria, quando no go tanto tempo coro ai Topolini!

[macondo]

Sto thread me ricorda un episodio de diversi anni fa.
Due amiche che gavevo a Caracas gaveva deciso de farse un giro in Europa e le me gaveva domandado dove andar a dormir a Trieste. Ghe gavevo consigliado el ostelo de Miramar...
Premeto che andar a la spiagia in Venezuela xe un esperienza de sogno. A mezza ora de Caracas ghe xe posti da paradiso terestre ma xe normal per la gente de lá.
Imagineve la sorpresa de ste mule a veder tutta sta gente sdaiada sui scoi, che, secondo lore, ghe ricordava la sireneta de Andersen ma in una version demenziale.

Le me gaveva remenado per mesi....

[Capuzi garbi]

Mi volessi saver perche` i bagni topolino xe ciamadi con sto nome. Cossa i ga a de far co i sorzeti?

[macondo]

Credo che i ga ciapá el nome per la forma che ricorda la testa de Mickey Mouse...Un cercio grande, piu do cerci pici dove xe le orecie de Topolino.

[Lugara]

Mi volessi saver perche` i bagni topolino xe ciamadi con sto nome. Cossa i ga a de far co i sorzeti?

El nome dovessi derivar dal profilo dela testa con le grandi orecie de Mickey Mouse, cioè Topolino, che ga - visto dal alto - ogni d'un dei spogliatoi con anesse docie e bagni.

[Lugara]

Vedo 'desso che Macondo me ga precedudo... chiedo scusa!

[Nona Picia]

Visto che se parla del Topolino, meto due foto che, sempre miofio, laltro, no quel che conossè voi, ga fato proprio là.

[Lugara]

Complimenti, foto veramente bele!

[AdlerTS]

Se jera una gara de clanfe questa ga vinto

[Nona Picia]

Se jera una gara de clanfe questa ga vinto

Scusa Adler, ma questa no l go capida. Son un poco "trda" per certe frasi.

[babatriestina]

Se jera una gara de clanfe questa ga vinto

Scusa Adler, ma questa no l go capida. Son un poco "trda" per certe frasi.

Dicesi clanfa, oltre che ferro di cavallo, un tuffo atto a creare un grosso spruzzo d'acqua . Noi lo ciamavimo più a bomba, per l'effetto.

[Nona Picia]

Grazie per la delucidazion! In efetti no me ricordavo che clanfa vol dir anche quel. Comunque più che una gara de clanfe, iera una "gara" de libecciate! E mio fio ga sempre la fortuna de becarle, forsi perchè co nol lavora o co nol xe casa, el xe ai Topolini!

[Lugara]

Dicesi clanfa, oltre che ferro di cavallo, un tuffo atto a creare un grosso spruzzo d'acqua [/i]. Noi lo ciamavimo più a bomba, per l'effetto.

Co' me tufavo mi ciamavimo bomba quando lanciandome me abraciavo subito i genoci e tocavo l'acqua praticamente de schiena. Dopo iera la variante tignindo un genocio solo e lassando zo longa l'altra gamba.
Clanfa inveze quando me butavo in avanti quasi come per andar de testa verzendo tuto el corpo e al ultimo seravo brazi e gambe davanti al peto piegando anche la testa.
Questo xe quanto ricordo dei tuffi ai Topolini...

[babatriestina]

Lugara, qual dei due schizza de più? e in che direzion? xe questo el importante, in sto caso!