Altri tram

[AdlerTS]

I tram, ben o mal, xe rimasti credo fino ai anni 60 del 900.
qualchidun se ricorda el "sbrufador" ?
Iera adibido a pulizia delle strade e i lo fazeva girar sui binari dei tram de linea.

[babatriestina]

Mi quel che me ricordo xe che mama e le sua amiche diseva che solo che a Trieste i tram doveva gaver le rode quadrate, che i fazeva tanto fracasso co i passava, efetivamente de matina mi, de picia, oltre le lastre sentivo benissimo co passava el primo tram in via Carducci.

[Nona Picia]

Mi quel che me ricordo xe che mama e le sua amiche diseva che solo che a Trieste i tram doveva gaver le rode quadrate, che i fazeva tanto fracasso co i passava, efetivamente de matina mi, de picia, oltre le lastre sentivo benissimo co passava el primo tram in via Carducci.

Mi me ricordo che co dormivo de mia cugina in via Giulia al N° 26, co el tram pasava de note,(bei tempi!) se scassava anche i leti come che fussi un teremoto.
Ciao ciao

[Tu1]

..e pensar che sarìa qualchedùn che bramassi de sentir quei rumori ....

[Bilbo]

beh dai, i tram moderni no fa più tuto quel scandal....

[Tu1]

Curiosità de ogi: in un sondaggio proposto dalla SWG e commisionado dalla associazion "Triesteidea", emergi che el 73% dei triestini gradirìa el ritorno del tram.....dopo tanto tempo, una bona notizia ;-D ;-D !!!

[Bilbo]

a mi no i me ga domandà, altriementi gaveria dito che anche la filovia me andaria ben, sicuramente più silenziosa de un qualsiasi diesel.-

[babatriestina]

i ga le idee poco ciare, i parla del ritorno del tram e po i disi el filobus!
( ve xe mai nato, guidando la mitica cinquecento, de restar incastrai cole rode nele sine del tram , o anche de quele del treno dele Rive? Mi sì )

[kalvus]

no co la macchina, in compenso quando andavo a scola son cascado sule rive con el motorin. Roda davanti in sina e mi... a musada !

[Tu1]

...le robe se cmbiade..anche con le sine dei tram..per non parlar che i andassi su corsie preferenziali, inibide al resto del trafico...su dai, se gente che ga viagià...

[Nona Picia]

a mi no i me ga domandà, altriementi gaveria dito che anche la filovia me andaria ben, sicuramente più silenziosa de un qualsiasi diesel.-

Con la bora saria un poco dificile per i filobus,no te par? A meno che noi gabi
fato archeti o come che i se ciamava, più stabili de que de una volta. Ti no te se ricordi proprio niente de quando che te ieri picio?
Ciao ciao

[Tu1]

Sul giornal de ogi xè la replica de Luccarini (colo groso dela Trieste Trasporti) circa l'ipotesi dei tram; el dixi che forsi el riva a portar quel de Opcina fina a Piazza Goldoni (massimo Barriera) e qualche altra picolezza(ma propio al massimo eh) perchè:

-costa tropo;
-i cantieri sarìa una rottura;
-xè crisi energetica nei paesi, cossa credè!!
-ghe volessi far una intricatissima rete aerea per i fili (ustia..e 100 anni fa come i ga fato? Jera tuti premi Nobel ante-litteram... )
-i gaveria una sede "astrusa" dal resto della strada ;
-no servi perchè a Trieste no xè inquinamento;
- i dovessi esser sempre pieni de zente se no i va in perdita(nell'articolo a fianco xè scrito che i bus l'altro ano i ga fato 66 milioni de km con 380 milioni e roti de pasegeri trasportai.. ;-D ;-D ....
.

...visto che me par sia el stesso che ga dito che no se pol gavèr i bus a gas perchè TS xè tuta in salita e i bus a gas no ghe riva, significa che se tignimo quei gabinetti de Bus a gasolio (e el petrolio a 62 dollari al barile )

E dopo questa brilante manifestazion de una tipico ategiamento de NO SE POL triestino (da uno dei massimi dirigenti de una impresa locale tra l'altro) me vien un dubio: go leto un articolo del Pcoolo o el "decalogo del commesso triestin?

[ffdt]

Se in fondo el ga dito che forsi a Milan i li metera` alora iera el decalogo de 'l comeso ... ;-D ;-D ;-D ;-D ;-D ;-D

Ciau ciau

Franco

[AdlerTS]

Sul giornal de ogi xè la replica de Luccarini (colo groso dela Trieste Trasporti) circa l'ipotesi dei tram; el dixi che forsi el riva a portar quel de Opcina fina a Piazza Goldoni (massimo Barriera) e qualche altra picolezza(ma propio al massimo eh)

A parte tute le ragioni più o meno stupide dell'elenco, non saria mal el tram da Piaza Goldoni a Opcina, prolungado almeno fin la stazion delle FS

[babatriestina]

Sul giornal de ogi xè la replica de Luccarini (colo groso dela Trieste Trasporti) circa l'ipotesi dei tram; el dixi che forsi el riva a portar quel de Opcina fina a Piazza Goldoni (massimo Barriera) e qualche altra picolezza(ma propio al massimo eh)

A parte tute le ragioni più o meno stupide dell'elenco, non saria mal el tram da Piaza Goldoni a Opcina, prolungado almeno fin la stazion delle FS

e magari fin Sesana, nel 2007, che no sarà de bazilar sul confin

[Tu1]

