bibiezzi e scatolette

[babatriestina]

Nona salvava le scatolette de carton o de metallo de una volta per tegnirghe botoni, asole.. e cussì le xe restade. Questa xe de una polvere, drio xe scritto blanche per cui o iera cipria o magari polverina bianca per unghie. Temo de aver butado via una scatoletta de Ungulina Bertelli, polvere rosa per lucidar le unghie, che iera propio cocola
ciapeve intanto questa

[LELA]

Cara la mia babaTS, go dito mi - anca se de n'altra parte - che jero sicura de no far un sbajo zontandoghe vizin ale robe vece e strane che te conservi anca un ecc:ì.!!!
La tua casa, podendoghe vardar depertuto, penso che la sìa squasi un museo con un nome n' ben identificabile parché se ghe pol trovar de tuto e de più!
Se te savesi quante volte gò pensado: "eco, varà se gavesi tignudo questo o quel'altro", parché anca mi gò la tendenza a nò butar via gnente: pensa che gò 'ncora vestiti e braghe e jachetoni in pele de 31 ani fà e tuti 'ncora in otimo stato, ogni tanto penso che doverìa darli via o butarli, ma prima che me dezido me pianzi el cuor, ma purtropo ogni tanto devo farlo parchè gò un quartier de soli 70 mq, parciò o cusì o fora dela porta noi.
Ogni tanto me rabio con mio marì, parchè un dei pochi difeti ch'ela gà xe quel de spostarme le robe senza dirme gnente e, co' vado in zerca de qualcosa esendo sicura de trovarla in t'un determinado posto e no' la trovo, me ciapa un tal nervoso che, se in quel momento lo gaverìa soto le man, come minimo ghe tirarìa el colo.

Ciau ciau, sempre con simpatia, Lela.

[Nona Picia]

La tua casa, podendoghe vardar depertuto, penso che la sìa squasi un museo con un nome n' ben identificabile parché se ghe pol trovar de tuto e de più!

La xe, la xe, come un museo!

[serlilian]

Anche a casa mia xe de tuto, ma, più che un museo, se podessi dir che xe come un negozio de strazariol del gheto.
Purtroppo no son mai stada capace de tignir le robe in ordine, ma nel mio "caos organizado" fina a qualche anno fa trovavo quel che zercavo. Adesso no più. Le robe se ga acumulado tropo.
Ogni tanto me decido e porto sachi de vestiti, che no me va più su, nele campane per la racolta dei vestiti usadi. Ma el resto me xe assai difficile butarlo via, anche se no lo dopro più. Per mi xe impensabile butar via un libro, magari anche un romanzeto de pochi soldi. Se savessi a chi regalargheli, volentieri, ma butarli via... me pianzi el cuor. Go leto che i tibetani considera sacri i libri, anche quei che no riguarda argomenti religiosi, perchè in Tibet iera poche risorse e, per far la carta, a man, ghe voleva soldi e tempo. Se credessi nela reincarnazion, podessi pensar de esser stada tibetana, in qualche vita precedente.

[Nona Picia]

Perchè no te ghe regali i libri a qualche biblioteca?

[LELA]

Anche a casa mia xe de tuto, ma, più che un museo, se podessi dir che xe come un negozio de strazariol del gheto.
Purtroppo no son mai stada capace de tignir le robe in ordine, ma nel mio "caos organizado" fina a qualche anno fa trovavo quel che zercavo. Adesso no più. Le robe se ga acumulado tropo.
Ogni tanto me decido e porto sachi de vestiti, che no me va più su, nele campane per la racolta dei vestiti usadi. Ma el resto me xe assai difficile butarlo via, anche se no lo dopro più. Per mi xe impensabile butar via un libro, magari anche un romanzeto de pochi soldi. Se savessi a chi regalargheli, volentieri, ma butarli via... me pianzi el cuor. Go leto che i tibetani considera sacri i libri, anche quei che no riguarda argomenti religiosi, perchè in Tibet iera poche risorse e, per far la carta, a man, ghe voleva soldi e tempo. Se credessi nela reincarnazion, podessi pensar de esser stada tibetana, in qualche vita precedente.

Ri-ciau serlilian,
vedo che te son come mi: par mi i libri xe come fioi e tanrti un 4 o 5 scatoloni li gò dovudi portar in cantina e me pianzi el cuor a pensar a come che i se rovinerà, ma gò dovudo farlo, difati 'deso compro solo i libri che "gò bisogno de poseder", cioè no me basta lezerli, ma li devo poder tocar e rilezer quando che gò voja - i altri li vado a cior in te la biblioteca civica - la mia biblioteca la xe pitosto ecletica, coma anca la racolta de musica, la spazia in tuti i campi - a parte la fantascienza, che xe l'unica che nò me piasi, par quanto riguarda la lettura e el jazz - parchè proprio no' lo capiso, l'unico che me piaseva jera Louis Armstrong - par quel che riguarda la musica.
Gnanca a mi - lo disevo justo jeri - gò dificoltà a butar via qualsiasio roba (pensa che gò ancora vestiario de 31 ani fà, cò son rivada a Sondrio) la mia fortuna, sempre se se pol ciamarla cusì, xe che con son rivada quà no' gavevo intenzion de fermarme par tanto, inveze cò gò deziso de restar quà par via del lavor, xe stada mia mama a sgomberar l'ultimo de quartieri indove che gò abitado a Trieste - gò fato tantisimi traslochi - e tanta roba la me la gaverà butada via, parché cò son vignuda a Trieste parchè purtropo la jera morta, qualcosa de mio gò 'ncora trovado, ma 'sai poco. Par esempio, quel che me dispiasi che la me gabi butado via (ma par ela no' jera roba che meritava de eser salvada) xe stado el "quaderno-diario" del mio prozio al tempo ch'el combateva in te la I guera mondial, jera un quaderneto blù tuto stropiciado, lo gavevo mi parchè jero 'ndada a abitar in via Pendice Scoglietto, soto de l'Università, dove zà de quando che la xe rivada a Trieste del'Austria, dopo gaverse sposà, la gaveva un quartier dele case popolari che mi gavevo ocupado abusivamente ala sua morte. Me son comportada in 'stà magnera par diversi boni motivi che comunque quà e 'deso no' se logo de contarli.
Par i libri me par 'na bona idea quela de nona picia, quà de noi de solito li ciol volentieri anche se i gà zà altre copie del steso libro.
Ti no' te credi ala reincarnazion? Mi inveze ghe ne son sicura e gavesi tante robe de dirte a 'stò proposito, ma saresimo in O.T. e par ogi me par de gaverghene zà fati bastanza,

