Cese catoliche: Sacra Famiglia

[sum culex]

In via Vasari, in una casa raso el piano stradal, quel che iera stà concepì al momento dela costruzion come un magazin, xè stado trasformado in una cesa dedicada ala "Sacra Famiglia". Dentro no go visto robe de valor; particolar rispeto a altre cese xè el susseguirse e incrosarse dei archi.


Questa xè la casa in cui se trova la cesa: una normalissima casa senza pretese



L'ingresso



L'intreno coi archi incrosai per tuti i versi

[sum culex]

Quela che dovessi esser l'abside






L'altar magior

[sum culex]

L'aula






Me ga colpì sti gioghi de archi e me son lassà ciapar la man fotografandoli in tute le prospetive

[sum culex]

La parte posterior del altar



L'altar magior de davanti

[sum culex]

La statua dela Sacra Famiglia a cui la cesa xè dedicada

[sum culex]

Alcuni particolari: Una piastra a sbalzo soto l'altar



El ciborio



Un quadro dela Madonna col Bambino

[sum culex]

Alcune statue in giro per la cesa. S.Antonio?



Gesù



Un altarin dedicado a Santa Rita da Cascia con qualche ex voto

[sum culex]

Un modo del tuto particolar de presentar le stazioni dela Via Crucis



Due particolari






Mi altri comenti no son in grado de far: vedemo se la nostra enciclopedia vivente (babaTS) pol meter qualcossa de più. Grazie!
ciao
sum culex

[babatriestina]

solo el comento che te son rivado a far un'opera d'arte de sto magazzin trasformado in cesa.
Un per de notizie: i la ga averta nel 1931 ela xe deventada parrocchia nel 1950. La ga avudo un incendio nel 2002 e i la ga riaverta nel 2003, per questo le pitture dei muri xe cussì nove.

[Mulo de Barriera]

Bon giorno a tutti
Vivo in Canada da tanto tempo e frequentavo la cesetta de via Vasari .Qualchidun se ricorda el cognome del parroco
Don Guido anni 50/60 ?
Saluti e grazie

[babatriestina]

Bongiorno e ben trovado.
Parochia? legio che la iera.. adesso la dipendi de san Vincenzo de Paoli i la definissi oratorio e del principio dela pandemia fin a oggi i l a ga serada. Motivazion evitar el contagio che i frequentatori xe tuti veceti... so perché andavo spesso el sabato sera

[Mulo de Barriera]

Bon giorno.
Se la andava solo de sabato,che attività iera per le putele a quei tempi? Me me ricordo solo la funzion
LA se ricorda del nome dei preti in quei anni?
Uno era Armando e El paroco Guido ma no me ricordo el cognome la me pol iutar
Saluti
Giorgio

[babatriestina]

Una decina bona de anni fa el prete iera don Armando Scafa, stando al anuario dicoesan, altro no so, perché la go scoperta nei ultimi 20 anni. Forsi se qualche forumista frequenta la parocchia de san Vincenso pol saverne dir de più

[sono piccolo ma crescero]

Mi dicono che si trattava di don Guido Bortuzzo (si trovano notizie su di lui sul web). Dovrebbe essere lo zio di un altro sacerdote, don Antonio Bortuzzo, attualmente parroco di Regina Pacis e valido biblista.

[Mulo de Barriera]

Credo che xe proprio quel Don Guido che go domandado el cognome,anni 50/60 .
Cavei rizi e brizoladi e ociai.
Grazie dell’ Informazion
Saludi

[Mulo de Barriera]

Una decina bona de anni fa el prete iera don Armando Scafa, stando al anuario dicoesan, altro no so, perché la go scoperta nei ultimi 20 anni. Forsi se qualche forumista frequenta la parocchia de san Vincenso pol saverne dir de più

Bonasera , me riferiso ai anni 50/60 per quel che me ricordo iera un prete de nome Armando de cognome Gotardis o Gotardi,me par che nei anni 80 el xe finì’ in curia con una promozion a ….prelato forsi?
Se la sa' qualcosa de più saria aprezado
Bona giornada

[Mulo de Barriera]

Bongiorno
Me ricordo de tute le statue e icone che iera in questa cesa,meno che le stazioni dela via crucis mese a triangolo,una volta le iera Tute intorno ai muri portanti…..

[babatriestina]

de tre - ormai 4 anni che i la gaveva serada per covid i ga cavado el cartelin ma co go zercado messa la go sempre trovada serada ultima volta un per de mesi fa ( per no parlar de ore no de messa)

[sono piccolo ma crescero]

Forsi una volta la dipendeva da san Vincenzo, adesso la dipendi dalla parrocchia Santa Teresa del Bambin Gesù: https://www.diocesi.trieste.it/blog/por ... bino-gesu/
più de 55 anni fa me xe capità de conoser don Gotardis, che penso sia morto. Un poco meio go conosù don Armando Scafa, che all'epoca no'l iera prete e el lavorava come grafico. Dopo se semo persi de vista.

Forsi in una soffitta dela stessa casa, o la vizin, viveva un altro prete, me par che el se ciamassi don Coslovich. Che mi sapio xe sta l'unico "prete operaio" dela diocesi; el ga volù, za prete, far l'operaio e lavorar in fabrica. Ma, parlo sempre de 55 anni fa, el iera vardà storto sia dala diocesi che dai sui colleghi che forsi no lo capiva. Povero, el xe morto perché ga ciapà fogo la sofita dove che el viveva (almeno cusì me par de ricordar). Pace all'anima sua.