Me trovo però, anche, a eser un parente acquisido, un poco ala lontana, de Pino Grezar. Per spiegar meio de chi che parlo, el iera un giogador prima dela Triestina, poi del el famoso Torino, la squadra che xe andada distruta ne l'incidente aereo de Superga el 4 magio del 1949.
A Trieste i ga pensà de dedicarghe el stadio de Valmaura. Laso a chi che xe più esperto de balon de mi a dir de più su sto giogador.
Comunque, ordinando le carte de mia mama, go trovà el biglieto che la famiglia gaveva fato co'l iera morto e go pensà che forsi a qualchedun ge podeva interesar come documento, visto anche che xe pasai 50 anni e qualche mese.
