Capodistria

[babatriestina]

Capodistria ( Koper, Kopar) xe sempre più vizina, in mezoretta scarsa se ghe ariva dal centro de Trieste. Anche se no iera una giornata ideal come tempo, un giretto lo go fatto e lo condivido con voi. Go zercado de meter anche roba che ga somiglianze o dissomiglianze con Trieste.
Comincio col centro, la piazza Tito: el Palazzo Pretorio ( secolo XV) xe el centro della città:


ben tegnudo ,neto: in alto ghe xe una statua dela Giustizia che xe una trasformazion de una antica de Cibele


Di fronte, la Loggia gotica, sede de sempre de un caffè

[babatriestina]

No go bone immagini dela facciata dela Cattedral, ma go un per de l'interno:
el xe stado rifatto nel Settecento, questo spiega i pilastri bianchi. drio de l'altar maggior, l'arca de san Nazario, el patrono della città


molto bei i tanti ferai de procession, come che se trova a Muggia, anche se me par che certi muggesani xe ancora più elaboradi


questa xe la gran corona sora el altar maggior, più grande e più fastosa de quella che xe de noi ai cappuccini de Montuzza, la vegniva doprada una volta per impicarghe drappi sora del altar ( famosa a Capodistria iera l'adorazion dele 40 ore della Settimana santa)

[babatriestina]

questo xe un altar lateral, de una cesa più antica, al ghe somiglia tantic geh gavemo a Trieste, i altri altari laterai xe tipo quei de S Maria Maggior

questa xe una delle porte laterali, rinascimentali, qualchedun la attribuiva addirittura a Tullio Lombardo, certo xe de notar la decorazion a bassorilievi classici e el Cristo de sora che ghe somiglia tanto a quel sul Duomo de Muggia

[babatriestina]

a Capodistria xe pien de palazzetti de nobili tipo i veneziani, e ghe xe anche sulle porte diversi guerrieri tipo panduri, ecco un che ghe somiglia al nostro della Portizza

e questo xe el palazzo de Gian Rinaldo Carli, che ghe ga dado el nome al nostro Istituto tecnico e adesso al ginnasio italian de Capodistria , che ga antiche origini

ma basta girarse e in centro se trova palazzotti che replica in piccolo i palazziveneziani: tutti ben segnalai con tabelle

[babatriestina]

Verso el mar, xe una piazzetta con una casa de tipo venezian che xe ditta la Casa del Carpaccio e una colonna con santa Giustina messa nel 1571 per festeggiar l a battaglia de Lepanto

Lungo e l mar e in molte vie, i ga recentemente messo tante palme

no manca leoni veneziani, questo xe un dei più bei, a mio giudizio, el xe stado trasportado dela sua sede original e messo su una casa

[babatriestina]

Ghe xe molte case e casette interessanti, questa me par curiosa per la decorazion e per el suo sporger sui travi de legno

un discorso a parte merita cesette, cappelle e conventi: essendo veneziana, la città ga evitado le chiusure de Giuseppe II e ga conservado le sue cappelle e conventi, che però adesso xe dismessi: questo xe un ex convento che xe stado anche ex carcere e che adesso i sta restaurando

oviamente per scopi profani.
Ma me domando, cossa xe nato de quel che iera nel convento dei frati francescani de S Anna: una vecia guida descrivi cussì: S Bernard di alvise Vivarini; estasi di San Francesco di G B Tiepolo; 2 antifonari miniati princ '400; pizzi antichi; cornici per cartegloria e crocifissi in madreperla: crocifisso bizantino. Biblioteca di 12000 volumi con alcuni incunaboli e archivio con pergamene e documenti.. sarà salvado de qualche parte o xe andado disperso?
questa xe la porta della muda, la porta de terra : a proposito, una volta la città iera quasi completamente circondada del mar ,adesso bon aparte xe imbunida e bonificada

[babatriestina]

sto panduro par vardarne de bruto



questa xe la fontana Da Ponte, del nome del suo costruttor

e questo xe un menu, abastanza internazional diria:

solo el prebranec no so ben cossa sia..
ben, per darve un assaggio de Capodistria spero de avervelo dado, go fotografado tanta altra roba, e altro ancora saria de far...

[AdlerTS]

Go zercado de meter anche roba che ga somiglianze o dissomiglianze con Trieste.

