PIÈ DI GALLO

[Ciancele]

Iero in giardin a cior rosmarin e salvia per doman che (forsi) se magna galina ‘rosta. El prà iera pien de Winterling (pl.: Winterlinge). Par talian se disi Piè di gallo, nome scientifico: Eranthis hyemalis L. e fa parte dela familia dele Ranunculaceae, geofita rizomatosa. Xe un fior gialo che vien de inverno subito dopo i bucaneve, che ne go ancora qualchedun. Fa ben pai oci a veder ‘sti fiori.

[babatriestina]

un pupoleto? mi so come chei xe ma voleria veder i tui.. spontanei o piantadi?
de mi poca roba perchè apena adesso riva un fià de sol.. ma se sta preparando tanti pici narcisi..

[Ciancele]

Baba mia, bongiorno, bongiorno. Ti te vol saver tropo. Più de quel che so mi. Risposta: No so. Probabilmente i se ga seminà de soli. Pupoli? Domandime qualcosa de meno dificile. Mi go fato Piè di gallo in www.google.it e xe vignui fora i pupoli. Se te frachi el pupolo altre fotografie vien fora una zaia de foto, anca de parenti. Del fior, no mii.
Bon fine setimana a tuti.

[babatriestina]

sui libri de giardinaggio che go a casa ghe xe una zaia de pupoli. Mi volevo veder i tui.. e me domandavo se i xe spontanei dele nostre parti.. credo de no..