la machina del tempo de Pian del Grisa

[Franco]

Qualche ano fa xè stada smantelada dai Pompieri Volontari la "machina del tempo", un mucio de tubi dalmine-redi-lavatrici e cemento che - i disi - iera stà costuì da "Jimmy l'Americano".
"Jimmy" iera un toco de mato, alto due metri o zò de là, abronzà (o almeno cussì lo definiria Berlusconi... ), mezo barbon. Se lo vedeva girar sai sul tram de Opcina, o a pie sula strada per Opcina, nei ani '80.
E girava tante storie su 'sto mato: che fussi un ex militar american rimasto a Trieste dopo el '50, che fussi un genio dela fisica che frequentava el Centro de Fisica Teorica, che el frequentassi dei prof del'Università... e che el gavessi costruì 'sta machina, per viagiar nel tempo. E anche che el gavessi fondà una seta, e che dopo che el xè morto (ala fine dei ani '80, o primi ani '90) i se trovava per strani riti là dela sua machina...

Ala storia ghe gò dedicado un post del mio blog: http://carsosegreto.blogspot.com/2009/0 ... grisa.html, dove forsi scrivo anche qualcossa de più che no qua... ma me son fato un punto d'onor de scriver qua solo in triestin, e no go voia de tradur tuto...

Comunque, tornando a Jimmy l'American... qualchedun de voi se lo ricorda? Qualchedun sa qualcossa de più dela sua storia?

[AdlerTS]

Purtroppo no

[Franco]

Un lettore sul blog mi segnala che a suo tempo, o su Il Piccolo o sul Meridiano, comparve anche un intervista a "Jimmy l'americano".

Nell'intervista affermava che la macchina funzionava, e che sua moglie era morta durante uno dei primi esperimenti...

Se qualcuno riuscisse a recuperare tale intervista per donarle l'immortalità di internet, sarebbe una gran bella cosa...

[LupoDellaDolina]

si i miei se lo ricorda all epoca i ghe gaveva anche dà un ruk a sto jimmy!

[LELA]

Prima de tuto: on zorno a tute/i!
Mi 'stà machina del tempo no' la gò mai sentida nominar e tantomeno "Jimmy l'americano", farò un salto sul tuo blog, Franco, par informarme mejo, ma par intanto te pol almeno dirme el sito indove che la jera?

Un grazie anticipado par la gentileza, ciau ciau, sempre con simpatia, Lela.

[Franco]

si i miei se lo ricorda all epoca i ghe gaveva anche dà un ruk a sto jimmy!

Spero per lori che i gaverà avù l'"arbre magique" novo co i lo gà carigà in machina...

[Franco]

ma par intanto te pol almeno dirme el sito indove che la jera?

La iera nel bosco de Pian del Grisa.
Dove, esatamente, no me ricordo... la gò vista solo una volta, tanti ani fa, e ghe iero rivà girando a caso...
So che, co i la gà smontada, i gà usà un lavandin inox per far un abeveratoio per i caprioi. Quindi, se girando per el bosco de pian del grisa trovè un abeveratoio de inox, eco... là una volta iera la machina del tempo!!!

[LELA]

Bon zorno Franco e tante grazie par la gentileza.
Però, pensandoghe suso un momentin, dovevo rivarghe de par mi; solo me sucedi che, co' legio un mesagio, zà no' me ricordo più l'ogeto del topic.
Grazie ancora.

Ciau ciau, con tanta simpatia, Lela.

[AdlerTS]

Non se tratta della "macchina del tempo", ma un altro strano oggetto xe visibile nel bosco Angeli, vicin monte Grisa.
Grazie al lavor de ricerca de Luciano Filipas, della comission grotte della Alpine delle Giulie, xe stado riposizionado un oggetto le cui prime tracce xe stade ritrovade nel 1996: all'inizio non se capiva cossa fussi, ma grazie ad un ottimo lavor de ricerca del Filipas i ga definido che non se tratava ne de un oggetto sacro, ne militare, bensì un "punto di mira per il nord" posizionado dal odierno "Nautico", allora Accademia di Commercio e Nautica, alla fine del 1800. Alto 3,5 metri per 5 tonnellate, pareria che el fussi visibile dalla terrazza della Biblioteca civica. Per le spese del riposizionamento contributo del Rotary.
Chi va a zercarlo per una foto ?

