Bitte e fonderie sulle Rive

[babatriestina]

Incomincio con confessar una mia grave lacuna: no so la parola triestina per indicar le bitte, cioè quei manufatti per ormeggiar le navi.
se qualchedun me aiuta.. grazie!!
ben, passando per le Rive, guardavo: quele vece de piera no esisti più se no al canal ma no le xe più in uso, ma quelle de metallo porta spesso el nome della fonderia, ecco un per :
questa xe vizin dela Marittima:

Fonderia Scabar Trieste

Ve disi gnente? mi gavevo dei cugini Scabar (dopo Scabardi), ma no go mai sentido parlar de fonderie..

un poco oltre xe questi

Galliate de Novara

[babatriestina]

ecco el particolar

e le ultime xe inveze verso el canal

e queste xe la fonderia Osvaldella, che dovessi esserse trasformada nel attual Vidali, eredi dei Osvaldella

[babatriestina]

qua no ghe xe marchi de fabbrica, ma ve metto una del Molo che ciamassi Ancora un litro de quel bon..

solo che iera quasi mezzogiorno e imagino la iera restada dela sera prima...
me par che iera un frizzantino

[Zigolo]

Ve disi gnente? mi gavevo dei cugini Scabar (dopo Scabardi), ma no go mai sentido parlar de fonderie..

Sì, a mi me disi. La fonderia iera del nono de un mio amico. Fazeva opere civili ma anche lavorava per artisti importanti (no volarìa dir, ma me par anche Mascherini).

Non savevo dela sua difusion fin che non son tornà de una vacanza in Istria e ghe go dito: "Ciò, go visto un tombin col tuo nome, a Albona". Al che el me ga risposto che meza Istria ga i "sui" tombini.

[babatriestina]

Questa xe sul molo dove che xe el marina san Giusto, la devi esser stada tirada su del fondo del mar, e ve dà l'idea dela parte che resta interrada

e là vizin un'altra bitta, stavolta fonderie officine meccaniche triestine

[molighe el fil]

Incomincio con confessar una mia grave lacuna: no so la parola triestina per indicar le bitte, cioè quei manufatti per ormeggiar le navi.
se qualchedun me aiuta.. grazie!!
ben, passando per le Rive, guardavo: quele vece de piera no esisti più se no al canal ma no le xe più in uso, ma quelle de metallo porta spesso el nome della fonderia, ecco un per :
questa xe vizin dela Marittima:

Fonderia Scabar Trieste

Ve disi gnente? mi gavevo dei cugini Scabar (dopo Scabardi), ma no go mai sentido parlar de fonderie..

un poco oltre xe questi

Galliate de Novara

Dopo ani vedo questo mesagio perchè son notà de poco a questo forum-
Mi go sentì che la bitta vien ciamada garofolin.
La fonderia Scabar iera in via Carpineto in alto a destra e le oficine esisti ancora e le xe stade restaurade, no so che uso le ga adeso.
Xe un belisimo esempio de architetura industriale.
I due fradei Scabar dopo 'ver serà la fonderia i ga continua a far picoli lavoreti in bronzo (anche per Carà) in una camereta che ghe gaveva da un marangon in zona industriale.
Nei ani zinquanta i gaveva fato fusioni in bronzo per mio papà che doveva meter in castel de Miramar la feramenta che i americani gaveva ciolto per ricordo co i xe andadi via.
Uno dei mii fioi gaveva vintizinque ani fa al da Vinci una professoressa che iera fia de un dei due fradei,
Quela volta se usava ancora el cognome del marì e no me ricordo come la se ciamava.

A Trieste ghe iera un'altra granda fonderia in via dela Tesa, la se ciamava FOMT Trevisini

[Nini Naridola]

"Garofolin": a mi me par che no vol dir bita ma pitosto una bricola con feral per segnalar bassifondai.

[AdlerTS]

Per mi saria questi qua, in piera:

https://www.atrieste.eu/Forum3/viewtopic ... ini#p22156

https://www.atrieste.eu/Forum3/viewtopic ... ini#p54142

[molighe el fil]

Un dotor che ga lavorado diversi ani al Museo del mar e che ga scrito i due cataloghi del museo me ga dito che in arsenal la bita i la ciamava anche "culata".
No xe una bruta parola ma i usava per bita quela parte del canon che se ciama cusì.
Per quel che riguarda el garofolin el se informerà de zente che ga lavorà in porto più de trenta ani perchè lui, esendo de Roma non xe sicuro dela risposta

[Nini Naridola]

"culata" per bitta no go mai sentì. Inveze, son quasi sicuro, che el garofolin xe una bricola, una meda luminosa o una boa de segnalazion. Un nostromo o paron de barca de Piran co gavemo posà in mar una boa cola crose de Sant'Andrea, el me gaveva dito:- Ciol el punto (gavevimo el Loran C) de sto "Garofolin"!

[TergesteUrbsFidelissima]

Queste bitte le fazeva anche el mio trisavolo che de profesion fazeva apunto el fonditor.

[babatriestina]

i " garofolini" di Sistiana ma non su rive, ma al bivio dei Tre Noci ( ma di noci ne son rimasti due)