El novo roseto de san Giovanni

[babatriestina]

Poderia metterlo nella sezion dedicada al ex Ospedal Psichiatrico, ma stavolta gnente architettura, e ve mostro un poco el novo roseto che i ga fatto a san Giovanni, nela parte alta del parco, e che i ga inaugurado se no me sbaglio venerdì scorso.
Ve mostro le immagini e poi comentemo...
xe de far una precisazion de partenza: questa no xe stagion de rose, le rose fiorissi in maggio, le pol rifiorir, ma spesso le più delicate e le più antiche fiorissi solo che una volta in primavera, quindi le fioriture che se vedi adesso no xe el meo, anzi go trovado più fiori de quel che pensavo..
par che sia stado fatto con fondi regionali stanziai per sto parco.
I articoli sul Piccolo parla de migliaia de rose ( vero!) , da tante varietà: bourbon, tea, floribunde... credo che sia anche vero, ma per adesso no ghe xe cartellini: un poche se riconossi, in qualche caso xe restai i cartellini del produttor, insomma inutile contar se po la gente no pol legger i nomi, bel saria no solo i nomi ma anche qualche cartel botanico che spieghi le diverse varietà... ma figurite chi ch e ghe interessa saver i nomi dele rose.. meo una bona birra, no? disi el triestin medio...
ben, ste rose nove xe soprattutto un una zona in alto del parco, ma qualcossa anche più sotto.
La parte altr par la più completa, xe un vial de cemento con archi de rose e aiole de rose a cespuglio intorno


oltre che le rose, i ga messo ciapi de graminacee, che sti giorni cole spighe sta propio ben, e xe un accostamento original, i giardinieri che ga progettado ga avudo una bona idea

[babatriestina]

una curiosa spiga de ste graminacee

po una zona con panchine de legno, più che gente che leggeva go incontrado mati che correva nel vial de sotto

e ancora le aiole, prima de passar ai fiori

[babatriestina]

ecco un pochi dei fiori che se trova in ottobre:
una rosa classica

e do rose moderne, de quele a petali semplici ondulai ciamade "a farfalla"
a fioretti piccoli a mazzi

a fiori più grandi bicolori

[babatriestina]

questa de un rosa-lilla, xe una de quele che i ciama "rose blu" per venderle meo

questa xe una rosa che me ga piasso moltissimo, sia per el bel color albicocca e la bella forma, ma anche per un profumo deciso, de rosa tea: le rose moderne raramente ga tanto profumo: no go trovado el nome, ma son indecisa fra tre possibilità: Just Joey e Mistral, fra le classiche, o una delle nove rose inglesi Austin..

de questa gialla, no go dubbi che sia una delle rose inglesi austin, xe un fioricultor che fa rose con forma antiche, un poco de profumo e resistenza ale malattie come le rose moderne

[babatriestina]

questa go letto le nome, xe la Silvina Donvito de Rose Barni, un noto fioricultor toscan

se la xe antica o una version moderna no so, ma queste xe le rose che i pitturava nel Ottocento

e questa xe una rosa gialla a ciuffi, color carigo

[babatriestina]

Le rose rosse-rosse no xe facile ciapar ben el color cola macchina fotografica

questa inveze xe una rosa de forma come che usava fra i anni Trenta e Cinquanta, come che se le vedeva sulle scatole de caramelle de latta co iero picia, no so se la xe de quel epoca o una moderna ma de quela forma

e questa invexe me ga colpido perchè no go mai visto una rosa de queste a fior semplice a mazzetti e de sto color, la xe propio de sto color bordeaux

[babatriestina]

me giro indrio a riveder el pergolato

e ghe ne trovo un secondo un poco più sotto

[babatriestina]

anche qua, una bella rosa

tuto ben, insomma, tuto de ammirar??

non proprio..
perchè xe anche de zontar che soprattutto nela parte alta, moltissime dele foie delle rose iera malade:
mal bianco (oidio)

e soprattutto tanta macchia nera, a volte sule foie verdi, altre che le ga za fatte ingiallir

No xe malattie gravi e no xe difficile intervegnir: una spruzzada de zinco ramado o qualche altra diavoleria le guarissi facilmente, ma ghe vol acorzerse e farlo per tempo, no lassar morir le piante, po pianzer e far una riqualificazion
come che scriveva un mio manual de giardinaggio, no xe che se interra una pianta se ghe augura bona fortuna e se dimentica de ela!

anche molti getti troppo longhi andassi potai, insomma xe un bellissimo giardin ma la manutenzion no xe come che dovessi... magari se scoprirà che i bori iera per piantar ma no per mantegnir

[babatriestina]

più sotto là dele palazzine, go trovado un cespuglio de una pianta che gavevo visto anche sto anno al Bivio de Miramar, a fioretti rosa leggeri leggeri, stavolta ghe son andada più vizin:


ma no so el nome

prima de andar via, Marco Cavallo visto anche lu drio un'aiola de rose

[Angiolina]

Non so niente di rose, ma ho ammirato il posto a febbraio. Un gran bel lavoro, un bel recupero dell'area, e una bella atmosfera.

[Nona Picia]

Sarà bel andar a veder in primavera!

[babatriestina]

Se son rose, fioriranno!!!

[Nona Picia]

Certamente!

[sum culex]

Meto le foto del 'roseto' come promesso anche per la sfida 'zoom contro zoom'; lasso nel medesimo ordine che go trovà e fotografà le varie piante.
Son entrà dal ingresso de San Cilino (capolinia del bus 17) per girar tuto el parco e uscir a San Giovanni in via San Cilino angolo via Donatello.
Oltre a centinaia de rose go trovà anche alcuni altri fiori che alterno a quel che xè el vero sogeto de sto post, anche se fiori che no sia esculivamente rose xè un poco fora tema.
No meto nomi perchè no li conosso e no fazo nissun comento in quanto quel che podessi dir, color, forma o simili, se lo dedusi diretamente dale foto stesse senza bisogno de ulteriori didascalie.

[sum culex]

[sum culex]

[sum culex]

[sum culex]

[sum culex]

[sum culex]