Vocabolario Italian - Triestin

[sono piccolo ma crescero]

Per mi, ma semo in regime democratico e ognidun de noi ga un voto, IMPIZAR accendere me diventa 'MPIZAR, la m quasi no se la senti, come la n de andar in 'ndemo.

Ell discorso xe diverso per STUDAR e DISTUDAR. Per mi le va ben tute due. El DEVOTO OLI, ma anche el Treccani http://www.treccani.it/vocabolario/stutare/ riporta un italian STUTARE (dal latin EXTUTARE). El DI lo metemo davanti a tanti verbi: DISCOVERZER, DISCUSIR, DISNOTAR, xe tuti verbi che se pol, per mi, doprar con o senza el DI davanti.

Sotolineo el "per mi".

Diverso xe el discorso per [DI]STUDAR e SPEGNER: sto ultimo me par propio che no esisti in dialeto: va ben GO STUDÀ LA LUCE, GO DISTUDÀ LA LUCE, ma no va ben GO SPENTO LA LUCE, anche se credo de 'verlo doprà .

[sono piccolo ma crescero]

Zonto ancora una riflesion: el Kosovitz riporta tuti solo col DIS... el Doria SIa col DIS.. che solo col S... quindi poderia darse che la seconda forma sia vegnuda fora più de recente.

[babatriestina]

Oggi go leto un triestin che scrivi "tallon" per calcagno

[babatriestina]

manca ricotta che i dìsi ricota ma xe puina

[babatriestina]

mi digo zuchero, ma me ricordo la nona dela mia amcia che diseva sùcaro

[babatriestina]

Rovescio: A rovescio xe ala riversa

[Ciancele]

mi digo zuchero, ma me ricordo la nona dela mia amica che diseva sùcaro

No solo la nona dela tua amica ...

[babatriestina]

mi digo zuchero, ma me ricordo la nona dela mia amica che diseva sùcaro

No solo la nona dela tua amica ...

ma sa, ela iera furlana de san Foca... per cui no son propio sicura che la parlassi patoco..

[babatriestina]

eco go apena letto questo " No te son andada a chiederghe?"

[Ciancele]

Se va 'vanti cusì l'UNESCO dovarà dichiarar i nostri vocabolarieti Patrimonio culturale de l'umanità.

[mandi]

In Trentino puina si dice poina, con riferimento alla forma di una poppina o mammella.

[babatriestina]

"se legi de fretta" per se legi in furia

[babatriestina]

"xe rimasto " per xe restado

[sono piccolo ma crescero]

Consultando le nostre pagine "A trieste non si dice" i gaveria za trovado come che se disi.

Resta un fatto fondamental: a meno che no vegni una lege che disi che no pol trovar lavor a Trieste chi che no parla pulito el triestin el dialeto xe destinado a imbarcar sempre più parole italiane. Me rendo conto che sempre più speso mi parlo nel mio dialeto (che no xe proprio el triestin) e i me rispondi in italian.

[babatriestina]

Mi no disessi gnente, se no xe questi stessi che se vanta de esser "patochi" , de saver el triestin, de volerlo parlar a tuti i costi...

[sono piccolo ma crescero]

QUa https://www.atrieste.eu/Forum3/viewtopi ... 9&start=65 Babatriestina scrivi

"stavo salindo sul bus" letta stamatina

Iera za Salir-> Andar su[so].

Go zontà due esempi con montar, ma me iutè? Quando Salire se tradusi con 'ndar su e quando con montar?

[babatriestina]

montar de solito prevedi qualcossa come un scalin o un passo più in alto: montar in scagno ( figurato), montar sul scagno ( fisico) , montar in treno in tram, in machina - che una volta iera più alta. Andar suso xe in riva in su. mi vado in su per Scala santa, no monto per scala santa. monto in carozza. Però le scale le fazo in su no, monto per la scala dei Giganti .

el salindo sul bus, che me fa come co el gesso gratava sula lavagna, no iera per zontar al vocabolario, ma per evidenziar un repete particolarmente sgradevole e notar come che el vien sempre più doprado.

[Piereto]

za salindo fa el palio co scendendo .....dal bus, montar e smontar. Montar ga anche el sigificato de far (montar la guardia).

[Ciancele]

za salindo fa el palio co scendendo .....dal bus, montar e smontar. Montar ga anche el sigificato de far (montar la guardia).

Anca nel senso de cominciar, par esempio un turno: Monto ale oto.

[Piereto]

Ora de colazion, monto la panna.