Vocabolario Italian - Triestin

[babatriestina]

far fraia o anche fraiar oviamente. eco, savevo..

[sono piccolo ma crescero]

Resta per el momento de tradur el termine "Bagnarola": mi son sicuro che ghe xe un termine dialetal per dir "una vecia barca scasada", ma no'l me vien. Se no me disè gnente, meterò "vecia barca scasada".

[Ciancele]

Resta per el momento de tradur el termine "Bagnarola": mi son sicuro che ghe xe un termine dialetal per dir "una vecia barca scasada", ma no'l me vien. Se no me disè gnente, meterò "vecia barca scasada".

No steme ciapar in parola. Xe solo un mio pensier. Mi, come tanti che manca de casa, se imagina,credi, de gaver sentì una parola. Per bagnarola no me xe vignù inamente gnente. Ma a sentir continuamente la parola, me ga parso de sentir aqua che scori. No saria posibile che voli anca dir un piovon, aqua che cori zo pai copi intela gorna? Feghe un pensierin.

[sono piccolo ma crescero]

Che mi sapia bagnarola, in italian, se una barca, una nave scasada.

Quel che me rosiga xe che no trovo una parola in dialeto per dir la stesa roba, epur mi penso che in una cità de mar una parola ghe doveria eser.

E za che semo, in dialeto esisti un termine per dir "battigia"? E el famoso "bagnasciuga" che ghe ga portà mal a qualchedun, come se lo disi in dialeto?

[sono piccolo ma crescero]

Go prova a butar zo due pagine

la letera A: https://www.atrieste.eu/Wiki/doku.php?id=dialetto:itaa
la letera B: https://www.atrieste.eu/Wiki/doku.php?id=dialetto:itab

Però go paura de no eser in grado de far ben el lavor; go saltà tante parole del vocabolario perché no me vigniva in testa come tradurle. No so se 'ndarò avanti.

[babatriestina]

meio che gnente, per quei che no sa più el triestin..

[sono piccolo ma crescero]

In realtà me rendo conto, scrivendo, che gnanche mi no so ben el triestin. Per questo ve domando sempre de controlar sai ben.

[Piereto]

Sicome go leto de qualche parte che co se parla se dopra no più de 300 vocaboli, me par logico che anche nel vocabolario italian triestin se salti una bona parte de vocaboli rari de uso italiani che no ga traduzion in triestin . Quindi....sursum corda.

[Ciancele]

Sicome go leto de qualche parte che co se parla se dopra no più de 300 vocaboli, me par logico che anche nel vocabolario italian triestin se salti una bona parte de vocaboli rari de uso italiani che no ga traduzion in triestin . Quindi....sursum corda.

Son in tuto d'acordo. L'inglese basic par che gabi 800 vocaboli. Son Piccolo Ma Crescerò podaria limitarse a quei vocaboli che el conosi. Po sperar ne l'aiuto dei altri, come pal vocabolario triestin-talian. Forsi xe qualchedun che volaria saver come che se disi una roba in dialeto. Son ciapà. Ve saludo.

[sono piccolo ma crescero]

Un grazie a Ciancele che ga controlà e me ga coreto la letera A

[Piereto]

Me xe vignu' in mente un sinonimo dialetal per bagnarola e cioè careta cioè barca o nave malandada. Vecia careta.

[sono piccolo ma crescero]

Me xe vignu' in mente un sinonimo dialetal per bagnarola e cioè careta cioè barca o nave malandada. Vecia careta.

A mi me par che sia italian. Carrette, i carrettieri del mare (i olandesi). El Doria per careta dà carretto o carel con lama sul fondo per solevar e portar el carigo.

[Ciancele]

Un grazie a Ciancele che ga controlà e me ga coreto la letera A

Son Piccolo Ma Crescerò, ti te me lodi in publico sempre solo a mi. Se te vol ringraziar qualchedun per l’aiuto, te devi ringraziar anca tanti altri. Qua te me pol veramente ringraziar, parchè me coregio a mi: autocorezione.

