Ciao a tutti,
go trova sta foto su internet, e gavesi piazer se qualchedun de voi savesi dirme dove che se sto posto. La didascalia diseva " Opicina"...boh
Grazie a tutti.
ciao.
Opicina ?
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
-
- distinto
- Messaggi: 1496
- Iscritto il: dom 10 giu 2012, 17:32
Re: Opicina ?
Sì, ga aria de Opicina, via Hermada, via Carsia? Caratteristici della zona i muretti de cinta coi pilastrini. Ma no saveria individuar quella villa.
Re: Opicina ?
Caro amico Klanfa 61, no sta sperar che mi te posi dir dove che xe stada fata la foto. Sta foto ga setanta ani fa e in setanta ani pol cambiar ‘sai e tuto. Mi son del 27 e son forsi uno dei pochi restai che setanta ani fa girava a pie pa’ le alte. Negativo xe che no stago più a Trieste del 1953 e vegno solo una volta a l’ano per tre giorni a bever cafè e a farme taiar i cavei. Go sempre dormì a Opcina. Qualche ano fa anca mia molie xe ‘ndada dela paruchiera. La go portada là e go parchegià la machina dove che go trovà posto. El posto somigliava a quel dela foto. Dove? Penso vizin al cimitero. Se te vien del confine te giri a destra. A sinistra xe la paruchiera e di fronte una betola. Vizin xe anca un negozio de feramenta. Ma mi go fato tante volte la strada del Teran e anca là go visto mureti compagni. Pol darse però che Opcina sia più justo parchè tra el 28 april e el 2 magio i se ga scombatù a Opcina tra gnochi e partigiani. I disi però che iera più in direzion de Bane. Ma no sta disperar. Gavemo putele e putei che va speso in giro co’la machina fotografica e pol darse che i sapi qualche roba de più e de più preciso.
Re: Opicina ?
Podarìa anca esser Trebiciano. Se xe indove che penso mi, el muro che se vedi a sinistra xe ancora cussì, quel de destra - se el xe ancora - el xe coverto de edera.
Dovessi veder la casa, che no go presente; magari domani fazo un salto.
Dovessi veder la casa, che no go presente; magari domani fazo un salto.
Re: Opicina ?
Ooooh...grazie...si savevo che trovar el posto giusto saria sta sai dificile, perché coi ani le robe le cambia, ma intanto comincerò a zercar anche mi da ste parti, forsi gaverò fortuna...
Grazie a:
nini
ciancele
zigolo
Grazie a:
nini
ciancele
zigolo
- AdlerTS
- cavalier del forum
- Messaggi: 9561
- Iscritto il: mar 27 dic 2005, 21:35
- Località: mail: adlerts[at]email.it