Trieste: piazza Unità una notte de dicembre

[Amministrazione]

Foto de Bilbo

[VetRitter]

mama mia che nostalgia.
grazie de tuti i panorami.

[nonna ivana]

Proprio una bellissima soluzione, utile soprattutto a chi, non del posto, vuole conoscere TS con una visuale complessiva...davvero foto affascinanti!

Grazie!!!!

[Holsen]

Bei tempi co jera ancora nadal in piaza granda !
Adeso gavemo una tristeza unica !

[Nona Picia]

Bei tempi co jera ancora nadal in piaza granda !
Adeso gavemo una tristeza unica !

No dirlo tropo forte che senò el te dà la multa....

[Coce]

Assai bel , pero' un'osservazion, xe proprio necessario sto sfarzo de luci quando tentemo de conservar l' ambiente globale? Ciao a tuti Coce

[babatriestina]

Assai bel , pero' un'osservazion, xe proprio necessario sto sfarzo de luci quando tentemo de conservar l' ambiente globale? Ciao a tuti Coce

propio con questa tua considerazion de due anni el sindaco ga messo solo che un albero senza tuta sta luminaria. Ma apriti cielo! te savessi cossa che i ga rugnado contro!

[Ciancele]

Bilbo, prima de tuto un baseto de nono Ciancele par la foto. E un anca de nona. Ma veramente volevo contradir, ma solo un poco, el nostro Coce. Xe vero che bisogna risparmiar, ma se risparmio solo mi e la mia putela e su 7 miliardi de lori i altri sei miliardi 999 milioni 999 mila 998 no, xe come parlar con un morto. No servi a gnente. In tedesco se disi: Ein Mal ist kein Mal = una volta sola xe come nisuna volta. Cioè no xe la volta sola, semel in anno, che ne rovini o ne salvi. Xe se ogni giorno. Qua a Nadal xe tuto iluminà. Le vetrine se distuda (spengono) ale diese. Dopo il recentissimo aumento de pension che ne ga portà squasi a l’inflazion con tanti bori che gavemo, le vetrine xe iluminade par far veder cosa che podesimo crompar co’ soldi (se li gavesimo ). Che i pensionai rugna xe un eufemismo. Se sentimo ciapai pal fondello. Un vent de fronde ... ga dito una volta un Alessandro famoso. Tuti i Alesandri iera famosi, dirà qualchedun. Per far più facile indovinar, ve scarto za uno: Alesando Magno no iera. (Nini Naridola: go intivà giusto?). Ma per tornar a l’iluminazion, gavarè forsi visto in television i mercatini de Nadal in Austria e Germania. Mi li go visti anca in Francia. Pieni de luce. Ma xe solo par qualche giorno (a Francoforte dura le quatro setimane de l’avento). Se a qualchedun ghe piasi ‘ndar in scuro, ch’el vadi. Anca a mi me piaseva. No me ricordo più par cosa, ma doveva eser bel. Godemose ‘lora ‘sti giorni, che la vita xe curta. Se la Triestina continua a no vinzer spero però che la mia sia ancora più longa.

[Nona Picia]

Assai bel , pero' un'osservazion, xe proprio necessario sto sfarzo de luci quando tentemo de conservar l' ambiente globale? Ciao a tuti Coce

L'ambiente globale credo no dipendi solo dale luci de Nadal, ma l'umor dela gente, in sti tempi de crisi, un poco sì. Mi no digo de iluminar tuta la cità come una volta e gnanche de spender soldoni per tuti quei alberi, ma almeno le cadene luminose e un albero decente in piazza Unità, messo in modo che se lo vedi ben de tuti i cantoni dela piaza, quel sì che me andassi ben.

[babatriestina]

cosa volè che ve digo, mi son stada tirada suso che co no xe bori se sparagna su quel che no xe necessario. E tante luminarie per Nadal fin a una ventina anche decina de anni fa no fazeva nissun..

[Coce]

Seguindo certi discorsi me vien in mente un detto inglese ( They want to have the cake and eat it too) e cussi' semo noi tuti ( anche mi ) COLPEVOLI !!! Perche semo tuti consci che stemo rovinando sto povero mondo per le generazioni future, ma no volemo privarse dele nostre comodita' ,anche le piu triviali, perche tuti sa che per aver elettricita' bisogna brusar carbuante de qualche tipo, e che far questo xe nocivo al sistema ecologico. Ogi no se pol pensar e gnanche imaginarse un mondo senza elettricita' pero' certe priorita ' dovessimo considerar. Coce

[Ciancele]

Fioi mii, la mia putela piansi. Io le asciugai le lacrime con i miei baci. Sarò poetico, ma son listeso OT. La piansi parchè no la ga visto ancora foto de Trieste de ‘sto ano co’le luci de Nadal. Se qualche anima bona ga fato qualche foto adeso e la fa veder, el farà contenta la mia putela.

[babatriestina]

xe pena le prime, no semo come quei che ga za tuto impizado a novembre. In Piazza xe rivado el albero e per adesso i se meraviglia tuti che no xe le solite polemiche.
te meterò le luminarie de Londra, piutosto..