Vocabolarietto Triestin-Italian

[babatriestina]

Che sto tepa sia inversion de pate? nel senso de femo pata? partida finida in pari?

[Ciancele]

Che sto tepa sia inversion de pate? nel senso de femo pata? partida finida in pari?

No solo no so, ma no gnanca la minima idea. So solo che in contrada de noi se usava 'sai dir cusì. Ssso sorry.

[Ciancele]

Disposente: noi diseimo anca desposente o semplicemente despo.

[Ciancele]

Continuo a romperme la testa par trovar parole.
Go visto el significato de crodiga. Noi crodiga ciamaimo anca l’impermeabile. O anca semplicemente goldon.
Grampar: noi diseimo granpar.
In un altro sito go trovà la parola fraier e po i disi che deriva forsi dal tedesco frei Herr. Mi no son de ‘sta opinion. Pintosto forsi de Freiherr = gentiluomo libero. Insoma un picolo baroneto. Ma fraier (Freier) xe per un mato celibe che se misia con una mula sul serio. Freier xe anca i clienti dele tanepu. Freien vol dir anca sposar una mula.

[babatriestina]

Crodiga usatissimo da mio nonno ma come termine ingiurioso

No go mai sentido fraier ma me vegnissi de pensar a un che ama o xe abituado a fraiar gavessi dito con perifrasi " tipo de fraie"

[babatriestina]

nb Vedo un Franzèle per Franchino. Ma el mio amico Franco iera Frànzele col acento sula a

[sono piccolo ma crescero]

nb Vedo un Franzèle per Franchino. Ma el mio amico Franco iera Frànzele col acento sula a

Errore di battitura. Nella pagina dei nomignoli o nelle versioni pdf ed epub era accentato correttamente. In questo momento la pagina wiki è bloccata, forse ci stai lavorando tu. Appena si sblocca correggo anche quella.

[sono piccolo ma crescero]

Corretto.

[babatriestina]

ogni tanto me vien in mente una parola: Le sanguete iera le sanguisughe, che se doprava in medicina una volta

[sono piccolo ma crescero]

Go trovado un altro vocabolarieto triestin-italian e stago vardando le parole che poderia mancar sul nostro. Ve meto itanto un pochi e me disè se li gavè sentidi o se i ve xe novi. Se i xe novi li laseria perder, se li gavè sentidi li zontemo.

Bandaio per lattoniere, ma xe anche in italian.
Bonfo per ciccione, mai sentido
Bugia per contenitore dove mettere i trucioli
Suster per calzolaio
Conza per condimento.

Deso go de far. Varderò dopo se xe altri
[mod]mANCAVA EL LINK; ZONTADO[/MOD]

[Nona Picia]

Bandaio sì conza anche, bonfo xe più recente lo usavi i muli del'epoca dei mii fioi suster, casa mia de boni austriaci i ha sempre dito schuster e per bugia conosso solo quela con la candela

[babatriestina]

Bandaio per lattoniere, ma xe anche in italian.
Bonfo per ciccione, mai sentido
Bugia per contenitore dove mettere i trucioli
Suster per calzolaio
Conza per condimento.

Deso go de far. Varderò dopo se xe altri
[mod]mANCAVA EL LINK; ZONTADO[/MOD]

Bandaio sì, spesso
Bonfo me par una variante de sgionfo
Bugia mai
Suster xe corruzion de Schuster ma a Trieste se diseva calighèr. E no volessi che se confondessi cole suste ossia le molle de acciaio
Conza no, ma conzar per condir no me sona strano anche se de noi mai doprado

[Ciancele]

Bandaio mai sentì in dialeto.
Bonfo no so, ma bonfi par sgionfo sì.
Bugia no, ma busia sì, solo come truciolo de marangon (falegname).
Suster no so, pol darse, ma no me ricordo.
Conza solo come conzar = messo male. El iera conzà par le feste.
Susta iera anche el “materasso a molle" e sora el stramaso de crin.

[sono piccolo ma crescero]

Mi conza lo go sentido, ma da un veneto, che parlava dela paprica de meter nel gulas e el diseva che el gaveva una conza più forte e una meno.

[Ciancele]

Gavemo orloio ma no orloier. Cosa ve par?

[Elisa]

Bugia no, ma busia sì, solo come truciolo de marangon (falegname).

Dei brevi momenti di divertimento infantile, poi....."fuori dalle scatole"!, l’era ‘na svoltoladina en le bosíe, riccioli sottili di legno che ci avvolgevano, dal profumo legnoso, nella falegnameria dell’ attività familiare, del nonno....

[Zigolo]

Bandaio per lattoniere, ma xe anche in italian.
Bonfo per ciccione, mai sentido
Bugia per contenitore dove mettere i trucioli
Suster per calzolaio
Conza per condimento.

Bandaio sì
Bonfo e anche sbonfo, per dir s'gionfo
Bugia solo nei altri significati, quindi no
Suster mi no ma mia molie sì
Conza: me par de ver zà scrito che se usava la parola conzieri per indicar l'insieme dei condimenti (oio, asedo, sal, pevere) per condir (quindi conzar, ma questo doprà sai de meno) la salata. Es.: Passime i conzieri!

[sono piccolo ma crescero]

Altre parole che go trovado su questa pagina internet e che no xe nel nostro e che no conoso.

Mingola per briciola
Nezar per togliere l'involucro, scartare
Rizonzer per aggiungere liquido o condiumento
S'cipolàr per pizzicare la pelle
Tacheta per modo elegante di fare
Zalon per catarro
Zueta per civetta

Al solito se me li segnalè come noti, li zonto, altrimenti no.

[babatriestina]

solo s'cipolar no me sona del tuto novo, ma no savessi in che contesto.
Per briciola xe fregola..

[Ciancele]

Solo s'cipolar no me sona del tuto novo, ma no savessi in che contesto.
Per briciola xe fregola..

S'cipolar go sentì una volta sola de una putela de Albona. A Trieste mai. Forsi slavo in senso lato. Come smohtalo per un putelin che basa sempre. Zalo e (accrescitivo) zalon si, ma forsi negron. I ialtri no, mai.