Vece Foto de Trieste e Torri e Vedette

[babatriestina]

Incomincio con una foto de Trieste.
Xe una foto bianconera fata intorno al 1941, de papà cola sua nova Leica ( go trovado notado in album), imagino più o meno de monte Radio verso Barcola. Se vedi ben che i alberi xe nudi, quindi semo in inverno, el camin imagino sia dela Stock, el bagno Excelsior cola delimitazion dele acque del bagno, el casteletto dove che stava i Windischgraetz e Barcola prima che la imbunissi i Aleati.

[babatriestina]

Adesso che la go ingrandida, se vedi el coston carsico, se vedi Contovel e prima de Contovel sora dele rocce dela Napoleonica, xe come una torre... Monte Grisa no iera gnanca nel voto de Santin, cosa iera per voi, una difesa tedesca?

[macondo]

Interesante domanda. Ma credo che la 'torre' la dovessi esser assai piú vecia. Nela cartolina che ga messo Bilbo se pol intraveder la stessa strutura e la cartolina la dovessi esser del 1900-1910 circa...

[babatriestina]

Me xe stado sugerido che la podessi esser la vedetta costruida a quota 275 m ai primi del 900 ( inaugurada 1908) dal Club Turisti Triestini, dedicada a Francesco Giuseppe in ocasion del suo Giubileo dei 50 anni de regno, alta 11 metri in piera carsica. eco, solo la dovessi esser stada bianca e nela foto la me par scura...
Nel 1922 la xe passada all'Alpina delle Giulie che ghe ga cambiado nome e la ga ciamada Vedetta Italia ( mi a casa sentivo anca dir Vedetta d'Italia) cosiddetta Vecia Vedetta Italia
-Nel 1944 durante la guerra i Tedeschi la ga butada zo perchè la iera troppo visibile.
Dopo la guerra, l'Alpina ga ricostruido la nova Vedetta Italia, l'attual, quela che xe sora le rocce dela Napoleonica

[palpio]

Anca mi, che iero picio in quei anni e abitavo a Barcola, me la ricordo (vagamente) come Vedetta d'Italia. Xe quei ricordi che coi ani (purtropo) i svampisi. Quel che me ricordo sai ben, xe el faro che stava per far la stesa fin. Iera tropo visibile e i Tedeschi voleva butarlo zo. Per intervento de Monsignor Santin i se ga contenta' de piturarlo de verde; e cussi' xe rimasto fin dopo la guera.

[babatriestina]

Sul ciglione del Carso ci sono diverse torri e vedette, nate con scopi diversi e ormai meta di gite e visite.
nella sezione sui rioni si parlava degli acquedotti, in particolare quelli provenienti da Aurisina. Sopra Aurisina vi sono due torri piezometriche, che servono e servivano per mantenere la pressione nell'acquedotto necessaria per far arrivare l'acqua in città. La più vecchia è fra S Croce ed Aurisina 8 sentiero CAI n 7 , ora non è più usata come torre piezometrica ed è stata trasformata in vedetta, la Vedetta Liburnia

è degli anni 1854 56 ed è stata progettata dallo Junker, l'architetto di Miramare.
Dopo anni di abbandono, è stata ristrutturata dal CAI

ma a causa di vandalismi è quasi sempre chiusa.

Per l'acquedotto viene usata quella sul ciglione fra Aurisina a Sistiana, degli inizi del Novecento ma sopraelevata nei primi anni 50 del secolo scorso.

[babatriestina]

Andando un poco più avanti, vicin a S Croce sul Monte San Primo, direzion Prosecco, xe la Vedetta Slataper.
La fa parte de quele vedette costruide nei Anni Cinquanta del Ente Turismo, come la nova Vedetta Italia. Questa xe del 1956

Ecco la foto vista de fronte, xe una nicchia svoda, me domandavo cossa che ghe iera.. go trovado su una guida che ghe iera una statua de S Primo de... indovinè che scultor???


la iera de...
Spagnoli!!!

