Ex Casa del ferovier-giardinetto pensile

[babatriestina]

Ve ricordè la casa del Ferovier? che i la ga butada zo senza dir nè tu nè ari nè mus in una notte? e che la iera in origine la primisisma stazion feroviaria de Trieste?
Ben, i ga fato al suo posto una piazza e soto i ga fato un garage interrado, sora i ga fato un giardin pensile e devo dir che almeno come che el xe adesso nol me par gnente mal!

come vedè, el xe diviso in 3 parti: ai lati xe un campetto per zogar col balon e un campo zoghi per fiori, in mezzo xe archi de fiori, rose per lo più. Intorni gira un nastro che dovessi esser per la corsa e più in fora una zona erbosa riservada ai cani.

[babatriestina]

Le case intorni xe piutosto omogenee, sul liberty. In mezo sui archi xe tante rose, e po glicini, rincospermi e una clematis. Le rose iera al massimo dela fioritura un per de setimane fa, ma anche adeso no xe gnente mal:

[babatriestina]

[

[babatriestina]

queste dovessi esser le rose Pierre de Ronsard, una creazion recente



ve le mostro anche perchè nei parchi a Trieste le rose sta un poco sparindo.. bravo chi che me trova una rosa a Miramar!

[babatriestina]

eco i archi visti de fora ( ghe xe anche 2 fontanelle, del tipo verde a colonetta)





e eco le lampade, le devi esser vece ma no capisso de dove che el vien

e per finir, la vecia scalinata che portava ala Casa del ferovier

[Tirabaralla]

Niente mal, davero!!!
Te me iuti a capir dove che xè che magari rivo a darghe un'ociada?

[babatriestina]

Niente mal, davero!!!
Te me iuti a capir dove che xè che magari rivo a darghe un'ociada?

Viale Miramar, subito prima dela stazion, dela parte opposta

[giuli]

Niente mal, davero!!!
Te me iuti a capir dove che xè che magari rivo a darghe un'ociada?

In parallelo alla stazione..sopra viale Miramare a metà strada tra la stazione e l'incrocio per Roiano..ciao

[Tirabaralla]

Grazie!

[ffdt]

Betta, de come che te ga fato le foto par che sia un logo belisimo ;-D ... no voio dir che 'l sia bruto, pero` de ste imagini cua el par meravilioxo ;-D ... te podesi far foto per la reclam ;-D

Ciau ciau

Franco

[babatriestina]

Xe el fascino del roseto in fior, do anni fa no iera gnente de special, ma una sera che son passada e che go visto de sbriss le rose in fior, me go acorto de che bel che xe deventado, una volta cressudo.
El me ga colpido anche perchè no pensavo che le podessi cresser cussì ben su un strato relativamente sutil de terra, che soto xe garage! ( go bone speranze per la mia teraza )
Comunque, andelo a veder in sto periodo e me dirè

[AdlerTS]

Bel giardin e bele foto, ma me par che el Garage non sia in uso: o sbaglio ?

[ffdt]

Me ricordo che i gaveva fato tanti box la` dentro ... no so se no i sia piu` dopradi ... co' i iera novi tanti i iera stai compradi ... me fazesi strano che i sia xvodi ... cuela no xe una zona indove che se trovi parchegio cusi` facilmente.

Ciau

Franco

[babatriestina]

a quattro anni de distanza, sempre nella stagion della fioritura delle rose, ripasso per el giardinetto, e diria che el ga resistido abbastanza ben.
Xe le 10 de mattina e ghe xe qualchedun col can, qualchedun che leggi e qualche nonna con nipotini.
Panoramica:

el verde ga rivestido i archi, immagino che un mese fa iera un glicine in fior



el lato col campeto de zogo, de mattina svodo

[babatriestina]

i archi più rivestidi rispetto a 4 anni fa





le rose bianche e gialle

[babatriestina]

ma le più vistose xe le rose rosa, l'altra volta disevo Pierre Ronsard, oggi pensavo a certe rose inglesi, insomma rose moderne che vol somigliarghe a quella antiche

[babatriestina]

ancora una cascata rosa


Una rosa arancion



( un mio libro de giardinaggio diseva: le rose fiorissi indipendentemente de chi che le coltiva.)

la zona fioi

( in giro dovessi esser una zona per cani..)

[babatriestina]

i veci lampioni tien


Tutto rose e fiori? quasi...



le rose cressi ben, ma l'erba bisognassi taiarla!
e i bidoni delle scovazze qualchedun li dovessi svodar..

[carsolin]

Tuto sai bel, solo un apunto. La Casa del Ferovier no iera la prima stazion de Trieste, ma le oficine manutenzion locomotive. La stazion iera più zò, quasi davanti al silos.

[babatriestina]

Tuto sai bel, solo un apunto. La Casa del Ferovier no iera la prima stazion de Trieste, ma le oficine manutenzion locomotive. La stazion iera più zò, quasi davanti al silos.

sì, grazie la correzion xe rivada anche sul forum dopo che go fatto el primo post, quattro anni fa.