[babatriestina]

un "punto di mira per il nord" posizionado dal odierno "Nautico", allora Accademia di Commercio e Nautica, alla fine del 1800. A
Chi va a zercarlo per una foto ?

Me permetto de ricordar che l'Accademia de Commercio e Nautica no xe solo che el odierno Nautico ma anche el odierno Carli, 50 % e 50 %, diria!!
Forsi trovo nei documenti del Carli la storia de sto "punto de mira". Co passo po de quele parti , se no xe troppo caldo, posso anche sercar el manufatto vero.

[Franco]

De 'sto "punto de mira" mi gavevo sentì vosi sai prima del '96. Iera vosi, meze legende... chi parlava de un totem, chi de un menhir, chi de un qualcossa fato dei tedesci durante la guera... e le vosi lo fazeva risalir ala ultima guera, ala prima, a prima dela prima guera, ai romani, ai tempi dei castelieri... mancava solo Atlantide!!!!

Però no lo gavevo mai trovà nè mai visto... le indicazioni che gavevo iera vaghe come le storie che le acompagnava.

Pena che xè un poco de fresco, vado a far un giro...

Po'... "punto de mira" fa capir de cossa che se parla, ma no xè la più giusta. Esisti in 'talian una parola aposta (anche se pochi la conossi): "scopo".

[Franco]

Me permetto de ricordar che l'Accademia de Commercio e Nautica no xe solo che el odierno Nautico ma anche el odierno Carli, 50 % e 50 %, diria!!

Conosso più de un che diria che te sta missiando la lana co la seda...

[babatriestina]

Me permetto de ricordar che l'Accademia de Commercio e Nautica no xe solo che el odierno Nautico ma anche el odierno Carli, 50 % e 50 %, diria!!

Conosso più de un che diria che te sta missiando la lana co la seda...

in effeti i tessuti de lana mista a seda xe de ottima qualità. leggeri e caldi...
quei del nautico pol contarla come che ghe par, ma quela volta l'accademia iera prima de commercio e po Nautica!!


nb questa no xe al Nautico che la go fotografada!

[Franco]

Ecolo qua:


El xè oviamente circondà dei alberi, e certo da Trieste no se lo vedi più.
Questo xè el "panorama" che se gà dala crose de colimazion verso Trieste:


Trovarlo xè stà più facile de quel che pensavo...
Basta cior la stradina che da Monte Grisa fa la Via Crucis (quela che qualche nane gaveva ben pensà de asfaltar... caminar su l'asfalto fa mal!!!), e andar avanti fin l'incrocio che xè al inizio del bosco Bidischini; se lo riconossi perchè che xè un cartel e perchè un nane (diverso da quel che gà asfaltà la strada, imagino...) gà meso un cestin per le scovazze fato con una vecia cucia de can...
Bon, indiferente... rivai a 'sto incrocio, se ciol el sentier subito a destra, se riva fin sula cresta, e là se trova el cartel che lo indica a 30 metri nel bosco.
No el xè sai lontan dala grota del monte Gurca (per chi che la conossi). E el sentier che pasa apunto a trenta metri no conto le volte che lo gò fato...
Va ben, xè anche questo el bel de girar per el Carso; per quanto te giri, ghe xè sempre qualcossa de scoprir un per de metri più in là...

Bona caminada.

[Franco]

Ah, dimenticavo: ghe gò dedicà un post sul blog:

http://carsosegreto.blogspot.com/2009/0 ... gurca.html

[AdlerTS]

Ottimo ! vedo anche che te ga approfondido la storia dell'oggetto

[Franco]

Ottimo ! vedo anche che te ga approfondido la storia dell'oggetto

La fonte dela magior parte dele notizie te la vedi nela prima fotografia, sula sinistra...

[AdlerTS]

Oggi giorno xe za difficile trovar chi se farma a leggar i cartei Te ga comunque un merito
Par impossibile che se podeva vederlo dalla città !

[Giulia Furlan]

Sempre stra interessanti queste storie