Malignità o ironia

[sono piccolo ma crescero]

Stemo perdendo ogni capacità de immaginar. Manzoni, parlando dela monaca di Monza che diventa amante dello "scellerato Egidio", riassumi la tresca con un "la sventurata rispose", lasandone a noi de imaginar cosa che nassi dopo. Oggi, se no i ne contassi come che i ga fato l'amor, quante volte, ecc. ecc. no fusimo contenti.

Bon. Dopo alcuni secoli che per contar el nostro stato d'animo semo ricorsi al punto de domanda ? per le domande e al punto esclamativo per le esclamazioni ! , i se xe inacorti, a onor del vero za verso la fine del XIX secolo, che manca un segno per dir che semo ironici nela frase. Alora qualchedun ga proposto de meter in fondo ala frase el simbolo ⸮ , un punto de domanda ala riversa: "Sicome son l'omo più inteligente del mondo domandeme pur quel che volè saver ⸮"

Qualchedun, però, ga obietà che sto simbolo, facile de scriver co la penna, no esisti sule tastiere (forsi su quele arabe, dove però vol dir punto de domanda". Alora i ga pensà de meter la tilde ~. "Sicome son l'omo più inteligente del mondo, domandeme pur quel che volè saver.~" Questo modo consentiria de associar el simbolo anche al punto esclamativo o al punto de domanda: "mi son bellissimo~!"

In America i ga pensà de ciamar sti simboli snark che secondo i vocabolari vol dir malignità (per questo go messo sto titolo).

E cusì doveremo riscriver tuto Pirandello e i Promessi sposi: "La sventurata rispose.~" me raccomando.

Opur se podessi meter le facine: "la sventurata rispose ;-)"

[babatriestina]

cho che no xe bravo de trovar sta roba su tastiera scrivi anche [MODO. ironico] o [ MOD. ironico]. presso me ga tocado specificar che i me ciapava per bon batude ironiche e i me diseva de tuto