Anche Oli se ricordava parlando dele navi del Lloyd, comincio mi con ricordi personali:
una prima immagine, de quele del Piccolo e la devi esser de prima dela guerra
e una de una cartolina che gavevo mi e no so gnanca quale dele due, queste cartoline s trovava ala Fiera nei anni '50
comunque nel 1962 mi go fatto un breve trato con ste do navi, Saturnia al andata e Vulcania a ritorno, per andar in Grecia, porto a Patrasso. Za xe stata un'occasion speciale, che iera primavera sotto Pasqua e , col permesso dei professori, go perso una settimana de scola ( i me ga fatto far compiti e interrogazioni abbondanti subito dopo!) e xe stada la mia prima nave.
Le mie prime impressioni, la prima che me ga colpido, i motori: la nave vibrava sempre e iera sempre un ronzio de fondo. Po se se abituava e no se ghe badava più. Ierimo in seconda classe, cabina interna, me ricordo che me gaveva colpido che per tutto iera la possibilità de fissar i oggetti, fin el bicer de denti che no se movi col rolio. In realtà in Adriatico e Ionio no se ga sentido gnente de mar e de movimenti dela nave..
go alcune foto, ma poco della nave xe bianconere che gaveva fato papà..
la iera troppo grande per accostar a Patrasso, e i ne ga spostado con una barchetta
( no steme domandar quala nave che iera,che no se leggi.. evidentemente iera mosso a mi me par de leger Saturnia)
