Roba de TLT (CdI) e altri documenti de una volta

[babatriestina]

Nel certificato militar postado de Rofizal podè veder anche le finezze della Kakania:
k.u.k. Heer e subito dopo k.k. Landwehr
no so el significato, ma immagino che el primo sia una roba a livello general delle Forze armate, mentre el secondo ( anche vista la presenza del termine Land) sia una roba locale e quindi solo cisleithana.

[AdlerTS]

Usando le parole dell'autorevole cimeetrincee.it vi era un esercito comune (K.u.K. Heer) che era politicamente subordinato al ministero comune della Guerra. La comune appartenenza alle due Monarchie, Austriaca e Ungherese, era sottolineato dalla congiunzione “und” tra gli aggettivi “Kaiserlich” (imperiale) e “Köneglich” (regio) nella sigla “K.u.k.”. [...]
Con il Compromesso del 1867 vennero gettate le basi per la costituzione di un esercito, parallelo alla regia milizia territoriale ungherese (gli “Honvéd”) denominata K.k. Landwehr, cioè imperial-regia milizia territoriale.

Per i certificati de matrimonio ... i vs. nonni jera copulanti za prima delle nozze, birbanti !

[babatriestina]

Per i certificati de matrimonio ... i vs. nonni jera copulanti za prima delle nozze, birbanti !

leggi ben : i sposi xe copulandi e no copulanti e quindi stava per copular; inveze sotto xe scritto Copulavi e xe la firma del prete!!!

ara che se te disi ste robe stanotte el fantasma de nona te vien zucar i pie in leto!!!

[rofizal]

Per i certificati de matrimonio ... i vs. nonni jera copulanti za prima delle nozze, birbanti !

Me spetavo sta batuda! Infati anche mi gavevo studià "lo meto o no lo meto" per via de quela parola che ogi ga un certo significato.
Go ciolto alora el vocabolario de latino e go visto:

copulatus = congiunto unito, legato, incatenato

copulo, as, avi, atum, are = unire, congiungere, accoppiare, stringere insieme, annodare

tanto che "copulare se cum inimico" vol dir "unirsi col nemico".

Xe quindi evidente che gaveva el significato de "unirsi in matrimonio" .

Che poi ogi ne interesi più l'unione sessuale che quela matrimoniale xe un altro discorso, ma no credo che sia la ciesa a spingerne su quela strada.

[babatriestina]

copulo, as, avi, atum, are = unire, congiungere, accoppiare, stringere insieme, annodare

e del sostantivo "copula" vien el nostro italian "coppia"

mia nonna su sta roba iera molto "vittoriana" . La me contava che durante el fidanzamento nono ghe diseva "No vedo l'ora de sposarte che cussì te vederò coi cavei zo per le spalle" che voleva dir piena intimità, perchè le signore se molava la coda de cavei solo che in camera de letto.

[MUSTANGS13]

sfruto el documento postado su sto forum per ripostar un giogheto per fioi e/o nipoti ..... stampè co la stampante a colori e meteghe dentro chi che vole .... ogi come ogi col computer se fa ste putanade ....... ahahahahaha

[AdlerTS]

La me contava che durante el fidanzamento nono ghe diseva "No vedo l'ora de sposarte che cussì te vederò coi cavei zo per le spalle"

Forse el tuo nel particolare no, ma ricordemose che i nonni (maschi) comunque gaveva "sfoghi pubblici legali" prima del "legittimo imeneo"

[babatriestina]

Forse el tuo nel particolare no, ma ricordemose che i nonni (maschi) comunque gaveva "sfoghi pubblici legali" prima del "legittimo imeneo"

la moral ottocentesca iera molto diferente per omini e donne, e la se ga conservado, diria per molti ancora adesso. Quel che te ciami sfoghi pubblici legali xe sta legale fin ala Legge Merlin e dopo.. praticado istesso ma no in "luoghi ufficialmente deputati a tale scopo".
Poichè nono xe morto nel 1923, no go avudo occasion de domandarghe cossa che el ga fatto prima de sposar nona, ma son certa che , dopo, el ga rigado dritto! e lo digo per due motivi, anche se no lo go conossudo se non nel racconto de nona e papà e nelle sue lettere conservade:
1 el ghe voleva un ben de l'anima a nona
2 el iera una persona profondamente onesta e leale.

