Lascia e raddoppia

[macondo]

Me ricordo che su TSmia se gaveva parlado de la participazion de Mario Valdemarin in Lascia e Raddoppia. Mi sinceramente no me ricordo de gaverlo visto e meno che meno del soggetto che el se presentava.

Oggi go trovado un picio ritaio de giornal riguardante un'altro concorente triestin, un certo Tarlao che se gaveva presentado con La Storia del West.

[LELA]

Ben sentido macondo, jera un fià de tempo che nò te lezevo.
Mi no' me ricordo de 'stà discusion su "TriesteMia": o zà no scrivevo più parché stavo mal, opur propio no' me la ricordo e basta; parò el "stralcio" del'articolo che te riporti no' parla de Mario Valdemarin, ma de 'naltro concorente, sempre se gò leto justo.
Alora, par favor, te me pol spiegar come mai te coneti i dò fati? Xe par atirar l'atenzin sul fato che el concorente in question el xe stado "bocciato" anca s'el gaveva rajon, opur te volevi scuminziar una discusion su "Lascia o radoppia" o altri programi de quiz in zenere?
Te ringrazio in antizipo par l'eventuale cortese risposta.

Ciau ciau, sempre con tanta simpatia, Lela.

[macondo]

Te ga razon Lela, cussi come lo go messo no fá tropo senso. In efeti no go scrito quel che pensavo. Quando se parlava in TSmia de Lascia e Raddoppia e de Valdemarin, chissá perché me confondevo con sto Tadeo.
De la partecipazion de Valdemarin mi go un buio completo. Ma de sto Tadeo me ricordo abastanza ben. In una trasmision de L&R el gaveva mostrado un filmeto western che el gaveva girado in Val Rosandra.
Me ricordo anca che lo gavevo visto pasar per via Baiamonti con una motocicleta americana, no so se iera una Indian o una Harley.

Pensavo che forsi qualchedun se ricordava de lui...

[LELA]

Ri-ciau macondo, ma alora anca 'stò "sior Tadeo" xe triestin?
Gò vaghi ricordi de "Lascia o radoppia" un poco parchè jero picia e un poco parché, no' gavendo la TV in casa (a quei tempi usava 'ndar in t'ei locai a vardar la television), deso ogni tanto se rivedi qualche spezon in quel programa de vece trasmisioni TV - no' me ricordo come ch'el se ciama, me par "Luce" - che và in onda ogni tanto a tarda note in t'una dele reti RAI e che 'sai el me piasi.

Ciau ciau, sempre con tanta simpatia, Lela.

[Nona Picia]

El primo xe "Tarlao" e no "Tadeo". De Valdemarin me ricordo che el iera e de averlo visto, ma go el buio più completo per la materia che el presentava. So solo che dopo el ga fato qualcossa in television, me par scenegiati.

[babatriestina]

Mi Valdemarin me lo ricordo come comprimario in diversi film, gran bel mulo allora!

[LELA]

Mi Valdemarin me lo ricordo come comprimario in diversi film, gran bel mulo allora!

Bon pomerigio babaTS - e anca a tutr/i i altri. Son pena tronada a casa e son stanca morta,
Tornando a Mario Valdemarin - spezialmente e l nome, anca xe no' me ricordo ben el suo aspeto sò che te gà rajon cò te disi che el jera un gran brl mulo, parò mi lo ricordo più come "artista" che come partecipante al quiz "Lascia o radoppia" e no' me ricordo afato del "sior Tarlao", 'deso dovarìa prima ricordarme in che ano l'andava in onda e se jera 'ncora Mario Riva a presentarlo o el presentator fusi zà deventado Mike Bongirno, par poder saver quanti ani che gavevo cò jera suceso el fato de 'stò "sior Tarlao2.
Voi ve ricordè l'ano preziso de quando che i gà scuminziado la trasmision? Son squasi sicura cge se lo posi colocar ala fine dei ani '50.

Ciau ciau, sempre con tanta simpatia, Lela.

[Nona Picia]

Se no sbaglio, de Lascia o raddoppia iera sempre e solo sta Mike Bongiorno el presentator.....

[babatriestina]

Mario Riva faceva el Canzoniere
De Lascia o raddoppia me ricordo solo che dela Paola Bolognani

[LELA]

Bonanote, in tuti i sensi, sia come augurio sìa come constatazion dela mia ignoranza. Xe vero babaTS, Mario Riva jera el presentator del "Canzioniere".
Ma qualcosa gò anca intivado: Mikr Bongiorno el xe 'stà presentator del "Lascia o raddoppia", solo che xe stado l'unico e no conseguemte a qualchidun.
Parò i che ano de preziso gà scuminziado la trasmision nè ti nè nona picia me disè qualcosa de preziso: no' ve ricordè gnanvca voi o ve jera sfugida la dimanda?

