Iera tanti postisini dove che andavo in pase e desso bisogna prenotàr... e mi odio prenotàr, tanto che me taio i cavei da solo per no prenotar el barbièr, che iera tuto un rito che me portava mio nono e iera come esser in caffè, coi giornài, le ciàcole eccetera... ciòr apuntamento per taiarme i cavei, me sembra de esser sul lavòr.
Certi amici e conoscenti, in alcune locande del carso slovèn o in Istria, i diseva addirittura: "Ma che poco, ma che poco che costa..." ad alta vose e fazendose bèn sentìr del gospòd.
E i mati che no xe mone, i ga alzà i prezzi... co te gà el locàl pien e la gente disi "che poco", farìa anche mi
E xe certi amici che propio no xe boni de tàser... i devi contarghe a tuti dove che i xe andadi, cossì che i gà magnà e quanto che i ga pagà.
E lora mi ghe digo che li porto co'l capucio in testa come le brigate rosse, in modo che noi sappi dove che andèmo
