Cese catoliche : Madonna del mar (P Rosmini)

[sum culex]

Sta volta ghe toca ala cesa de piazzal Rosmini dedicada ala 'Madonna del Mare';
Alta e streta, tuta in piera a giorno con davanti tre longhi archi tipo portico.
Come al solito ghe lasso ala mia colaboratrice e mentore l'incarico e l'onere dei comenti




















L'interno semplice e austero, ma piuttosto nudo



















ciao e a presto con altre cese
sum culex

[babatriestina]

Stavolta go pochi dati sottoman, comunque comincio col dir che la cesa, come el piazzal, xe del secondo dopoguerra, la cesa xe del architetto Forlati, fatta fra el 1948 e el 1953 circa, finida con el campanil e la crose metallica in zima. El nome della Madonna del mar vol rifarse a una antica tradizion, una dele prime cese triestine iera dedicada apunto ala madonna del mar, e xe quela che se vedi i mosaici paleocristiani sotto del Carducci.
Po anche sulla torre del porto iera la Madonna del porto, insomma el colegamento madonna-Mar iera tipico qua a Trieste.
La cesa xe in un stile ispirado al romanico veneto, con piere a vista. Una curiosità dele piere xe la presenza dele piere bianche: xe un'antica abitudine, quela de metter nei edifici novi, se se trova sottoman, piere ricuperade de veci edifici, nei muri medievai presempio se trova spesso bassorilievi romani, e anca colonne messe de traverso: qua la tradizion xe stada ripresa, perchè el Comun ga regalado vece piere smesse.. de un cimitero ( ecco, mi me domandavo cossa che i fa co i elimina una tomba dopo che no xe più eredi). Per questo, el libro Trieste nascosta, che ghe piasi metter a volte titoli fantasiosi, la ga ciamada " la cesa de rapina", anche se in realtà no xe nissuna rapina ma una sorta de riciclaggio. Però... savendo sta roba, mi son andada a veder ben de vizin le piere e piere vece con scritte a prima vista no ghe en go visto, e inveze go visto parecchie piere grige con una man de bianco sora, probabilmente per dar un aria più uniforme ala distribuzion dele piere riciclade!
dentro, xe el tetto de legno a capriate come enle basiliche paleocristiane, diverse vetrate figurative, cocole xe le laterali che rapresenta le litanie dela Madonna ( in particolar la Maris Stella)
el crocefisso della foto xe una copia de certi crocefissi umbri del Duecento.
Me domando inveze se e dove xe l'immagine della madonna del mar che ghe dà nome ala cesa, e che go in un santin alquanto consunto

[AdlerTS]

In sta cesa, in Avvento, i ga un presepio spettacolare, con dei meccanismi che fa mover i personaggi, fa sorger e tramontar el sol etc...

[sum culex]

In sta cesa, in Avvento, i ga un presepio spettacolare, con dei meccanismi che fa mover i personaggi, fa sorger e tramontar el sol etc...

Caro Signor Adler
Fame in amente sta roba al momento giusto, se no mi me dimentico; se no'l xè tropo scuro se poderia veder de fotografarlo, ma se no go una tua zucada per la flaida, cola testa che me ritrovo (la veciaia fa sti scherzi), el presepio pol esser spetacolare fin che te vol, ma mi no lo vedo.

ciao
sum culrx

[AdlerTS]

Farò un gropo sul fazoleto

[babatriestina]

Una curiosità de sta cesa xe le sue vetrate, moderne, con soggetti un poco diferenti del solito, in certi casi: le xe dedicade a simboli dela madonna, e immagino sia i vari epiteti dela Madonna, ispirai delel litanie, ma per esempio ghe ne xe un:
Regina pacis- e va ben, ma a mi me par che un titolo dela madonna sia Arca della salute, e eco l'imagine:

una siora con in man el arca.. el arcobalen drio dela testa e el colomba col ramo de ulivo sotto: e scritto vizin: Uxor Noè! Mai vista rappresentata la moglie de Noè!
po trovemo el regina Martyrum e soto xe san Stefano, el primo martire, morto lapidado e per quel se vedi le piere in man e la palma del martirio:

ma po xe una vetrata molto femminile: xe Eva - la madonna come nova Eva

quod Heva tristis abstulit- quel che ga portado via la triste Eva..