[AdlerTS]

Te prego de perdonarme, non volevo meter in mezo tuo nonno
El mio jera veramente un pensier generale, che me xe vignudo spontaneo leggendo quanto sopra, ma niente de personale. Go conossudo de persona però 70enni che me ga dado questa version della facilità femminile de arrivar "linda" al matrimonio ante-Merlin.

[babatriestina]

El mio jera veramente un pensier generale, che me xe vignudo spontaneo leggendo quanto sopra, ma niente de personale. Go conossudo de persona però 70enni che me ga dado questa version della facilità femminile de arrivar "linda" al matrimonio ante-Merlin.

Questa xe un'osservazion che go sentido anche mi: visto che con le putele de bona famiglia no iera gnente de far prima del matrimonio, i signori, che spesso se sposava più tardi, dopo "esserse fatta una posizion", se voleva spassarsela gaveva queste possibilità:
1 andar in quei loghi
2 aver una relazion con signore sposade ( a riscio de vegnir becai)
3 farsela con cameriere, sartine, povere mule speso immigrade e de ste robe se leggi dopo brutte storie de fioi illegitimi e altro nelle cronache. El istituto dei poveri iera anche per questo..

e una volta sposai, zerti mantegniva ste abitudini, e visto che no iera i antibiotici i se becava malattie veneree, e po i ghe le trasmetteva alle innocenti legittime mogli (go letto sta storia anche attribuida perfin a Massimilian e Carlotta, o più verosimile Rodolfo e Stefania). O a volte, scapoli che moriva giovini "de una malattia che in famiglia no se pol parlar":oops: . Contava anche mio papà ste storie, come medico lu saveva parecchio, ma nol me fazeva nomi.

[sono piccolo ma crescero]

Go trovà el contrato dela Telve (sic!) de mia suocera. Fa rifleter la tarifa (flat; no iera i scati quela volta) de 2,760 lire al trimestre.

Se legè ben, anche se el contrato xe del 55, i fa ancora riferimento al Territorio libero di Trieste (giusto per farghe vegnir malinconie a ffdt )

Ah sì, e me dimenticavo el Duplex; ve lo ricordè, col telefono muto perché un altro, di solito nela stesa casa e con un numero de telefono diverso per 100 in più o in meno, stava telefonando? Perché col duplex o parlava un o parlava l'altro.

[babatriestina]

Fa rifleter la tarifa (flat; no iera i scati quela volta) de 2,760 lire al trimestre.
.

però iera flat solo che per l'interno: le interurbane se pagava a tempo, eccome. E ve ricordè che le interurbane in arrivo vegniva segnalade de un trillo diferente dele normali? squilli più brevi e ravvicinai. Tuta la famiglia se allarmava: Xe un'interurbana! chissà chi che ne ciama... zia de Milan? zio de Venezia?

[Nona Picia]

Me ricordo sia del duplex sia del squillo diferente dele interurbane. A causa del duplex mio marì ga anche perso un lavor.....Una veceta la gaveva chiuso mal el suo telefono.... Chissà che no me tochi anche mi, un giorno o l'altro, ma per fortuna no go duplex!

[sono piccolo ma crescero]

Orpo, scuseme, ma go scrito 2,760 invece che 2.760. Va ben che costava poco, ma iera duemilasettecentosessanta lire.

[AdlerTS]

Me ricordo che el duplex jera sicuro fino ai anni 80.

[rofizal]

Orpo, scuseme, ma go scrito 2,760 invece che 2.760. Va ben che costava poco, ma iera duemilasettecentosessanta lire.

Gaveimo capido ugualmente!

Che bel che iera star ore al telefono con la mula!!

(altro che i mesagini de ogi...)

[AdlerTS]

El confin presso la cartiera a Duin

[babatriestina]

El confin presso la cartiera a Duin

no so se quela volta ghe iera za la cartiera..
quel che me ricordo ben, xe che per passar quel confin, bastava la carta de identità, mentre per andar in Austria ocorreva el passaporto. Per andar in zona B no so, perchè nissun de mia famiglia ghe ga messo el naso fra el 45 e i primi anni 60.

[1382-1918]

El confin presso la cartiera a Duin

no so se quela volta ghe iera za la cartiera..

Infatti, volevo scriver anche mi. La cartiera no la iera ancora.

[AdlerTS]

Voleva esser un punto de riferimento geografico per chi conossi la zona oggi !