Ciau ciau, sempre con tanta simpatia, Lela.
PS: scusi par i erori debatidura che ghe sarà senz'altro, me me stago indormenzando davanti el PC.

[sum culex]

La tua casa, podendoghe vardar depertuto, penso che la sìa squasi un museo con un nome n' ben identificabile parché se ghe pol trovar de tuto e de più!

La xe, la xe, come un museo!

Chi che va a trovarla dovessi pagar l'ingresso.
Mi nona picia semo andai una volta a casa sua e xè de quel giorno che go in mente che chi che va là de ela dovessi pagara l'ingrasso, ma no go avù mai modo de esternar sta idea.
ciao
sum culex

[babatriestina]

Purtroppo no son mai stada capace de tignir le robe in ordine, ma nel mio "caos organizado" fina a qualche anno fa trovavo quel che zercavo. Adesso no più. Le robe se ga acumulado tropo.
. Per mi xe impensabile butar via un libro, magari anche un romanzeto de pochi soldi. Se savessi a chi regalargheli, volentieri, ma butarli via... me pianzi el cuor.

Mi go avudo una reazion al troppo qualche anno fa, e de alora go cominciado a eliminar, ma mai butar via! co vado in casa de amici, ogni tanto me sento a casa, perchè trovo, qualcossa che iera de mi! un giorno a casa de una mia cugina, me gavevo completamente dimenticado che la gaveva un portavestiti de mia nona! e po go cominciado a deventar ordinada, mi che iero el disordine perfetto, Ma xe bel, co se conossi el disordine e le sue leggi, se ariva a dominarlo per un poco.
I libri mai butadi via, se no propio i harmony de mia mama. ma anche quei nela cassetta dela carta riciclada, no se sa mai che i torni come novi libri in forma riciclada. Go un'amica che no so come , ma la ariva a piazzarli, la sa i generi che pol andar, per esempio i romanzetti riposanti la ghe li dava alla Pro Senectute.
Mi no buto via.. gnanca l'erba del pra, come che fa i mii vizini.. mi la accumulo e fazo terriccio

[babatriestina]

La xe, la xe, come un museo!

Chi che va a trovarla dovessi pagar l'ingresso.
Mi nona picia semo andai una volta a casa sua e xè de quel giorno che go in mente che chi che va là de ela dovessi pagara l'ingrasso,

in realtà qualche toco stago pensando de regalarghelo per bon a qualche museo civico... no ste pensar adesso che go opere de arte de valor, xe solo roba de casa che col tempo de vecia xe deventada antica!

[serlilian]

Perchè no te ghe regali i libri a qualche biblioteca?

Volentieri, ma a quala per esempio?

[serlilian]

Una scatoleta de carton de sigarete egiziane e ... un gemel. Iero sicura che i ghe fossi tuti due.

[LELA]

Bonanote serlilian, anca mi te gavevo dito che l'idea de nona picia la me pareva bona e penso che qualsiasi biblioteca (gò anca lavorado par un periodo in t'una biblioteca civica, per cui sò come che zerte robe), anca se la gà zà i libri che te ghe vol regalar ghe fà comodo isteso, parchè tante volte capita che un utente el gabi bisogno de un libro ch'el xe zà in prestito e alora ghe toca prenotarse e spetar, se ghe xe 'na copia sola de quel determinado libro.
Ti te domandi quale forse pensando a quele che ghe xe a Trieste, ma quà no' ò propio cosa dirte visto el tempo che manco, ma se le biiblioteche civiche xe come quà a Sondrio, alora qualsiasi 'ndarà ben.

Ciau ciau, sempre con tanta simpatia, Lela.

[LELA]

La xe, la xe, come un museo!

Chi che va a trovarla dovessi pagar l'ingresso.
Mi nona picia semo andai una volta a casa sua e xè de quel giorno che go in mente che chi che va là de ela dovessi pagara l'ingrasso,

in realtà qualche toco stago pensando de regalarghelo per bon a qualche museo civico... no ste pensar adesso che go opere de arte de valor, xe solo roba de casa che col tempo de vecia xe deventada antica!

Bonanote babaTS, me racomando prima de dar via qualcosa, speta almeno che rivo mi 'stò istà, cusì poso vederla e, se del caso, pagarò ben volentieri anca el "bilieto" come che disi Sum.
Sempre se rivo a 'stò istà, parchè stamatina no' stavo par gnente ben.

Ciau ciau, sempre con tanta simpatia, Lela.