El Duomo
El Duomo xè dedicado ai Santi Giovanni e Paolo.
La faciata xè particolare e non comune, datada a circa la metà del '400 in stile gotico veneziano. La xè fata in piera de Aurisina a forma de trifoglio con l'arco superiore inflesso verso la somità che regi la crose.
In mezo un grande roson con 16 archeti a sesto acuto con al centro la Madona col Bambin. Sora al portal la lunetta che soto l'arco acuto racchiudi in rilievo la SS. Trinità. Xè raffigurado Dio che ga in brazo Gesù e tra le due figure el Spirito Santo in forma de colomba. Notè che Gesù, essendo sui zenoci del Padre dovessi esser Gesù Bambin, ma el ga la barba!!! (me lo diseva sempre mio papà co iero muleto: varda Gesù bambin cola barba)
El campanil xè stado costruido sucesivamente.
La pianta dela cesa xè a tre navate con trace de afreschi andai quasi completamente persi: i unici che se ga conservà un poco meio xè soto i archi soreti da pilastri quadrangolari cola base in piera a giorno.
La capela laterale sinistra, su un altar de marmo, più o meno nel stile de quei che finora gavemo visto, ga una bela pala dela madona del Rosario.
La cesa iera estremamente scura: questo xè quel che go podudo far:
sbagliade. Grazie!!! 
) ecove a Muja Vecia el nostro Zoomy all'opera 
