Bona Pasqua.... in cartolina

[serlilian]

Nel rinovarghe i auguri a tuti i forumisti... posto un per de cartoline.

[serlilian]

...

[serlilian]

...

[serlilian]

...

[LELA]

Bona sera serlilian,
te gà gavudo problemi anca ti ieri par coneterte? Me pareva de eser un fantasma che gironzolava par un castel svodo.
Dito questo, no me resta che dirte che "LE TUE CARTOLINE LE XE SEMPLICEMENTE MERAVIGLIOSE", te son 'na maga par trovar stà roba, te poso domandar de copiarle e de meterle nel mio PC, cusì ghe le mando a mio fradel parché, esendo un programator informatico, co'l torna a casa de sera no'l verzi el PC, se no' ghe diria de vignirle a vardar quà, ma el xe zà sazio, inveze se ghe le mando sul lavor le pol almeno veder!
A proposito, doman che xe sabato el và a vardar de trovarme el libro de R. Todaro e se lo trova penso proprio che anca lù se lo comprarà, perché anca lù xe inamorado de ste robe quà, logicamente anca lù se ciama "HECHT", se i unici do peseti rimasti, anca se de aqua dolze, un a Trieste e mi quà - questo naturalmente val par la nostra fameja - parché so che nel resto de Italia ghe ne xe qualchedun, pochi, ma mejo che gnente. A Trieste xe nato anca un "HECHT" regista che 'deso me par che l'abiti a Roma - se el xe 'ncora vivo - ma el gà voludo italianizar el suo cognome in "LUCCIO".
Scusime e dimando scusa anca ai altri per eser 'ndada O.T., magari co' te gà leto stò mesagio, se pol domandarghe a chi che de solito fà ste robe de cavar via la prima e l'ultima parte del mesagio, che no' le ghe zentra par gnente co' la Pasqua.
Ciau, sempre co' tanta simpatia, Lela.
Speto che te me disi qualcosa, sempre con tanta simpatia, Lela.

[babatriestina]

Visto che xe tute queste cartoline, zonto anche un per de mie: la prima xe più o meno del stile e epoca de quele de Serlilian, la xe come vedè ben dela data 1905 e la xe de famiglia, perchè la xe postada de zio Vittorio fradel de mia nona e de sua moglie zia Bice, che ghe tegniva assai al suo precedente cognome Bujatti

( la santa trinità con un poca de irriverenza xe un riferimento a nono, nona e papà)
Ma me domando: l'Austria, che iera un paese cussì cattolico, per Pasqua, fazeva solo che cartoline con ovi o coniglietti pasquali? ( per no parlar de quele de guerra) mai soggetti religiosi? come questa italiana e immagin posterior, e che go trovado de una ingenuità zuccherosa che me ga squasi comossa, perchè me ricorda i pupoli de co iero putela

[serlilian]

... Ma me domando: l'Austria, che iera un paese cussì cattolico, per Pasqua, fazeva solo che cartoline con ovi o coniglietti pasquali? ( per no parlar de quele de guerra) mai soggetti religiosi?

Te sa che no ghe go mai pensà? Però, de solito, i venditori de cartoline le dividi per argomento e mi go zercà material per la mia colezion de cartoline militari. Provabilmente quele de sogeto pasquale-religioso dovevo zercarle de un'altra parte.

Comunque go tantissime cartoline militari de soggetto religioso, de la messa de campo, a Dio che protegi l'Austria, de soldai che prega davanti a un capeleta, a Gesù che camina su un campo de bataglia, tra i morti e feriti.

[babatriestina]

[MOD] la parte che no ghe ne entrava cole cartoline pasquali mitteleuropee la podè leger in sezion manutenzion - xe leggibile a tutti ma no ghe n'entrava con sta sezion[/MOD]