Sentieri del Carso: sentiero n 10 de S Croce a Samatorza

[babatriestina]

El sentiero n 10, che va de S Croce a Samatorza, po al San Leonardo e po indrio per lo meno a Tarnova Piccola, xe un dei sentieri adesso meno frequentai, ma ch e ga la caratteristica de metter in comunicazion el carso del coston col Carso interno. E no xe tanto semplice, perchè ghe xe de attraversar l'autostrada: i sottopassaggi xe pochi e sfruttai de più de un sentiero. Po de solito la gente fin ai paesetti del Carso central va in macchina.. el bel de andar de un paese al altro xe col autobus, che se monta de una parte e se torna de l'altra... go fatto parecchie foto , per farve veder le caratteristiche varie de sto sentiero,che po oggi go percorso non completamente. El sentiero xe de tanti anni, ma in certi punti el xe stado modificado per girar intorno a proprietà, strade.. no go incontrado quasi nissun che lo percorreva, e dir che xe una domenica de sol..
se lo ciol a Santa Croce, al altezza del centro, unpoco dopo la strada asfaltada per Bristie, con un segno su un albero e po sula casa vizin:

dopo un tratto più largo, el ciapa a sinistra ( ben segnado!) per raggiunger el sottopassaggio de l'autostrada

e con mia sorpresa, de l'ultima volta che ghe son passada, parechi anni fa, ghe go trovado dei murales che no me ga parso per gnente imbrattamenti, ma i me ga parso decorativi: cossa disè voi?

[babatriestina]

risalindo, se trova sti cartei che xe de poco, e che no go ancora capido a cossa che i servi

una piera del Carso con concrezioni ( nummuliti?)

xe de questo tipo de piera che vien un dei marmi de Aurisina molto diffuso in città

[babatriestina]

tempo de bacche: el evonimus ( bareta de prete) ga ormai lassado cascar quasi tutti i sui semi arancion

le ultime foie rosse, molte xe ormai cascade

i segnai xe continui, sui alberi e sule piere

[babatriestina]

se arriva alla ferrovia, la linea del Carso, e se la fiancheggia per un poco, vedendo anche sto vecio casel di fronte

guardando vizin de sta ferrovia, xe facile incontrar veci cippi, questo xe stado netado, taiado e trasportado sul muretto vicin

questo nol ga el K K, ma el xe al suo vecio posto

[babatriestina]

in questo punto una volta el sentiero attraversava le sine, e volendo se pol ancora

ma xe più sicuro far un pochi de metri in più per raggiunger el sottopassaggio

anche perchè el tratto de sentiero podessi esser una piccola massicciata de linee feroviarie delle retrovie austriache della prima guerra

[babatriestina]

al sottopassaggio, se unissi el sentiero n 19, che corri parallelo alla ferovia, più o meno

poco dopo el sottopassaggio i se dividi, al 19 andando per un boschetto de pino nero dove che xe grotte

mentre el 10 continua in direzion de Samatorza, affiancado de muretti e de una piantagion de cipressi
No manca querce (Roverelle?) con le galle

[babatriestina]

Toh! funghi! e no steme domandar cossa che xe , ghe lasso ai esperti..

e gnanca no so a cossa che servi sti numeri cola vernice sule piere

el sentiero xe in leggera salita e fiancheggia alcuni campi solcati
[

[babatriestina]

a un certo punto se incrocia un sentiero n 35.. solo c he mi no go mai trovado nè sulle guide nè sulle carte el n 35 devi esser un novo, e se qualchedun lo ga percorso che me conti..

altro incrocio: l'oleodotto

e finalmente arrivemo in vista de Samatorza, questa xe la parte bassa del paese

[babatriestina]

intorno al paese xe pien de viti, e anche qualche olivo

a destra se vedi S Ulrico, cesetta za del XVI secolo, che no go mai visto verta; el 10 no ghe passa davanti

arivando in paese, tipica casa carsica del tipo chiuso cole finestre in piera, malta rosa e.. tracce de una vecia stella rossa

[babatriestina]

a lato la ga un bel portal de piera ottocentesco

con un architrave scolpido veramente fin

arivemo al bivio, altro porton con arco e un Gruden che nela foto no xse leggi perchè xe troppo bianco

[babatriestina]

incomincia i segnai per el monte san Leonardo, che nel giro de oggi go taiado per far prima, xe un dei più panoramici verso le Giulie occidentali e un dei più svelti de arivarghe, per cui el xe piuttosto frequentado
.Ghe xe tracce de una cappella e de un castellier.

