Ipocastano abatudo

[sum culex]

Se gavemo acorto che el castagner (ipocastano) che gavevimo in giardin iera bastanza rovinà, ma no pensavimo nela misura che se gà rivelà dopo taiado.
El gaveva qualcossa de più de 80 ani e probabilmente, a mio aviso, se no lo gavessi fato potar de Sgaravatti parecchi anni fà, forsi no fussi sucesso un disastro compagno.
El iera diventà veramente pericoloso, sopratuto d'estate co'le foie fazeva vela col vento. Se el fussi vignudo zò el saria andà contro la casa fazendo grossi dani e spacando sia i fili dela luce che i cavi del telefono.
Questa xè la base raso tera con una notevole zona de marzo



Particolare del buso marzo vero le radise



Questa xè la parte più alta del tronco principal

[sum culex]

E vedè ben in che condizioni che iera quel tronco





Queste xè alcune sezioni del tronco taià; altre xè zà stade portade via

[sum culex]

E se vedi come anche queste comincia a marzir





El iera completamente svodo al'interno trane una modesta percentual che lo tigniva sù

[sum culex]

Diversi rami, anche assai grossi, iera in queste condizioni: guardando ste foto podè dirme, a vostro giudizio, se el iera veramente pericoloso



Non ostante tuto, guardè anche questo buso che el gaveva ripreso a vegetar. Tuto l'albero iera pien de buti novi con tantissimi bucoli de fiori.



Un'altra seria ferida

[sum culex]

Ancora caverne, rami col centro completamente svodo





La zima de un dei rami bassi più grossi

[sum culex]

Altro particolare del stesso ramo



Ancora insisto con alcuni particolari dei danni

[sum culex]

Son stà tropo prolisso, ma perder un albero cussì bel, xè stà un dolor de cuor, ma no xè stà, per mi, possibile far altrimenti.
Speto da Voi un giudizio e una conferma che la mia scielta de abaterlo xè stada oportuna, giusta e inderogabile.
ciao
sum culex

[babatriestina]

Cossa te fa pensar che la potatura fata una volta gabi podudo danegiarlo?
de come che te ne disi, me par che el stava deventando per bon pericoloso. E i manuali de giardinaggio spesso sugerissi adirittura de cavar alberi anche sani, a volte, presempio per slargar o dar più luce ai giardini

[Elisa]

Bravo Sum, che lavoretto eseguito nell' interessante narrazione ed immagini, non esente da dispiacere per l' assenza dell' albero amico! Ma almeno possa consolarti l' aver goduto della vistosa, vicina ed orgogliosa presenza di un simile bell' ippocastano e della sua fioritura! Io ho specialmente stampato nella memoria il filare di ippocastani che ombreggiavano la mia contrada, poi rimossi per via della modernità...

[Zigolo]

Nota dialettale: mi go sempre dito e sentido castagnèr. Certo che in questo modo no se fa distinzion col castagno, ma la vose 'ipocastano' me par che no fazi parte del nostro dialeto.

[sono piccolo ma crescero]

Nota dialettale: mi go sempre dito e sentido castagnèr. Certo che in questo modo no se fa distinzion col castagno, ma la vose 'ipocastano' me par che no fazi parte del nostro dialeto.

Mi credo che distinguevo el castagno dall'ipposcastano con "castagner" e "castagner selvadigo" e "castagna selvadiga" iera la castagna de l'ippocastano.

[Zigolo]

Mi credo che distinguevo el castagno dall'ipposcastano con "castagner" e "castagner selvadigo" e "castagna selvadiga" iera la castagna de l'ippocastano.

No so. Nele estati dela mia infanzia iero sempre vizin (soto, ma anche sora - me piaseva sai rampigarme) de tanti ippocastani e del castagno no conossevo quasi l'esistenza. Cussì per mi el castagner iera l'ippocastano e basta.

Una monada: la dialetizzazion del termine (da ippocastano a ipocastano) me ga fato pensar come che qualche volta xe facile travisar l'etimologia. Le castagne cussì no le xe più pei cavai ma le xe soto

[Ciancele]

Mi credo che distinguevo el castagno dall'ipposcastano con "castagner" e "castagner selvadigo" e "castagna selvadiga" iera la castagna de l'ippocastano.

