Arti minori: presepi a Trieste

[ffdt]

a mi, piu` de 'l fato che i se ferma, me ga piaso che i ghe fato 'l mucio de armi butade la` ... come dir "gavemo capido che no ocori" ... e anca cuela de meterghe un scudo crociato tra le armi butade me ga piaso ... me par che sia come un domandarghe scuxa de tuto cuel che xe stado fato de storto aprofitando de lu ...

torno a dir ... un bel mesagio ... dito tanto in poco spazio ... bravi

ciau

Franco

[babatriestina]

Presepio de Sbisà sto anno a san Giusto:
i fa sempre una cornise avveniristica, sto anno xe cerci colorai come el arcobaleno della pase: el Gesùbambin no apartien al presepio e i Magi manca ancora, ogi xe el primo de l'anno: per l'Epifania xe previsto el incontro coi Magi per i fioi!

un particolar de un pastor

e dela Madonna

[babatriestina]

Spero non sia tardi: un presepio che merita e che forse i tien ancora qualche giorno xe nella ciesa in piazal Rosmini.
Acqua che scorri, alba, tramonto, tempeste ed arcobaleni...gli angeli che culla Gesù bambin.
Vedere per credere.

ghe son passada sto anno, e go tentado un per de foto: no xe per gnente facile, visto che ,a punto per questioni de luce, el xe nela penombra: el xe nela cripta, a man destra:
questo xe el Gesubambin coi angeli che lo culla


questa xe un'alba, o un ciaro de luna


e questo xe un noturno, coi angeli che svola in fondo a sinistra

Col occasion de visitar la cripta, go trovado finalmente la madonna del mare che xe dedicada la cesa, ve le metto nela sezion sula cesa stessa

[babatriestina]

altri do presepi, giusto che passavo: a Notre Dame de Sion


un per de grandi statue tradizionali, ma piuttosto spartan in fatto de personaggi ( curioso che no xe i re Magi! I speta l'Epifania per zontarli?)
e po a s Maria Maggior ( Gesuiti)


statuine molto lucide, come se i ghe gavessi dado un man de vernise, e ai lati, una curiosità: Una Crocifission e una Risurrezion, ve mostro la seconda

[Nona Picia]

Bei sti ultimi presepi!

[babatriestina]

Non xe una gran foto , ma el sogeto merita: cesa dei frati de Montuzza.

un poco meio, sto anno:

do statue de quasi mezzo metro, una misura poco comun..

[babatriestina]

El grande presepio monumental de S Antonio novo, restaurado l'anno scorso
El occupa tutta la zona de un altra lateral, incluso el fondal piturado apposta

la targa che ricorda el restauro che el presepio xe del 1936, fatto a Ortisei - S Ulrich ( Val Gardena) del scultor Martiner

la parte central

[babatriestina]

coloratissimo el gruppo dei re Magi

[babatriestina]

el gruppo central più de vizin

el angelo sora la grotta

e i angioletti sul ingresso ( i pastori xe meno caratteristici e meno ben illuminai..)

[babatriestina]

angeli anche nel fondal dipinto



al confronto, el presepio in cesa del Rosario xe modestin, del punto de vista artistico:

e le statue me par de stile troppo moderno. Una volta i gaveva tochi molto più tradizionali.
Go visitado anche la mostra sui presepi a Palazzo Costanzi: cocola, alcune robe originali, come certi presepi in case tipo carsico, ma gnente de special, a mio modesto parer, se intendi!

[AdlerTS]

Nella cesa de San Pio X

[babatriestina]

questo xe un presepio privato de circa mezzo secolo fa, i Tripcovich lo gaveva messo sui loro biglietti augurali, e lo gavevo anche visto de persona, el iera de vetro de Murano, go conservado la cartolina, Natale 1959

[babatriestina]

Una foto meno de furia del presepio de autor ( Sbisà) de san Giusto: come sempre Gesùbambin a parte più grande, e i magi no se vedi. ogni anno cambia el ambientazion, sto anno el xe meno futuristico e più tradizional
[i

[babatriestina]

I presepi muggesani
iero in dubbio se far un post a parte, magari in sezion Muggia ( Istria), ma in fondo i me pareva non tanto differenti dei triestini, per cui li metto qua: i me gaveva segnalado che al Duomo de Muggia i fa un presepio piuttosto bel, e stamattian go fatto un giro: efettivamente, el xe piuttosto grande e fracando un tasto xe l'animazion, per la gioia dei fioi che lo visita:
una panoramica dela cesa, adobbada per nadal

in fondo a sinistra el presepio, a destra un solo Gesùbambin a parte
una panoramica del complesso, col flash

con l'illuminazion

[babatriestina]

la parte central, più in scuro


el particolar dela Madonna, vestida e meza distirada col picio: una posizion meno usual dela solita Madonna adorante

[babatriestina]

impicado in mezzo in alto, el angelo col Gloria

i Re Magi, fotografai col flash

un dettaglio dei altri gruppi, alcuni in movimento, con soldati romani

[babatriestina]

za che iero de quele parti, go fato un giro per le altre cese e go trovado altri presepi, questo piuttosto semplice ma no mal nella Cappella del Crocifisso

Nela cesa de san Francesco ( dove che ghe xe la magnifica Pietà e la Madonna tardomedieval (veder le foto de Zoomy sotto Muggia) ghe xe un semplice presepio

ma alle pareti ghe xe una piccola collezion de presepi miniatura che devo dir che me ga parso molto più bella de quella dela mostra municipal a Palazzo Costanzi.
la luce iera modestissima, el flash se gavesi riflesso sui vetri, per cui ciapè le immagini come che le xe, ma xe una varietà notevole.
un presepio sicilian su corallo ( pecà che no ghe xe le date..)
[

[babatriestina]

un piccolo presepio de vetro de Muran

un presepio de carton dela Dalmazia

e un presepio austriaco de figurine de piombo, come i soldatini

[babatriestina]

El presepio a Grignan.
Spero de no noiarve, ma semo in stagion e stago zercando de documentar i presepi più inusuali, prima che i finissi de plastica o che i li elimini del tutto. za perfin in cesa i fa el presepio, ma a parte i metti un Gesubambin più in vista e i relega el presepio de lato..
ben questo de Grignan me iera stado segnalado per le figure, poche ma scelte, con vestiti in stoffa, e ridotte apunto per no far sparir la nascita de Gesù nela marea de personaggi, come che xe un poco i presepi napoletani: ghe xe vizin anche un per de spiegazioni teologiche, che i fa tre archi per ricordar la Trinità,, che el castel in fondo xe ispirado a vere rovine de castei palestinesi del epoca.. come sempre curade le luci:
la campata central

effetto notte col ciel stellado

curiosamente, ai due lati del Gesubambin xe la Madonna e un angelo, e povero san Giuseppe xe relegado più indrio

De re Magi, mi ghe ne vedo un solo... i altri xe drio coi camei???

[babatriestina]

con altra luce

e i personaggi laterali, che vol evocar la vita quotidiana de allora