Modi de dir triestini

[sono piccolo ma crescero]

Mentre vardavo sul Doria, me xe cascà l'ocio su un'altra parola con annesso modo de dir che me son sentì ripeter de picio. Co me fazevo voia de qualcosa, un giogatolo novo per esempio, mia mama me diseva "No son miga Bolafio mi!" per dir "no go miga soldi che vanza" (gavevimo ogetivamente i soldi bastanza curti).

[babatriestina]

mi me xe vegnudo in mente un'altra, mama per dirme Ma perchè yi te speti tuti i riguardi? la me diseva Coss ti xe la fia del oca bianca? e col temp mi riduzzavo " se lo dici tu" perché la se ciamava Bianca de nome..

[sono piccolo ma crescero]

mi me xe vegnudo in mente un'altra, mama per dirme Ma perchè yi te speti tuti i riguardi? la me diseva Coss ti xe la fia del oca bianca? e col temp mi riduzzavo " se lo dici tu" perché la se ciamava Bianca de nome..

El xe anche sul Doria. Zontado subito.

[Ciancele]

Confermo anca l'oca bianca e Bolafio.

[Nona Picia]

Son dacordo anche mi, casa mia no se usava, ma le go sentide tante volte de amici e parenti

[Ciancele]

Stavo za par 'ndar via quando che me xe vignù inamente el capoto: Dar capoto o far capoto. De solito a carte co' se vinzeva con 'sai punti, a zero. Ghe gavemo dà capoto o gavemo fato capoto.

[sum culex]

Anche mi lo go inteso dir un mucio de volte e anche, a suo tempo, lo go usado.
ciao
sum culex

[babatriestina]

No so se xe el espression nel vocabolario, ma almeno d e mi no se ga mai dito "spolverar" ma " far la polvere" . El oposto, perchè se la cava.. Credo che se un disessi in italian Hai fatto la polvere? i lo vardassi perplessi...

[Ciancele]

Anca de mi se diseva cusì. Ciao.

[Nona Picia]

Anche de mi ogni tanto se diseva cussì, ma de solito disevimo e digo ancora forbir la polvere

[babatriestina]

Darghe dentro ( e darghe drento - con metatesi dela erre. se se disi cussì) cozzare, scontrarsi ; darse dentro: inciampare... espressioni abbastanza comuni, direi e che mi sembra non ci siano..

[Ciancele]

Darghe dentro ( e darghe drento - con metatesi dela erre. se se disi cussì) cozzare, scontrarsi ; darse dentro: inciampare... espressioni abbastanza comuni, direi e che mi sembra non ci siano..

Ai mii tempi, co' la sbatola che iera (fame che regnava), co' i me dava un piato de parsuto, ghe davo drento. Cioè iniziavo una attività con molto entusiasmo. Anche nel senso di incontrare o scontrare.

[babatriestina]

xe che ieri me gavevo dado dentro in una iregolarità dei parcheti....

[sono piccolo ma crescero]

Diseme se va ben come che go meso. Sule pagine wiki https://www.atrieste.eu/Wiki/doku.php?id=dialetto:d perché el pdf no lo go ancora agiornado.

[Piereto]

Go visto che manca el termine etager che deriva dal francese e sta per scafal per un mobiletto a più ripiani. A casa mia se doprava sto termine, forsi scrito etaser col acento su la e de er finale.

[Zigolo]

Go visto che manca el termine etager che deriva dal francese e sta per scafal per un mobiletto a più ripiani. A casa mia se doprava sto termine, forsi scrito etaser col acento su la e de er finale.

Che strana coincidenza: ieri go intravisto el termine etaser sule parole crociate che gaveva fato sonopiccolo e go subito pensà ala parola francese che te disi ti. Che però in realtà no la go mai sentida doprar in dialeto (e infati el senso nel cruciverba iera tuto altro).

[sono piccolo ma crescero]

Mai sentida, ma visto che la xe sul Doria, la meto subito.

[Ciancele]

Le étagères se usa in Francia, ma anca qua, nei ristoranti par servir roba diversa tuta in una volta inveze de meter tuto intun piato. Specialmente prodoti itici (frutti di mare), dessert e teceta (et cetera). Mai sentì par mobili. Se diria scaffali a ripiani. A Trieste gavemo le etagere a un solo pian e par quel i le ciama guantiere.

[babatriestina]

a casa mia étagère iera appunto un scafaleto a un pian impicado sul muro per tegnirghe oggettini. Ma visto che mia mama gaveva studiado dele monighe francesi, pensavo che fussi francese e basta.
Etage in francese xe piano o ripiano

[Ciancele]

Tirar. Dovaria voler dir anca non aver voglia, non essere propenso. Difati mi usavo ‘sta parola sempre e solo con una negazion.
No me tira - de ‘ndar col tran, de far ‘sta roba ecc.
Par talian go visto tanti significati, ma no questo.