[babatriestina]

eco la vetrata completa,

in alto se vedi el serpente, rosso, che se cala zo del albero:

e soto xe Eva, coverta dela cavelada rossa:

la ve ricorda qualcossa?? a mi sì!!


la Venere de Botticelli, salvo i cavei che ovviamente xe messi a coverzer la nudità, come nelle Maddalene.
( ultima osservazion: chissà perchè sta Eva ga i pie in acqua, almeno cussì me par!

[Tirabaralla]

Mi pare anche ame...l'acqua di solito è simbolo femminile, cmq.

Mi piacciono un sacco le vetrate artistiche e queste sono proprio belle ai miei occhi, grazie delle foto Baba, forse un giorno (se mi ricordo!) vado a vederle ^_^

[sono piccolo ma crescero]

Stavolta go pochi dati sottoman, comunque comincio col dir che la cesa, come el piazzal, xe del secondo dopoguerra, la cesa xe del architetto Forlati, fatta fra el 1948 e el 1953 circa,

El convento, però, che se vedi a destra della foto, xe preesistente e nel convento, fin al 53 o 54, iera anche la cesa, una cesa picia picia, e se ghe 'ndava dentro per quel picio portico che ghe xe davanti; dopo i la ga trasformada in teatro (forsi el xe ancora) e me par de ricordarme che la se ciamava Madona del Mare anche prima.

Per questo, el libro Trieste nascosta, che ghe piasi metter a volte titoli fantasiosi, la ga ciamada " la cesa de rapina", anche se in realtà no xe nissuna rapina ma una sorta de riciclaggio.

Confermo. Me ricordo che per le campane i ga ingrumà metallo per tutto el rion e anche noi de casa ghe gavemo portà tochi de oton che gavevimo (due spine e un morter): se i lo ga doprà diretamente o i lo ga vendù per gaver i soldi per le campane no so; comunque i frati organizava grandi racolte de material per far su la cesa. El termine rapina, però, me par improprio e più giusto quel de riciclaggio. Me ricordo anche che nela strada soto ghe iera una casa coi muri de arenaria che i ga buta zo in quei ani e, forsi, i ga doprà anche quele piere là.

Una roba che me gaveva meraviglià co i la ga fata iera el riscaldamento: i gaveva fato corer tanti tubi soto el pavimento che cusì se scaldava. Però quindici o venmti anni fa, che son passà per là, go visto invece un riscaldamento eletrico sul sofito; cosa che sia adeso no so.

[babatriestina]

sempre sule opere d'arte che ghe xe dentro, nela cripta: el quadro dela Madonna del mar che ghe xe dedicada la cesa:


( la xe un momento poco nitida per la scarsa luce che xe soto.
E go trovado un altra scultura de Tristano Alberti
( una Madonna col bambin che incomincia a caminar, diria):

go fato altri dettagli dele vetrate, che me par molto originali, ma penso de meterle nela sezion vetrate, con un per de commenti

[babatriestina]

visto che semo qua, metto ancora alcune vetrate, foto vece e nove: Virgo fidelis: ( xe tutti titoli delle litanie dela madonna)


e soto xe l'immagine biblica de Ruth, un personaggio de l'antico testamento, considerada far i antenati de san Giuseppe

questa xe Stella matutina ,che guarda caso, xe Venere la dela della bellezza pagana e sotto le regina Esther ( Antico testamento canonico per i cattolici)

questa xe refugium peccatorum un'espression ormai classica e ghe xe sotto el re David, che de giovine ghe ne gaveva combinae tante..

[babatriestina]

Virgo potens (?) ma con sotto l'immagine de Giuditta cola testa de Oloferne


qua i frati francescani se fa pubblicità; regina ordinis minorum, regina dei frati minori che saria i francescani

e sotto san Francesco

questa xe una vetrata l'immagine xe ciara, ma el testo no me par biblico:

[babatriestina]

queste xe le tre vetrate dela parete d'ingresso

per un confronto, eco la version de Chagall a Zurigo

e qualche immagine dele vetrate: a sinistra paressi el Paradiso terrestre o più facile la creazion

a destra el futuro, el giudizio universal?