No volessi passar per el solito rompic...ni, ma me permeto de segnalarve che una roba xè slongar la linea fina a Piazza Goldoni (bela roba, tutto sommà), usando (e usurando) maggiormente le attuali vetture che, benchè ristruturade, le gà la sua bela età;

un altro xè crear un possibilissimo asse tramviario sulle direttrici Via Carducci-Via Mazzini-Rive (dove xè spazio e curve), con tram novi e economicamente validi (I Sirio della Ansaldo de 250 posti, cussì ghe demo el contentin ala Ansaldo che ne domanda 24 milioni de risarcimento per el Stream), una rimessa in Porto Vecio (per esempio, dove se pol pensar, dopo l'urbanizzazion, de ampliar el sevizio tramviario) creando posti de lavor per la costruzion e la gestion de tuta questa bela roba ...ma scusè, Luccarini gà dito che no se pol...se mejo che me svejo....semo a Trieste, mejo darghelà col trafico de auti....

[Tu1]

Sul giornal de ogi xè la replica de Luccarini (colo groso dela Trieste Trasporti) circa l'ipotesi dei tram; el dixi che forsi el riva a portar quel de Opcina fina a Piazza Goldoni (massimo Barriera) e qualche altra picolezza(ma propio al massimo eh)

A parte tute le ragioni più o meno stupide dell'elenco, non saria mal el tram da Piaza Goldoni a Opcina, prolungado almeno fin la stazion delle FS

...te scherzi? Bisogna far ALMENO un scambio tra Piazza Dalmazia e via Ghega...xè lavori, xè canteri de verzer...tropo, i triestini no soporta.....

[ffdt]

Mi iero a Wien e go visto caroze vece e caroze nove che le coreva ben tute cuante ... adeso i me dira` che son nostalgico ma iero la` per lavor e no per mio gusto ... comuncue se funziona la` pol funzionar anche cua ... o no?

O forsi che cua de noi ghe xe caldo, umido, salsedine e bora che impedisi?

Ciau

Franco

[babatriestina]

Mi iero a Wien e go visto caroze vece e caroze nove che le coreva ben tute cuante ... adeso i me dira` che son nostalgico ma iero la` per lavor e no per mio gusto ... comuncue se funziona la` pol funzionar anche cua ... o no?

Go ciolto anca mi i tram viennesi, però go osservado, se no me sbaglio, che i comincia dal giro del Ring ( che noi no gavemo una circonvallazion del centro storico fata al posti dei muri butai zo) e va verso la preiferia. Come podessi esser un equivalente qua? ormai el borgo teresian xe anca lu centro storico.. de Barriera verso in fora? dela Stazion verso in fora? e in riva in su?
E come xe i tram milanesi? i passa per el centro o no? xe ancora tuti quei de una volta?

[Tu1]

Inviato: Dom Mar 12, 2006 10:04 pm Oggetto:

--------------------------------------------------------------------------------

ffdt ha scritto:
Mi iero a Wien e go visto caroze vece e caroze nove che le coreva ben tute cuante ... adeso i me dira` che son nostalgico ma iero la` per lavor e no per mio gusto ... comuncue se funziona la` pol funzionar anche cua ... o no?


Go ciolto anca mi i tram viennesi, però go osservado, se no me sbaglio, che i comincia dal giro del Ring ( che noi no gavemo una circonvallazion del centro storico fata al posti dei muri butai zo) e va verso la preiferia

Vero, anche se Schottentor, snodo fondamentale dei Tram viennesi, xè all'interno del Ring (se te vol andar a Grienzing te va a ciòr el tram a Schottentor )...per Trieste xè impensabile un Ring (no se pol butar zò muri o passar per el Borgo Teresiano, ma gnanche per altre vie più picie, come dixi giustamente Baba)...

Ma una "X" con assi Via Carducci-Piazza Goldoni-Via Mazzini - Rive (un brazo) e Porto Vecio (in futuro)-Via Mazzini -Piazza Goldoni-Barriera (altro Brazo, "allungabile su per viale D'Annunzio, forsi), questa sì che la posso imaginar...via più larghe, tuto in pianura, tiro via un certo numero de bus e meto tram....una zità "civile" e "Mitteleuropea" ghe dovessi pensàr...
meno rumor (per capirse, atualmente i binari vien struturai per esser ammortizadi, come i carei dei tram gà rivestimenti in gomma antirumor), meno spuza, diversa percezion del trafico.




A Milano i tram riva tranquilamente in centro a Piazza Cordusio, dove xè grossi capolinea de smistamento. I sfiora Piazza Duomo, slongandose per le strade maestre là intorno e andar verso le zone più esterne del centro.
La rete tranviaria xè stada ridimensionada (le strade picie xè anche a milano), ma gà conservà una ossatura robusta, che riva fina in estrema periferia. Gira mezzi novissimi come i Sirio e anche i veci tram.

A Napoli i sta ripristinando i tochi de linea dismessi. A Messina i gà una lunga arteria che fungi un poco de metropolitana de superficie. A Palermo a maggio de 'sto anno i comincia a lavorar per la propia prima linea de tram. A Sassari i gà squasi finì. A Cagliari me par che i tram gà zà comincià a viagiar. A Roma i sta ri-slongando quel che i gaveva tajà (e ghe costa). A Padova parti un sistema misto filobus-rotaia 'bastanza sperimentale della Alsthom (e i gà la magioranza dei bus a gas). A Treviso i gà dito "no se pol" ma i ghe gaveva proposto una specie de Stream. Noi gavemo i autobus a gasolio e a fisarmonica e una letera al giorno su "Segnalazioni" sulla pochezza del servizio.

Viva.