Cese moderne: Monte Grisa

[babatriestina]

El Crocifisso del altar maggior xe de Mascherini




per mi, el meo riuscido xe el altar del Santissimo, cola crose de vetri coloradi in controluce

[babatriestina]

el altar dela madonnina ga ritrovado la sua statua



e a fianco xe comparsa una bacheca de cuorisini e ex-voto

( in effetti, dopo la discussion de sora, el supporto de marmo rosso ga propio la forma del monogramma del AveMaria dei portai carsici..)

[babatriestina]

contrasti de luce


el collegamento fra la cesa inferior e quella superior ( notar che no xe dissimile de quela che i ga fato a Nazareth nei medesimi anni '60)




ancora el presepio

[babatriestina]

Un giretto nela cesa inferior:

più che l'architettura, che ve ga illustrado Zoomy, go guardado i dettagli dei altari e i autori, dove che se pol s aver:
alcuni gruppi scultorei xe de :


questo xe el gruppo dei Santi fiumani

[babatriestina]

( questi xe i patroni delle cese istriane)
e questi xe san Gerolamo e san Simeone, patroni della Dalmazia.

la madonna davanti xe successiva, de un'altra man, se vedi, e xe firmada Pitacco
de questo no son sicura chi sia l'autor, ma xe san Giorgio, patron de Piran

[babatriestina]

Un altra dedicado a san Francesco, patrono d'Italia

( xe anche un dedicado a S Caterina)
uno a mosaico dedicado ai SS Cirillo e Metodio, i apostoli dei Slavi

s Antonio de Padova

[babatriestina]

Un altro altar col mosaico xe dedicado ala Madonna del Carmine e ai SS Mauro e Donato, patroni di Isola,

ma ve mostri piutosto el feral de tipo veneto che xe ai lati

sempre i Isolani ga offerto el fonte battesimal (se no i spiegava, mi ghe rivavo a capir cossa che el iera..)

[babatriestina]

Dopo una vecia targa, adesso i ga dedicado un altarin al beato Bonifacio

e finisso con una statuetta de legno de san Giuseppe, nella cappelletta-cripta a lui dedicada , e scaldada in inverno:

Me dirè cossa ghe trovo de curioso?
no xe el nome, ma penso che la sia gardenese contemporanea, ma:
1 no go mai visto un san Giuseppe con in man una sega cussì grande, de solito i ga un giglio e spesso co i santi ga in man un oggetto xe un strumento del martirio
2 la figura invece de eser più o meno dritta, la ga un andamento leggermente incurvado, quasi a esse: xe una caratteristica dele statue del Settecento e prima ancora delle madonne trecentesche de avorio, ma quele gaveva un motivo per esser cussì: le zanne de avorio xe curve! adesso le statue tendi a esser dritte
ma soprattutto:
3 gavevi mai visto un san Giuseppe col colletto?

[1382-1918]

Tempo fa i ghe ga chiesto a Margherita Hack: "Se dovesse demolire un edificio di Trieste, quale sceglierebbe?"
E la ga risposto "sicuramente Monte grisa, anzi, se fossi più giovane, andrei ad aiutare gli operai mentre lo demoliscono!"

E mi son pienamente d'accordo! Una cesa devi esser un posto raccolto, caldo, decorado, non un sarcofago de cemento armato, che ga tra l'altro rovinado un toco de Carso e la linea del coston.

Co vien amici o conoscenti de fora Trieste e i me domanda cosa che xe quel'edificio lassù, specialmente co el xe iluminado de sera, e mi ghe rispondo "Una chiesa", i resta allibidi.

E po', el San Giuseppe con la sega e el colletto, ma cosa vol dir?!?

"El formagin!"

[babatriestina]

Tempo fa i ghe ga chiesto a Margherita Hack: "Se dovesse demolire un edificio di Trieste, quale sceglierebbe?"
E la ga risposto "sicuramente Monte grisa, anzi, se fossi più giovane, andrei ad aiutare gli operai mentre lo demoliscono!"

se la podessi, la Hack butassi zo anche san Giusto, o la lo trasformeria in museo del ateismo come che ga fatto i Russi de no me ricordo che cattedral e tute le cese come zonta..

E po', el San Giuseppe con la sega e el colletto, ma cosa vol dir?!?

el colletto xe un poco comico, ma la sega de falegname te par cussì strana?

[1382-1918]

La me par insolita cusì granda.
Ma del resto certe robe xe bele anche per la loro particolarità, e cusì le se fa notar.

[babatriestina]

Legè, legè, sul Piccolo de oggi un'intervista con un giovine architetto sloven un certo Vuga che ga fatto un stadio per Lubiana, che disi che Monte Grisa xe un capolavoro!
no trovo per adesso el articolo online..

[sum culex]

18 febraio 2011 - pasegiatina a Barcola: vista da qua questa xè la cesa de monte Grisa. Me par che che cussì no la iera stada mai messa, xè una visual un poco diversa del solito.






ciao
sum culex

[babatriestina]

ve ricopio:

Una chiesa che è un grande, trascurato capolavoro di architettura: simbolo di quello che Trieste è, e potrebbe diventare.

( nota mia: spero che nel simbolo no sia compreso el crollo..)

Forse i triestini dovrebbero guardarla con occhi nuovi. Trieste non finisce a Piazza Unità.

Guardi il nostro stadio: la struttura non le ricorda la straordinaria parete a rete, una rete fatta di triangoli vuoti e pieni, che Guacci ideò negli anni sessanta appunto per monte Grisa?

