Scovazze

[babatriestina]

Riprendo un termine che doprava Carpinteri e Faraguna, che parafrasava Le ragazze di Trieste con Le scovazze di Trieste, per notar che legio sul Piccolo la notizia che l'inceneritor buta fora porcherie, i lo ga serado, e quindi, no savendo dove meter le scovazze, visto che no la ga de star in camion per motivi de igiene.. no i le ingrumerà, lassandole nei cassonetti!!
cussì co i cassonetti sarà pieni la gente meterà le scovazze vizin.. e ghe faremo la concorrenza a Napoli
( par che i zerchi una possibilità de portar le scovazze in discarica a Cormons)

[Bilbo]

beh dai no xe proprio cusì....
i le ingrumerà lo steso e i le meterà a far "scovaze" de altre parti.-

dopo sarà de veder se i no bruserà le nostre (no xe chiuso tuto ma solo una parte) o quele che vien de fora.-

[AdlerTS]

Fino a oggi el ns. termovalorizzator jera un vanto

[babatriestina]

e adesso par che no vadi tutto a Cormons e i stia zercando un altro logo per le scovazze.. e intanto podemo anca "vantarse" da gaver una Tarsu ( tassa per le scovazze) più alta de tutti ( o quasi..)
ve ricordè el "monte dele scovazze" ossia la discarica de Trebiciano?? ormai devi esser una montagna de l'aspetto natural..

[AdlerTS]

Adesso el sindaco vol farse pagar i danni per la chiusura

[Nona Picia]

Cissà che nol li ciapi!

[cenerentola82]

Dal sito AcegasAps
http://acegas.mediatech.it/default.a...ina=-&citta=ts

Servizio di raccolta dei rifiuti urbani a Trieste
Abitanti serviti No 229.358
Comuni serviti No 3
Quantità rifiuti raccolta (comprese le raccolte differenziate) tonn 114.306
di cui Raccolte Differenziate % 14,8

Rifiuti conferiti agli impianti AcegasAps
Abitanti serviti No 483.581
Comuni serviti No 46
Totale rifiuti conferiti tons 140.187
di cui termovalorizzati tons 138.333
di cui avviati a operazioni di recupero tons 1.854
di cui avviati a operazioni di smaltimento tons 0
---------------

Quindi a Trieste vien ingrumadi el 14,8% de 114.306 tonelate de scovazze diferenziade pari a 16.917 tonelate.
Ma a operazioni de recupero finissi solo 1.854 tonelate.
Questo significa che più de 15.000 tonelate de scovazze su circa 17.000 che noi citadini diferenziemo finissi comunque nel'inceneritore?
Forse xe un altro modo per leger sti dati, ma se xe cussì no me par 'sai bel.

[Nona Picia]

Gnanche a mi! Romperse la testa per far la diferenziada, impignir la casa de seci e sachi diversi per ogni tipo de roba e dopo vegnir a saver che magari tre qurti i buta via.....

[cenerentola82]

Da un altra parte i me ga spiegà che podessi esser cussì:

L'acegas ingruma:
114.306 tonelate de scovaze a Trieste
17.000 ton xe de diferenziata (14,8%)
97.000 tons, elk resto de scovaze normali

L'acegas smaltissi:
140.187 tons totali de scovaze
138.333 tons indiferenziate fate dale 97.000 de a trieste +41.000 altre parti
1.854 tons de diferenziata che xe solo qualche tipologia dela diferenziata ingrumada a Trieste

El resto ... circa 15.000 tons no vien smaltide come diferenziata dal'acegas ma magari la carta i ghe da ala cartiera, la plastica i la manda da altre parti. Ma no xe dito che queste le vegni butade nel'inceneritor.
Podessi esser perchè go senti che una parte dela racolta diferenziata vien mandada a Capodistria...

Gavevo leto un intervento nel blog del sindaco dove iera i dati che go proposto ieri... vedemo come che el rispondi.

[ffdt]

mi un giro go visto 'l camion che ingrumava 'l riciclo e che 'l misiava insieme carta, plastica e vetro ... a dir el vero me sento ciolto in giro ... e si che xe ani che ingrumo per riciclar ... pensar che ogni tanto anca lavavo la plastica che no la ghe fazi dani a "i impianti"
une fois j'ai vu le camion de recyclage qui a mélangé tout ensemble: le papier, la plastique et le verre ... à dire la vérité, je me sens raillé ... et il-y-a beaucoups d'année que je recycle ... imaginez que, parfois, j'ai même lavait le plastique pour ne pas endommager les "équipements de recyclage"
once I saw the recycling truck that has blended all together: paper, plastic and glass ... to tell the truth I feel been mocked up ... and think that are a lot of years that I recycle ... imagine that sometimes I even washed the plastic to don't damage the "recycling equipment"

[cepula]

GUARDA QUI LA FOTO

Evvai!