sotto el cartel, un abbeveratoio ormai dismesso e suto

sul canton, el monumento ai partigiani caduti e el parcheggio per el san Leonardo, el sentiero 10 va su de là, ma no ariva propio in cima, el lo costeggia a sinistra e po gira indrio verso Samatorza e la zona delle cave de onice

[babatriestina]

lassado per un momento el n 10, passo per el paese e al la fermata del bus ( 46) xe tabelloni recenti sulla zona

da cui ve metto la fo dei restidela cesa in cima ( la go anche mi nelle mie foto, ma fazzo prima cussì)

dal paese, prendo una stradina, prima asfaltada e po bianca che metti in comunicazion Samatorza con Ternova Piccola, su un muro una varietà de colori autunnali

[babatriestina]

gavevi mai visto cussì de vizin i frutti e i semi della magnolia? mi no..

semo nella zona sotto le cave, e se vedi doline coltivade

lungo la strada bianca, davanti a i muretti a secco, ancora un sommaco coi rami curiosamente dritti

[babatriestina]

sui muri più ombrosi, felci, piuttosto rare in Carso

arrivo a Ternova Piccola e ritrovo el sentiero n 10 e una casa de piera carsica

e l'abbeveratoio xe pien de acqua

[babatriestina]

el pozzo del paese, nel classico spiazzo tondo col muretto, ga ancora el cilindro per tirar su l'acqua e un tettuccio

una casa carsica più nova, del tipo a ballatoio de legno

in lontananza drio dei prai, se vedi el Canin tuto nevigado

( Pirnetti: Tassei de Carso: neve lontana:
" E bianco in fondo ga cucà el Canin
za tuto nevigà")

[babatriestina]

Arrivo al osteria Suban, desolatamente serada per ferie

e alla fermata del autobus, soddisfatta del giro. Dove continua el n 10? el dovessi andar avanti fin a san Pelagio, po le vece guide lo dava ancora fin a Aurisina, ma le più recenti no mostra, el che vol dir che i devi aver dismesso el toco. el toco del 19 verso Aurisina l'ultima volta che lo go percorso iera un vero scovazzon.
Ben , spero de gaverve fato vegnir la voia de vederlo, magari de percorrer i tochi che oggi go taiado, o magari scoprir cossa che xe el misterioso sentiero n 35..
o de gaverve fato far una picia gita in Carso stando sentai a casa..

[Franco]

Bela gita, e bela caminada!

Per risponderte: quei cartei "strani", tipo "auri0002", xè cartei mesi dala forestale e dala potezion civile, i indica le strade forestali (che adeso i lè gà mese tute a posto, netade e, qualcheduna, anche slargada), e tute le struture e impianti antincendio (prese per le manighe, serbatoi per i elicoteri, piazole per rivar far manovra coi camion...)
Ghè xè un bel atlante dela forestale (che però no se trova in giro) che riporta tute 'ste strade sula carta tecnica... nol xè legibilisimo ma el xè comodo.

[Elisa]

o de gaverve fato far una picia gita in Carso stando sentai a casa..

per me il bel Carso sarà sempre un mistero, seppure adesso un po’ meno….dopo questa gita e la storia del sentiero ecc.; permettimi magari un pensierin.... da dirti che da giovani per noi andar per sentieri era una gioia. Così pure quel Monte Canin nientemeno! Vederlo e illuminarsi la mia mente è stato tutto uno. Quale nostalgico bagaglio di gioventù ho ricordato integra quella canzone di guerra -canto degli alpini- ‘Monte Canino’……
Poi ancora: il frutto coi semi della magnolia, che in questo momento qui è in piena fiorazione, da quando l’ ho conosciuto ho avuto fantasia di ritenerlo come un….parto vegetale, perchè non manca certo di stranezza!
Bello Baba!

[babatriestina]

Completo con alcune immagini di una giterella al san Leonardo del 2 gennaio 2004: i resti della cappella

un'immagine del panorama verso le Giulie orientali:

a sinistra , bianco, il Monte nero ( Krn) altrettanto noto per vicende di guerra, poi ,dopo la lunga catena fino alla destra, svetta il più alto, bianco: il Triglav, il reale Tricorno!
scendendo dal versante nordest, la pietraia del castelliere

e vicino alla chiesa di S Ulrico, una antica cisterna abbandonata

[babatriestina]

parte seconda, oggi del sentiero n 10, tempo parxialmente coperto,q uindi immagini meno vivide:
riparto dallo spiazzo dove si può parcheggiare, a Samatorza
( e provo questo nuovo hosting megaimage: durerà?)

vediamo il monumento ai caduti con la stella rossa

e il nuovo cartello che indica il circuito del san Leonardo, dei nuovi circuiti segnati della serie Conosci il Carso: il Mount St Leonardo Trail, all'americana!