Abbindolare Cior pai fondei. La parola fondelli la go imparada in Germania nei ani setanta. A Trieste no la go mai sentida.
Abrasivo Go dito che noi gavevimo do tipi: un a grana grossa che ciamaimo carta de vetro e un a grana fina su sotofondo blu che ciamaimo carta smeriglio.
Accantonare Forsi xe el bilancista in mi che parla, ma penso che accantonare no xe risparmiare, ma mettere da parte per cior più tardi. Vedansi: Accantonamenti. Meter in taio inveze xe risparmiare, meter intela musina o in musina.
Accudire Anca: tender
Adagiare Posar zo, posar zo pian
Aereo(plano) Areoplan no me piasi. Pintosto: Arioplan
Affaccendato Ciapà
Affamato Batù de slorda: Baba Triestina dirà de sicuro che no la ga mai sentì. Xe negron.
Aggredire Saltà adoso me stona. Noi diseimo saltimo doso o indoso.
Ammollo Mi go sentì dir, e dito sempre, meter in smoio.
Annuvolarsi Inuvolarse. Come xe el tempo? Se inuvola.
Assopirsi Indormenzarse
Attaccare Tacar
Attorcigliare Intortolar (cfr. aggrovigliare)
Spero che qualchedun se fazi vivo e confermi o coregi.

[babatriestina]

Cior pai fondei - che credo che vegni de una frase romanesca -xe eufemismo per no dir cior pal c*

[sono piccolo ma crescero]

Accantonare Forsi xe el bilancista in mi che parla, ma penso che accantonare no xe risparmiare, ma mettere da parte per cior più tardi. Vedansi:

El Doria, per "meter in taio" dà "Mettere in salvo, conservare (i soldi)"

Aereo(plano) Areoplan no me piasi. Pintosto: Arioplan

El doria me dà areoplan, aroplan o rioplan.

[Ciancele]

Cior pai fondei - che credo che vegni de una frase romanesca -xe eufemismo per no dir cior pal c*

Nei primi ani setanta go conosù un talian che gaveva de far con le botilie de aerosol e me contava che el termine tecnico dela testa con la valvola iera fondello. El diseva, ridendo: Prendere per i fondelli le bottiglie. E po me diseva che in Italia Prendere per i fondelli voleva dir cior in giro, pal c*. Come per le fibre tessili sintetiche. Per cior un campion, iera scrito: Rompere le balle e prelevare ... Dopo i ga cambià con Aprire le confezioni.

[Ciancele]

Accantonare Forsi xe el bilancista in mi che parla, ma penso che accantonare no xe risparmiare, ma mettere da parte per cior più tardi. Vedansi:

El Doria, per "meter in taio" dà "Mettere in salvo, conservare (i soldi)"

Aereo(plano) Areoplan no me piasi. Pintosto: Arioplan

El doria me dà areoplan, aroplan o rioplan.

Podaria anca domandar chi che conta de più. Mi che son iscrito o Doria che no xe iscrito.

Ma veniamo a cose più serie.
El taio xe quel dela musina (salvadanaio). In senso figurato meter in taio xe meter in musina. E Doria dice mettere e conservare. Mi, in dialeto, diria 'lora risparmiare.
Aeroplan no me ricordo de gaver sentì. Aroplan o rioplan sì. E noi diseimo anca arioplan.
Par quel spero xe che qualchedun se fazi vivo e conti la sua.
In dialeto xe diria: Doria no xe mato, 'lora no'l ga sempre ragion.

[Piereto]

Una ulteriore riprova che el dialeto xe una lingua viva e el Doria nol pol corerghe drio a tuto. Confermo che careta xe una nave vecia e la go intesa dir da mio nono che fazeva barche. (da zontar in dialetto triestin).

[Ciancele]

Una ulteriore riprova che el dialeto xe una lingua viva e el Doria nol pol corerghe drio a tuto. Confermo che careta xe una nave vecia e la go intesa dir da mio nono che fazeva barche. (da zontar in dialetto triestin).

Piereto, za che te son in vena (hai voglia) de confermar, no te podaria confermar la letera A?

[sono piccolo ma crescero]

Alora go struturà un poco le pagine de sta specie de vocabolarieto e nela prima pagina go scrito quel che me par, de quel che se ga dito, che poderia eser al scopo.

Kaiser Ciancele I° (Kaiser no perché el xe el più importante, perché semo tuti uguali, ma perché el vivi lasù coi gnochi), ga controlado un poco le pagine dela A e dela B; la C xe in lavor, le altre xe pena pena butade là o no le xe propio.

Speto corezioni e integrazioni da parte vostra