san Giacomo de oggi

[babatriestina]

Gavemo za un topic dedicado a san Giacomo, che parla dela storia, confronta le foto dela cesa.. ben mi no son sangiacomina, conosso assia poco el rion e per questo qualche mese fa go deciso de farghe un giro "de turista". Son sicura che el nostro Zoomy gaverà za un principio de lavor più sistematica della mia, ma intanto ve metto quel che go visto mi, tutte le varietà del rion, i contrasti, quel che sta sparindo.. Graditissimi i commenti dei sangiacomini veri.. mi la zona la frequentavo principalmente o per qualche serata a zena fora o per el ottimo centro civico, poca fila, impiegati cortesi...
Xe un rion relativamente novo, nel senso che e la cesa xe de matà ottocento e la iera quasi in campagneta, po el lato che va dela cesa verso el mar xe stado urbanizzado per quei che lavorava nei cantieri, in arsenal, nele industrie verso s Andrea, e se trova ancora qualche canton con aspetto campagnolo.. come la casa con ballatoi de via Marco Polo! se trova opere pubbliche, casermoni e casette pice, localini veci e novi, case in stile ottocentesche e nove costruzioni..
appena rifatta la casa del ex bar Italia al principio de via san Giacomo in Monte, ancora zona Piazza sansovino

là vizin xe el parco Basevi, po un dei vecci lavatoi, purtroppo no se riva a veder dentro

verso via Veronese xe una palazzina moderna de Umberto Nordio, po questa che no so perchè la go fotografada

un solito finto toscan..

[babatriestina]

el canton dele scole, in posizion panoramica ( forsi me ripeto per qualche foto)
El attual Liceo Oberdan, nato come Ginnasio Comunale, cioè l'edificio xe stado fatto nei ultimi anni prma dela prima guerra per el Ginasio che no i ghe lassava dedicarlo a Dante

e vizin poco dopo i ga fatto la casa del da Vinci

No lontana, una palazina abbastanza anonima raccogli diverse scole slovene, anche se l'edificio storico delle scole slovene xe dove che adesso xe el Primorski
Di fronte ale scole, i edifici dei bagni pubblici

[babatriestina]

De sta zona a case grandiose, se pol raggiunger via san Marco attraverso via Marco Polo, che inveze ga conservado la struttura de zona de paese:

el tratto alto xe serado al traffico, con pavè de piera e architravi come nei paesetti del Altipian: questo, po, ga addirittura una alquanto rustica aquila a due teste

e nei cortili ghe xe ancora el pozzo

[babatriestina]

via san Marco e dintorni metti in comunicazion la piazza con la direzion del mar, una delle grandi arterie del quartier
palazzine più o meno Liberty, simile a quella de via san Francesco angolo via Carpison ( e difatti la xe del stesso architetto, Fonda!)

case in stile storicistico, quasi castei

[babatriestina]

non tutte nele migliori condizioni

in altri punti xe case grandi moderne, e questi uffici grigi de cemento armato, stile Celli Tognon che ospita servizi medici

[babatriestina]

fra i alti edifici, el basso campo gioghi della Lega Nazional, a portar l'associazionismo sportivo italian in una zona a prevelente associazionismo sportivo sloven: xe a san Giacomo che iera le società sportive dei "falchi" che riprendi el nome Sokol, nome de tante associazioni sportive de matà ottocento slave, digo slave e no solo slovene, perchè el nome se ritrova anche in Boemia..

dele associazioni resta el ricordo anche nele osterie con campo bocce

Parallela a via san Marco, ghe xe altre viuzze che sali verso campo san Giacomo, e che ospita un curioso quartier operaio de fine ottocento, con casette unifamiliari o bifamiliari

[babatriestina]

xe un quartier molto apprezzado per la sua familiarità, ghe abita e ghe ne ga parlado assai ben el alpinista e scrittor Spiro Dalla Porta Xydias

un ingresso in via degli Antenorei

al massimo, no i se metti d'accordo sul color della facciata

[babatriestina]

Svicolemo un poco verso Ponziana, per questa casa

che se go ben capido, doveva conservar sulla facciata un stemma dela famiglia dei Giuliani, ma.. par che el sia sparido
già che semo al canton con Ponziana, xe qua che comincia la pista ciclabile

el slargo xe un gran misiòt de grandi edifici moderni

[babatriestina]

come questo

e ghe trovemo anche un edificio che par propio la roccaforte del tradizional comunismo sangiacomin

[babatriestina]

subito vizin, una bella casa soleggiata, anno 1913 con una bella melagrana piturada sora el porton

verso la piazza, altre case con le solite inquietanti facce femminili liberty che guarda dall'alto delle lesene

Una foto per la cesa, ma ghe xe tante nel forum.. ( e no go ancora fotografado Osiride Brovedani!)

[babatriestina]

Semo nei dintorni dela cesa, campo san Giacomo e vie parallele, ma dal lato opposto del mar: la farmacia ga sul lato una bella madonna de Franco Asco



Non lontana, la caserma dei carabinieri, con due stemmi in alto: quel de sinistra par scalpellado e quel de destra no so el significato


e el complesso de case popolari detto el vaticano (ben illustrado de Zoomy)

[babatriestina]

el ingresso del "Vaticano"

eccolo sul sfondo de una stradina, con a sinistra el edificio dele più vece scole slovene

che adesso ospita el Primorski Dnevnik

[babatriestina]

Subito vicin, un grazioso residence novo, con una bela decorazion in ferro battudo

drio, el campo giochi che scendendo se arriva in via Molin a vento

e inveze, sempre non lontan xe ancora casette pice come questa:

[babatriestina]

sempre in quelle stradine, xe tanti localin, questa xe la Stalletta, che poco dopo xe morto el paron-gestor

po se pol andar de pesce


o andar direttamente al spaccio vini

[babatriestina]

qualchedun se ferma a bever un calice davanti de un altro local

i mascheroni sulle case xe molto stilizzai

e stemo raggiungendo quel che se go ben capido xe la zona cosiddetta de Galauca ( esperti, aiuteme al riguardo)
le strade in riva ga el passaman de fero, qua par che la bora suffi ben

[babatriestina]

e qua xe el novo complesso de via delle Lodole, stile postmoderno, recentissimo ( zerto che le foto de come iera una volta, sui libri de Zubini, no invitava a abitarghe)


( sempre più a misura umana che Rozzol Melara, almeno per mi.)

[babatriestina]

del lato opposto dela via, ghe xe ancora le casette vece, e anche un poco restaurade

questa Zubini la dava per diroccada

de qua, de una parte con le scalette se pol scender in via Molin a vento:
dove che trovo una madonnina sul muro un poco diferente dele altre

[babatriestina]

in via Molin a vento e dintorni se trova ancora portai de tipo carsico, come questo inglobado nel edificio

o questo datado 1829

e case vece alquanto trascurade come questa

[babatriestina]

un particolar dela casa precedente

dove che se vedi una nicchia con una madonna de Lourdes
Se inveze no se ciapa le scale, se arriva verso piazza Puecher
che ospita un mercatin, ma sula strada. la piazza no xe facile de fotografar per la difficile luce

a fianco dela parte central resturada, de una nova casa delle Coop giallo squillante e de qualche casa vagamente neoclassica, resta ancora facciate completamente prive de intonaco come questa

[babatriestina]

xe ancora strade e stradine, con cocole casette de una volta, ma me fermo qua con un porton de via Giuliani che meritassi de star con quei dei quartieri più antichi:

e con questo spero de averve dado un'idea e magari l'ispirazion per approfondir qualche zona..
per mi xe stada una scoperta! e per voi?