[babatriestina]

No xe che i ga spostado le scovazze? ala prossima foto de scovazzon... me impegno anche mi a zontar..

[cepula]

me impegno anche mi a zontar..

Le segnalazioni sono ben accette, potete inviarmi tutto e controllare gli sviluppi tramite il mio sito http://www.nicoladavanzo.com come sempre sono ben lieto di tenervi aggiornati graze anche al forum per il quale ringrazio - come sempre - gli amministratori che hanno concesso questa opportunità di scambio di opinioni, secondo me molto utile e costruttiva (W il torrione!)
Nicola

[1382-1918]

Qua ghe xe informazioni sai interesanti e tristi sule scovaze de Trieste:

www.greenaction-planet.org

[AdlerTS]

Vedendo la descrizion de zaule della Rotteri non jera de star tanto contenti, ma leger sul tuo "collegamento" che saria cariga de "residui delle esumazioni periodiche dei cimiteri comunali, cioè uno sfasciume di bare e dei resti ossei di cittadini senza famiglia o meno abbienti e privi di una tomba di proprietà, che dovrebbero essere deposti negli ossari di legge" fa vignir i brividi

[babatriestina]

mi go sempre credudo che i cimiteri ingrumi el tutto e metti in fosse comuni al interno dei cimiteri stessi. Che prove ga sti mati?
Ma po, al de là dela sgradevole impression, no credo che dopo tanti anni i resti dei morti inquini, anzi forsi concima: no se disi "sburtar radicio"?

[rofizal]

Per lo smaltimento dei rifiuti che no pol eser butadi nei vari scovazoni, esisti i centri de racolta. Li gestisi l'Acegas e dovesi eser:

via Carbonara 3, telefono 040.772688;
orario di apertura: dal lunedì al sabato dalle 7 alle 19;
domenica dalle 9 alle 12;

strada per Cattinara 2/1 telefono 040.396097:
dal lunedì al sabato dalle 7 alle 19;

via Valmartinaga 10, telefono 040.4526337:
dal lunedì al sabato dalle 7 alle 19;

strada per Vienna 84/a, telefono 040.212368:
dal lunedì al sabato dalle 7 alle 19;

via Giulio Cesare 10,
dal lunedì al sabato dalle 6 alle 18.

Uno dei più comodi, se non el più comodo per chi vivi in cità, iera sicuramente quel de strada per Cattinara (drio l'Ippodromo), che però atualmente xe.... serado! Qualchedun ghe ne sa qualcosa?

(tra l'altro adeso, vista la chiusura, i buta le scovaze (ingombranti) vicin a l'ingreso e chi sa se qualchedun poi le ingruma...)

[sono piccolo ma crescero]

Uno dei più comodi, se non el più comodo per chi vivi in cità, iera sicuramente quel de strada per Cattinara (drio l'Ippodromo), che però atualmente xe.... serado! Qualchedun ghe ne sa qualcosa?

No. l'ultima volta son andà in via Carbonara, ma no bisogna eser timidi: alt all'ingresso dove che i te ciol la targa, procession davanti ai vari cassoni ... e poi quasi tutto va nel'ultimo, rifiuti solidi urbani: se gavè legno con un toco de fero, rifiuti solidi urbani, se gavè plastica che no xe botiglie, rifiuti solidi urbani, ... mah.

E mi che go meso vece antene dela television che se de una lega de aluminio, tra le latine, gaverò sicuro sbaglià. Me par qua che ghe vol una laurea in scovazzologia

[rofizal]

Za per trovar ste vie ghe vol la laurea!
Via carbonara... me ga tocado usar el Google map, lo steso per via Valmartinaga... o forsi l'acega te nolegia el GPS...

Chi sta ben devi eser a Opcina, Roian e Muia, ma per el resto... i disi "no sta usar l'auto", ma dopo te toca far la cacia al tesoro in cità...
Se penso che a Napoli adeso me par che i ghe veni a cior le scovaze in casa, e credo i paghi meno de noi....

[babatriestina]

Ma forsi no savè che per rifiuti ingombranti se ghe pol telefonar al Acega, xe un numero aposta, e i te dà un apuntamento per vegnir a ingrumar, i te disi giorno e ora, se lassa in porton o in strada e i ingruma lori. A gratis!
e ve assicuro che funziona, perchè go fatto mi un per de volte, anche sta estate.

Una volta, no so se xe ancora adesso, co andavo a butar via roba, iera spesso un, che i ciamava polacco, ma in realtà no so de dove che el iera, che stava prima del ingresso del deposito, e te domandava cossa che se porta , e el cioleva lu: me ricordo che el me ga ciolto un telivesor vecio, qualche mobile scassado, piatti scuzzai, piagnate vece.. ma iera un boni diese anni fa.