[babatriestina]

Trovandomi ieri sera con la luce del tramonto, ho aggiunto alcune foto, per i colori suggestivi. Ma non solo..


e qualche scorcio un po' inconsueto

[babatriestina]

giorni fa mi era passato sotto gli occhi un commento a questa chiesa, che faceva indubbiamente riferimento al ben noto n 162 ( pag 205 II ed) di Trieste nascosta: La chiesa di rapina
Ricopio alcune frasi di questo articoletto che parla della costruzione:

..lo stesso Comune che, per venire incontro ai poveri Frati nell'erezione dell'edificio, donò agli stessi copioso materiale litico proveniente da vecchie tombe "smobilitate" del cimitero di Sant'Anna. Il risultato, osservata attentamente la chiesa, è una novella "costruzione di rapina" anche se , in questo caso, di rapina non si può proprio parlare. [..]troviamo sulla facciata, sui pilastri e sulle fiancate, pietre bianche con scolpiti nomi e date che nulla hanno a che fare con la chiesa [..]

e il commento diceva che è un po' impressionante stare in una chiesa con simili lapidi.
Bene, io sta chiesa l'ho guardata in lungo e in largo, e di lapidi incise non ne ho vista nessuna!! Men che meno, come dicono, sulla facciata, sulle fiancate.
Per dare un aspetto ordinato ad una chiesa costruita con materiali eterogenei, hanno un po' alternato i colori sulla facciata come in tanti edifici , dei tempi in cui nemmeno le pietre si buttavano via ( lo sapevate che molte delle lapidi romane provengono da vecchie case medievali, usate per costruzione? che la lapide del vescovo Coret è scolpita sulla faccia posteriore di una lapide romana?).
Ma se guardiamo bene da vicino le pietre della facciata

vediamo effettivamente un'alternanza di calcare e di arenaria, anche se le pietre bianche di calcare

a volte sembrano dipinte con una mano di vernice bianca per dare simmetria!
oppure la malta simula la pietra..

[babatriestina]

la spiegazione all'interno dell'edificio, per questi materiali eterogenei, la leggiamo:

più che di rapina, si direbbe di elemosina!
ecco dettagli

e la facciata

con questa luce sembra quasi voler imitare quella di Muggia Vecchia


Sarò grata se qualcuno riuscirà a trovare e a postare qua una di queste fantomatiche lapidi cimiteriali. Io non son riuscita a trovarne, finora...

[babatriestina]

Una curiosità dele piere xe la presenza dele piere bianche: xe un'antica abitudine, quela de metter nei edifici novi, se se trova sottoman, piere ricuperade de veci edifici, nei muri medievai presempio se trova spesso bassorilievi romani, e anca colonne messe de traverso

ghe ne go trovada una propio messa nei muri del Castel:

el tondo bianco xe una colonna antica, recuperada.

[babatriestina]

sempre sule opere d'arte che ghe xe dentro, nela cripta: el quadro dela Madonna del mar che ghe xe dedicada la cesa:

un confronto con una vecia immagine, e anche con riflessi, vista in una cesa istriana sul colli capodistriani:

[babatriestina]

Riprendo perchè go fatto col novo zoom altre foto delle vetrate, perchè le me par originali rispetto a tante altre. Metto un poche diferenti dele precedenti, anche perchè me par de notra dettagli,c he podessimo presentar come " segreti" dela cesa, come che ghe piasi far quei che vol mostrar robe meno note e po.. no sempre tuti conossi i riferimenti!
intanto molte vetrate xe firmade, qua ve metto la firma più vistosa


le vetrate dela controfacciata xe dedicade paressi ala creazion, a paradiso ma anche ala realtà terrena, no xe el Giudizio come che pensavo..

questo, el lato dela prima a sinistra paressi la creazion de sol luna e stelle

ma qua a destra xe Trieste, cole navi, san Giusto e el porto

[babatriestina]

sora, ami me par perfin un caval alato rosso come Pegaso



le finestre laterali xe dedicade ale litanie: un'immagine simbolica, in mezzo el testo e sotto una figura del antico testamento o un santo


regina patriarcarum

e sora per i patriarchi la scala de Giacobbe, che el se ga insognado de angeli che andava su e zo del ciel