el canon atomico de Diego de Henriquez

[Franco]

Nela colezion de de Henriquez, ghe xè un canon Krupp de 170 mm (che prima se trovava a Padriciano, e adeso, un poco meso a posto, in caserma in via Lamarmora).

Quando che el iera in vita, de Henriquez diseva che quel iera el "canon atomico" de Hitler, osia un canon che gavessi podudo sparar proietili con bombe atomiche.

Mi me par dificile, anche perchè i tedeschi gavessi dovuto preocuparse prima de far l'atomica, e dopo de aver un canon capace de lanciarla... e pò perchè el xe tropo picio, come calibro (i americani i gà fato un canon atomico nei ani '50, ma el iera de calibro sai più groso).

Qualchedun ghe ne sa qualcossa de più?

[AdlerTS]

Che de Henriquez fussi una persona un poco particolare, se sa, ma me par improbabile che el podessi creder a 'sta storia: per far un esempio, la atomica de Hiroshima gaveva 3 metri e pesava 4 tonnellate
Forse piuttosto i se riferiva ad esperimenti simili a quel del cannon de Enrico Fermi.

[rofizal]

No go trovado quele del canon de Enriquez, ma sul libro "L'ultima guerra degli Asburgo" de Peter Jung ghe xe ste due foto trate dal Oesterreichsches Staatsarchiv, Kriegsarchiv de Vienna. La prima riproduci el canon da 240 mm M16 che se trovava vicin Nontespino, la seconda xe invece el canon più groso de l'esercito austroungarico che nel autuno 1917 iera vicin a Santa Croce per sparar verso Punta Sdobba (el se ciamava "Georg").

[Franco]

Che de Henriquez fussi una persona un poco particolare, se sa, ma me par improbabile che el podessi creder a 'sta storia: per far un esempio, la atomica de Hiroshima gaveva 3 metri e pesava 4 tonnellate
Forse piuttosto i se riferiva ad esperimenti simili a quel del cannon de Enrico Fermi.

Però nei ani '70 'sta storia iera difusa, e Henriquez steso la contava e lo ciamava "el canon atomico" (iero picio, ma me ricordo... una volta lo gavevo incontrà a Padriciano, e iera stado lui a contarme la storia).

Ghe iera 'sta anche qualche articolo sul Picolo e sul Meridiano (si, va ben, lo so: uno pezo de l'altro... i gavessi podudo scriver anche che el canon ghe lo gaveva lassà un disco volante marzian... )

[rofizal]

Nela foto del canon de Montespino te vedi anche un proietile, vedi ti se podesi eser una bomba atomica. E quel canon xe de 240 mm contro i soli 170 mm de quel de Henriquez. Forsi ogi i riva a far anche atomiche cusì picie, ma a quei tempi ne dubito. Xe più facile che eventuali atomiche i le gavesi podude lanciar con razi tipo V2. Anche perché, pensighe un poco , una atomica lanciada con un canon gavesi mazado anche l'esercito che la spediva, no solo quel che la riceveva.

[Franco]

Nela foto del canon de Montespino te vedi anche un proietile, vedi ti se podesi eser una bomba atomica. E quel canon xe de 240 mm contro i soli 170 mm de quel de Henriquez. Forsi ogi i riva a far anche atomiche cusì picie, ma a quei tempi ne dubito. Xe più facile che eventuali atomiche i le gavesi podude lanciar con razi tipo V2. Anche perché, pensighe un poco , una atomica lanciada con un canon gavesi mazado anche l'esercito che la spediva, no solo quel che la riceveva.

Su questo mi no gò dubi. Quel che me domandavo xè come che xè nata 'sta legenda, visto che el steso Henriquez sembrava crederghe...

Comunque: i americani (e chi po', se no lori...) gaveva fato nei ani '50 un canon atomico: el se ciamava M-65 e el gaveva 280mm de calibro...
L'efeto de 'sto giogatolo se lo pol veder anche in 'sto bel video:
http://dailymotion.alice.it/video/x1900 ... on_extreme
Nei ani '60 i gà fato atomiche più picie, che se podeva sparar adiritura col 155mm... pò xè rivai i lanciamissili Lance, e tute 'ste bombe fate per eser lanciade col canon xè andade in pension.

[serlilian]

Go messo quel video su un forum de militaria e eco cossa che xe vignù fora.

http://www.vecio.it/forum/viewtopic.php ... it=atomico

[rofizal]

Go messo quel video su un forum de militaria e eco cossa che xe vignù fora.
http://www.vecio.it/forum/viewtopic.php ... it=atomico

Molto interesante. No son credente, ma me vinisi de portar una candela in ciesa per ringraziar de no gaver mai visto una guera.

[AdlerTS]

Non so se te ga mai letto certe testimonianze dei sopravissudi de Hiroshima, che contava de gente che girovagava come zombie con la pelle dei brazi e delle gambe che se jera staccada e picava a brandei Quela dei brazi che scendeva come manighe restando tacada solo sui diti.

[babatriestina]

per i museo, https://www.atrieste.eu/Forum3/viewtopi ... =90&t=6762