Effetivamente ga più de Muja che de Trieste.

[babatriestina]

Go zercado de meter anche roba che ga somiglianze o dissomiglianze con Trieste.

Effetivamente ga più de Muja che de Trieste.

Mi la differenza che me ga colpido, confrontando col centro storico de Trieste, xe la quantità de palazzi e decorazioni del Cinque/sei e settecento, mentre che a Trieste nel cinque e seicento poco i fazeva, se no I Gesuiti ( savemo che a Trieste el Cinquecento iera propio miseria). Po la quantità de palazzotti nobiliari più bei de i nostri delle nostre casade, come a dir che nel Settecento i Capodistriani fazeva i nobili, e i triestini fazeva i mercanti e fazeva i bori!
( confrontar la fontana Da Ponte con quela dei continenti, anche se le xe distanti de uno/due secoli..)

Comuni con Trieste, certe finestre de ferro battudo, certe facciate de cese simili alla nostra del Rosario, i panduri sulle porte... più simili a Muja le cese, le decorazioni gotiche, i leoni veneziani.. e pien, a Capodistria, de tanti tanti stemmi nobiliari su tute le case, saria de conosserli, a volte xe stemmi de nobili famiglie veneziane, altre volte xe quele dei nobili capodistriani.
Ovvio xe anche altre lapidii, se volè li zonto, dele lotte del XIX secolo, bel un de piera dedicado ai volontari ( ovviamente de parte repubblicana) dela guerra de Spagna.

[Coce]

Grazie Beta, ogni tanto te ne porti in posti che ne ricorda la nostra fanciulezza. Sai bele foto! Coce

[ffdt]

[[...]Effetivamente ga più de Muja che de Trieste.

sara` perche` le iera tute do soto la serenisima e trieste no
peut-être parce que les deux étaient sous la serenissima et trieste ne l'était pas
perhaps because both were under the serenissima and trieste wasn't

[babatriestina]

Son ripassada per Capodistria e go butado el ocio sul porto:
ve metto elimagine un poco in grande, per poder leger: cossa ghe fa i container con scritto sora Lloyd Triestino?

[babatriestina]

Ma me domando, cossa xe nato de quel che iera nel convento dei frati francescani de S Anna: una vecia guida descrivi cussì: S Bernard di alvise Vivarini; estasi di San Francesco di G B Tiepolo;

sarà salvado de qualche parte o xe andado disperso?
[/img]

una guida vecia, ma meno (1930), dava sta Estasi de S Francesco in una colezion privata capodistriana.. po.. ? el convento xe stado svodado nei Anni Venti, paressi

[sono piccolo ma crescero]

a proposito, una volta la città iera quasi completamente circondada del mar ,adesso bon aparte xe imbunida e bonificada

Se me ricordo ben de quando mia sorella scriveva la tesi e passavimo el tempo a leggerse le relazioni dei podestà del 1600-1700 (un divertimento!), in quel tempo la iera ancora un'isola con un ponte, me par de legno, che la ligava alla terraferma. E me par che i podestà veneziani se lamentava che "Palo fa paluo" e che el ponte gaveva favorì el deposito dei detriti del Risano. Venezia, infatti, no gaveva mai volù el ponte e anzi gaveva fato deviar el Brenta per no interrar la laguna.

Isola, invece e nonostante el nome, iera anche a quel tempo, interrada.

[Nona Picia]

Son ripassada per Capodistria e go butado el ocio sul porto:
ve metto elimagine un poco in grande, per poder leger: cossa ghe fa i container con scritto sora Lloyd Triestino?

Probabilmente la stessa roba che fa quei con scrito Evergreen! ;-D

[babatriestina]

Ma no i dovessi ciamarse ormai Italia Marittima? o xe i istriani che ga salvado i veci container per sparagnar pitura?

[bilo]

ah... ma se xe per quel se vedi ancora in giro conteiner de JUGOLINIA...

[muiesan]

In quela casa a colori stava un capitano dei carabinieri.
Disperso, naturalmente.
Si Capodistria iera un'isola.
Dove che adesso xe banche 100 ani fa i ciapava bisati.

[AdlerTS]

Immagini storiche, con le saline



e

[babatriestina]

Immagini storiche, con le saline

nei veci testamenti dei mii bisnonni e trisavoli capodistriani, ogni tanto salta fora i cavedini dele saline