No so. Nele estati dela mia infanzia iero sempre vizin (soto, ma anche sora - me piaseva sai rampigarme) de tanti ippocastani e del castagno no conossevo quasi l'esistenza. Cussì per mi el castagner iera l'ippocastano e basta.

Una monada: la dialetizzazion del termine (da ippocastano a ipocastano) me ga fato pensar come che qualche volta xe facile travisar l'etimologia. Le castagne cussì no le xe più pei cavai ma le xe soto

Co iero putel el castagner iera el mato che vendeva castagne. Quele bone, roste. L'albero iera albero de castagne salvadighe. I primi alberi de castagne bone li go visti 'pena qua. Nei boschi intorno Francoforte.
De inverno i muli i va in bosco a ingrumar castagne salvadighe e i le porta al giardin zologico par ciapar qualche soldin. Lota coi cinghiai parchè le castagne i le vol magnar lori. I ghe le dà anca ai porchi, che fa bon parsuto.
Noi a casa le ingrumaimo par el spacher inveze de carbon. Le fazeva zerti tiri come canonade.

[babatriestina]

Co iero putel el castagner iera el mato che vendeva castagne.

anche per mi

[sum culex]

Cossa te fa pensar che la potatura fata una volta gabi podudo danegiarlo?

Xè solo una mia opinion, ma penso che sia stade mal sigilade (o adiritura quasi per gnente) le feride dela potatura, cola conseguenza dela penetrazion de l'acqua piovana e sucessivo inizio del marzimento.
ciao
sum culex

[Ciancele]

Cossa te fa pensar che la potatura fata una volta gabi podudo danegiarlo?

Xè solo una mia opinion, ma penso che sia stade mal sigilade (o adiritura quasi per gnente) le feride dela potatura, cola conseguenza dela penetrazion de l'acqua piovana e sucessivo inizio del marzimento.
ciao
sum culex

Castagner taià
Cara Baba Triestina, caro Sum Culex, Vi auguro un buon giorno. Was im Boot ist, ist im Boot, si suole dire a queste latitudini. Nella traduzione: Quel xe in barca xe in barca. Xe, sensa acento sula e. (OT, scusa.) Con ciò si intende che il passato è passato. Si possono fare unicamente congetture sullo stato attuale.
Co’ te va ale lezioni de taio de alberi, i te disi de pasar un poco de cera sul taio. Specie se te tai raso el tronco o el ramo grando. Ex pericolo no xe però l’aqua, ma el fato che un toco de albero intorno al taio se suga, 'lora l'aqua manca, e el punto verto xe un invito a vermi e altre bestiuze a ‘ndar drento. E ‘lora i te disi de lasar qualche centimetro de tronco, che no sempre xe pol. Rameti ‘sai pici te li pol adiritura tirar via co’la man, cusì no cresi più gnente in quel punto. Rameti meno pici, sempre co’le forfe (forbici), par no rovinar el punto. A rami grandi darghe sempre de cera.
Se ghe domandasi a mio zio, el diria: kismet, destin. Che podaria eser anca una spiegazion. Cosa ve par?
Marenda magnada (ablativo asoluto) vado in giardin a taiar le forsizie. Do tochi. Co’la mia voia (voia saltime in doso) son bon (sono occupato) tuto el giorno. Sani (un cordiale saluto).

[babatriestina]

Grazie per el proverbio che sonava anche de mi " quel che xe, xe in barca"

[sum culex]

Dopo alcuni mesi dal abatimento, sula base del tronco rimasta xè cressudi sti funghi oltre alcuni geti che incontro go strapà via. No so che funghi che sia, ma ieri li go fotografai. I ga proliferà proprio sul legno che se stava secando e probabilmente marzindo.
Queste xè le foto che go fato.

[sum culex]

Purtropo sul sogeto no iera sol, ma el risultato xè lostesso discreto.
Ciao
sum culex

[Ciancele]

Dopo alcuni mesi dal abatimento, sula base del tronco rimasta xè cressudi sti funghi oltre alcuni geti che incontro go strapà via. No so che funghi che sia, ma ieri li go fotografai. I ga proliferà proprio sul legno che se stava secando e probabilmente marzindo.
Queste xè le foto che go fato.

Ipocastano abatudo (per i autoctoni: castagno salvadigo butà zo): I funghi xe bei e forsi anca boni. Prova a far un risoto. Se no sento gnente i iera velenosi.