Ciau ciau, sempre con tanta simpatia, Lela.

[babatriestina]

Parò i che ano de preziso gà scuminziado la trasmision nè ti nè nona picia me disè qualcosa de preziso: no' ve ricordè gnanvca voi o ve jera sfugida la dimanda?

Assolutamente no me ricordavo, visto che po la television in casa mia xe entrada nel 1967, come regalo per aver passado ben l'esame de maturità .
Però un poco de spirito de iniziativa ma ga fato scriver sula pagine de ricerca de Google: lascia raddoppia wiki e la prima risposta che se trova xe :
http://it.wikipedia.org/wiki/Lascia_o_raddoppia%3F
da cui nela prime righe
Lascia o raddoppia? è il titolo di uno dei più famosi programmi televisivi a quiz della Rai - Radiotelevisione italiana. Condotto da Mike Bongiorno, andò in onda a partire dal 19 novembre 1955 ogni sabato sera, alle ore 21:00, fino all'11 febbraio 1956 e ogni giovedì sera dal 16 febbraio 1956 al 16 luglio 1959, data di sospensione del programma. Lo spostamento dal sabato al giovedì fu richiesto dai gestori dei locali pubblici che avevano visto assottigliarsi gli incassi, proprio per la serata considerata più lucrativa della settimana.

[Nona Picia]

Mario Riva faceva el Canzoniere
De Lascia o raddoppia me ricordo solo che dela Paola Bolognani

Mario Riva no presentava forsi el "MUSICHIERE"?

http://www.youtube.com/watch?v=6kHbRhGdqFQ

[LELA]

Mario Riva faceva el Canzoniere
De Lascia o raddoppia me ricordo solo che dela Paola Bolognani

Mario Riva no presentava forsi el "MUSICHIERE"?

http://www.youtube.com/watch?v=6kHbRhGdqFQ

Cosa te disi babaTS. probabilmente gà razon nona picia!
Par quel che riguarda l'ano ch'el gà scuminziado "lascia o radoppia" - mi de barva asina, no' gò imparado 'ncora a doprar internet come fonte de informazioni: son propio un "lùlec"! Anzi, diverse volte ve volevo dimandar cos'che xe 'stò "Wikipedia" - e l'ano ch'el gà finido devinitivamente, mi gavevo 4 e 8 ani, par cui me poso contentar de quel che me ricordo visto che gnanca in casa mia no' ghe jera television e la xe rivada ben dopo el 1967.

Gò vardado el post che gò scrito jeri dopopranzo: el fà proprio pena co' tuti quei erori, pareva squasi che fusi stada imbriaga. Vedè che bruto efeto e quanto me stanca 'ndar fora de casa?

Ciau ciau, sempre con simpatia, Lela.

[babatriestina]

Mario Riva faceva el Canzoniere
i

Mario Riva no presentava forsi el "MUSICHIERE"?

te vedi el arteriosclerosi? son andada vagamente a orecia.. che po no lo go mai visto perchè no gavevo la television, ma de fioi zogavimo a sto musichiere cantando una canzonetta, el primo che indovinava doveva alzarse e corer ciapandoghe el brazzo a quel che fazeva de.. campana

[LELA]

Me ricordo de 'stò zogo babaTS e anca de tanti altri zoghi che se fazeva 'na volta senza spender 'na lira o poco vai; quel del sc'inche el costava ma poco, parchè almeno con un fìa de sc'iche te dovevi scuminziar e a volte te tornavi a casa col baratolo squasi pien, altre volte - inveze - el jera squasi svodo.
Ma ghe jera tanti zoghi che se fazeva in compagnia, parò no' vado 'vanti parchè semo zà in O.T.

Ciau ciau, sempre con tanta simpatia, Lela.

[babatriestina]

Ecove Valdemarin

[macondo]

Ho trovato qualche notizia recente riguardo Luciano Tarlao che avevo menzionato nel mio post iniziale. Ormai novantenne, era stato arrestato nel 2018 per l'omicidio delle case del ATER in Gretta. Era conosciuto come il Polacco e dopo aver vinto 5 milioni a Lasci e radoppia nel 1957, si era trasferito a Siena dove aveva partecipato per diversi anni ad attivita relazionate con il Palio. Era ritornato a Trieste nel 2000.

[babatriestina]

non avrei mai collegato..