[Nona Picia]

Sarà...o sarà che mi son tropo antica per capir l'arte moderna?

[babatriestina]

Legè, legè, sul Piccolo de oggi un'intervista con un giovine architetto sloven un certo Vuga che ga fatto un stadio per Lubiana, che disi che Monte Grisa xe un capolavoro!
no trovo per adesso el articolo online..

lo go trovado!
http://ricerca.gelocal.it/ilpiccolo/arc ... 56087.html

Per Bostjan Vuga, giovane e agguerrito architetto sloveno (ha firmato, con il suo studio "Sadar + Vuga", il mega-progetto del doppio stadio di Lubiana), Trieste non comincia dopo il confine. E neppure quando appare il Golfo. No: per lui Trieste comincia già in Slovenia, lì dove l'autostrada da Lubiana fronteggia il Monte Nanos. Perché è il prisma del monte, spiega, che segna e dilata lo spazio; è il monte - il vecchio monte dei partigiani - che annuncia e richiama un altro prisma, quello del Santuario di Monte Grisa; ed evoca un'altra dimensione, quella del mare. Una chiesa, sostiene Vuga, che è un grande, trascurato capolavoro di architettura: simbolo di quello che Trieste è, e potrebbe diventare. Possibile? "Ne sono così convinto che qualche mese fa, ad un convegno a Berlino, dovendo raccontare che cosa mi ha ispirato come architetto, ho parlato proprio di Monte Grisa. E di come, ad esempio, all'interno di uno spazio apparentemente troppo vasto, ci si senta in una dimensione di inaspettata domesticità, e intimità. Non mi dica che a Trieste abbiamo un capolavoro da archistar, una chiesa che potrebbe essere stata firmata da Gehry o Zaha Hadid, e non lo sapevamo? Forse i triestini dovrebbero guardarla con occhi nuovi. Trieste non finisce a piazza Unità. E dunque, questa chiesa talmente bistrattata è una sua fonte di ispirazione? Guardi il nostro stadio: la struttura non le ricorda la straordinaria parete a rete, una rete fatta di triangoli vuoti e pieni, che Guacci ideò negli Anni sessanta, appunto per Monte Grisa?

[babatriestina]

Metto qualche aggiornamento qua... primo: l'anno scorso, in estate, i ga rifatto la zona dei servizi igienici del bar e i ga rifatto le piastrelle che porta a..
ben, per terra iera questa decorazion





no ve digo i comenti: eco, xe per bon i massoni!

dopo un poco se ga fato avanti el piastrelista che ga ideado la composizion e che ga dito che ghe pareva una simpatica idea meter vizin a un M R ( che se legi soto Maria Regina) efetivamente un compasso e squadra.. ben bon par che qualchedun se ga inacorto e ghe ga dado ordine de cavar! adesso no so se xe più..

seconda roba, tuti disi el formagin, ma in realtà chi che ga una certa età se ricorderà che ghe fazeva drio al Formaggino Mio deventando Formaggino Dio

terzo e xe atualità e discussion: savemo che ghe xe stadi danni, ma el parroco dela cesa ga fato altri lavori per " ridecorar" fazendo anche un nuovo altar dedicado ala Sindone ( che che mi sapio no xe stada mai riconossuda uficialmente reliquia original, al massimo un simbolo) e le statue el le ga fate dorar con una foia de oro, ben bon anche i budisti vizin dei templi ga quei che vendi foie de oro sotilissime e i pellegrini compra e offri.. solo che lu intanto ga fato e po.. non ga i bori per pagar! e adesso el conta sule oferte dei fedeli cola promessa che quei che offrirà de più gaverà el nome scolpido nela piera.. un poco come i banchi de tante cese, anche questa, che ga quasi tuti la targhetta col nome del benefator..

e su questo i diversi gruppi se sta sbarufando se iera el caso o meno de far sti lavori

[sono piccolo ma crescero]

Metto qualche aggiornamento qua... primo: l'anno scorso, in estate, i ga rifatto la zona dei servizi igienici del bar e i ga rifatto le piastrelle che porta a..
ben, per terra iera questa decorazion



no ve digo i comenti: eco, xe per bon i massoni!

dopo un poco se ga fato avanti el piastrelista che ga ideado la composizion e che ga dito che ghe pareva una simpatica idea meter vizin a un M R ( che se legi soto Maria Regina) efetivamente un compasso e squadra.. ben bon par che qualchedun se ga inacorto e ghe ga dado ordine de cavar! adesso no so se xe più..

Mi nela mia ingenuità el compasso e la squadra li vedevo, e continuo a vederli, come una A e una M (Ave Maria): la squadra ga altri due tochi che vien in zo ai lati e fa una M. A e M intrecciade che me ricorda, in definitiva, tuta la struttura reticolar dela cesa (che no me piasi; me piasi el crocifisso de Mascherini e, penso, gnente altro).

[Nona Picia]

Mi nela mia ingenuità el compasso e la squadra li vedevo, e continuo a vederli, come una A e una M (Ave Maria): la squadra ga altri due tochi che vien in zo ai lati e fa una M. A e M intrecciade che me ricorda, in definitiva, tuta la struttura reticolar dela cesa (che no me piasi; me piasi el crocifisso de Mascherini e, penso, gnente altro).

Personalmente la penso come ti.....

[Piereto]

Se tropo boni a ciamar la ciesa "el formagin" mi go sempre dito " el brufolo". Ricordo la prima volta che ghe son sta , credo i primi ani che i la ga fata, me son dito : vara che splendida birreria ne la sala inferiore.