[babatriestina]

salindo le scalette, sul ripian in alto, come ala Vedetta Italia, ghe xe una rosa dei venti e po le direzioni dei paesi che se vedi se xe aria limpida

una foto del panorama verso el mar e le pedocere

[Tirabaralla]

Go ssai bei ricordi de sto logo...le stele le pareva vizine.
Grazie Betta.

[macondo]

se vedi el coston carsico, se vedi Contovel e prima de Contovel sora dele rocce dela Napoleonica, xe come una torre... Monte Grisa no iera gnanca nel voto de Santin, cosa iera per voi , una difesa tedesca?

Che sia questa? Ma me par che la iera in zona Opicina....

[babatriestina]

La Vedetta di Opcina xe stada costruida nel 1890 dell'Alpina delle Giulie con contributo de Geiringer, allora presidente, la iera drio l'Obelisco, riporto dalla guida de Cobol 1909

di fronte all'Obelisco, a sinistra della strada maestra, parte un sentiero, fiancheggiato da un muretto, che in 5 minuti conduce fra i pini alla vedetta di Opicina della società Alpina delle Giulie (m 400) e al bacino di carica dell'Aurisina, della capacità di 600 mc. L'acqua viene spinta con pompe dai serbatoi di Gretta fin lassù e distribuita alle ville di Opicina, Banne, Trebiciano, Padriciano, Basivizza, Prosecco, e alle due stazioni ferroviarie di Opicina

( per inciso, quala xe la seconda stazion de Opcina?)
nel 1910 la vedetta ga preso nome de Vedetta Ortensia, del nome della moglie del avv Franellich, presidente dell'Alpina. Po xe cressui i pini e i la ga butada zo, no so quando. Quindi no xe quela sul ciglion.

Adesso ecote mia nona con papà su quella scala, sarà stado intorno al 1909, e nono iera stado nel direttivo del Alpina

, xe cocoli anche i do siori in alto con el canocial longo
e eco nona e papà "vestivamo alla marinara" el me contava che el adorava vestirse ala marinara perchè iera un vestito pien de scarsele

[Nona Picia]

Alora el iera come zoom culex, che ghe piasi meter tuto in scarsela e sfondar giache e braghe! ;-D
Ciao ciao

[AdlerTS]

Che sia questa? Ma me par che la iera in zona Opicina....

Se te va magnar gelato nella gelateria principale che xe sul via centrale de Opicina, dentro i ga diverse foto, bele e grandi, della zona.
Una xe la stessa de Macondo.

[babatriestina]

Ma no so se i ga mia nona

[babatriestina]

za che passavo in Val Rosandra, zonto do foto dele vedette della Valle:
la vedetta de san Lorenzo, quasi sula strada: sotto, rocce attrezzade tipo palestra

xe vedette dei Anni 50-60, de cemento che allora pareva molto moderno e stilizzado, adesso le xe un poco rovinade
questa, che come vedetta la xe precisa, xe invece la vedetta de Moccò

le rocce che se stacca xe le cosiddette Dodici Vie

[AdlerTS]

La Vedetta di Opcina xe stada costruida nel 1890 dell'Alpina delle Giulie con contributo de Geiringer

Gavé visto sul Piccolo ? Pareria che i tiri fora 200.000 euro per sistemar la vedetta !

[Nona Picia]

Gavemo leto. Adesso stemo a veder!

[babatriestina]

Mancava la terza vedetta semicircolar della Valle, la Vedetta de Crogole:


un poco del panorama

[babatriestina]

per completar, alcune foto non particolarmente felici- vederemo de rifarle meio, dela Vedetta Italia, sora la napoleonica: le xe del 2005, che la iera in restauro, per cui se vedi poc e mal, ma tanto per confermar che la xe de quelle anni 50

e la ga sora la rosa dei venti come la Slataper

se ghe arriva anche, volendo rampigando per rocce dela Napoleonica ( fatto una volta sola!)

[babatriestina]

el panorama xe bellissimo, simile a quel de Monte Grisa
Cedas de sotto

verso Contovel e Monfalcon

e verso la città