AdlerTS ha scritto:Alcune curiosità su quel che jera prima de S. Anna,
n seguito la Necropoli generale del popolo, con le celle mortuarie dei più distinti vigniva a trovarse nella zona del Monastero dei Benedettini presso l'attuale piazza Hortis, intorno alla Cesa intitolada ai SS. Martiri e dopo detta de S. Lucia degli Armeni; Nel 1842 alcuni scavi in zona ga portado in vista celle mortuarie con bei pavimenti in mosaico, stucchi e colori. (adesso po' che i ga pena ripavimentado Cavana)
Nel Secolo VI la Necropoli maggior, consacrata dalla religion, nella quale doveva esser sepolti i maggiori Martiri triestini, subissi le scorribande dei longobardi del 568, cussì el patriarca Paolo di Grado faceva raccogliere almeno quarantadue corpi de Martiri per portarli a Grado. Nel 1114 el sito vien dado in custodia ai Monaci de S. Giorgio maggiore de Venezia e nel 1736, allontanadi i Benedettini, al Capitolo, quindi ai PP. Mechitaristi, poi vendudo tutto all' incanto ed el terren convertido ad usi urbani.
In seguito el Duomo jera per i Vescovi, ed i Dignitari; dinanzi al Duomo ghe jera i colombari per la sepoltura all'aperto. In S. Michele del Carnale la sotterranea per i poveri. Ghe jera tombe in S. Francesco, nella Chiesa del Chiostro, in S. Francesco di Paola, alla Madonna del Mare, a S. Nicolo dei Marinai de Piazza Gadolla e a S. Maria Maddalena, a S. Caterina;
Per i Ebrei in S. Cipriano, in S. Maria Maggiore dei Gesuiti, in S. Silvestre, in S. Maria del Rosario.
I Greci di rito orientale gaveva un cimitero davanti alla loro Chiesa.
Nel 1783 vien vietata la sepoltura entro le Chiese, e le nove sepolture doveva avenir senza distinzion di tomba, tutte uguali, senza segni, ma la pratica dura poco.
no volessi contestar el Kandler, ma co legio cussì me vien dei dubbi: la Necropoli cole tombe dei SS Martiri forsi sarà stada cimitero molto molto nei tempi antichi, ma go come l'impression che dove che iera tombe de Santi no fossi anche cimitero comun e el cimitero general iera intorno a san Giusto, più o meno dove che xe el Lapidario, e dove che i ga seppellido Winkelmann: el cenotafio dovessi corrisponder circa alla fossa comun dove che i lo ga butado. del Medioevo in poi i siori iera sepolti nele cese e i altri vegniva sepolti intorno ala cesa e ogni tanto una netada e i ossi vegniva ingrumai nei ossari,c ome che doveva esser la cripta de
san Michele al carnale, che xe restada cussì fin al 1936, che i la ga sgombrada: i oculi alla base,a desso con inferriate, ier fatti apunto per butarghe dento i ossi dei defunti .
Me lassa un dubbio la frase "per i Ebrei in san Cipriano", perchè me fa assai strano che i gavessi sepolto i Ebrei in cese cristiane, credo che nissuna delle due comunità saria stada contenta.
Le altre Comunità, ma credo solo a partir dela città teresiana, gaveva i loro cimiteri fora de quel che iera la parte urbana, sempre per el divieto de fin Ottocento de seppellir in cesa per question de igiene, Rofizal che vedo che ghe piasi Foscolo (
a Luigia Pallavicini caduta da cavallo) certamente se ricorderà che i Sepolcri xe nati proprio come protesta contro questa regola. Xe stado Giuseppe II a impor qua la norma, e forsi ghe xe stado da parte sua una esperienza familiare che lo ga colpido, gavevimo anche scritto, me par, per una sua sorella che, andada sulla tomba de una sorella appena sepolta alla Cripta dei Cappuccini, la tomba iera mal serada, la se ga infettada e la xe morta anche ela. Vedi
Maria Giuseppina:
Si ammalò di vaiolo il 4 ottobre dopo una visita alla Cripta Imperiale, dove era sepolta la sorella e morì dieci giorni dopo, a 16 anni. NB come sempre i siori fa le leggi per i altri, ma per lori i se ga conservado sempre la sepoltura in cesa...
alora i Ebrei se ga fatto el cimitero lungo
via del Monte, dove che ancora adesso xe qualche portal de un altro cimitero un poco più avanti, dei Protestanti che lo gaveva dove che adesso xe el giardinetto dela loro cappella che se entra della Scala dei Giganti. Sempre in zona, drio de Piazza Goldoni, dove che xe palazzo Tonello e le ex case del Piccolo, iera el cimitero con cappella dei Greghi ortodossi, e i ga durado meno de un secolo nel Settecento e po i li ga portati via: ghe go domandado a un del impresa che ga costruido el garage là sora se i ga "trovado qualcossa" scavando le fondamenta e el me ga dito "piera de sotto" ma gnente de strano. Lapidi del Cimitero ebraico xe conservade al orto lapidario, come questa
o el particolar de questa
Go anche trovado una lapide musulmana, ma no so de dove, sicuramente anterior al piccolo cimitero musulman attual
iero a portarghe un fioreto a i mii morti e me son inacorto che no gavemo una piantina de i cimiteri ... e si` che i la regala la` de 'l porton e che de cimiteri gavemo za meso cualcosa ... pero` iera foto de altri temi e no mai tuto un su i cimiteri, forsi perche` no xe un argomento che de solito fa alegria
j'ai été d'apporter une fleur à mes morts et j'ai réalisé que nous n'avons pas mis une carte de cimetières ... ils l'offrent à la porte et nous avons déjà publié quelque chose sur les cimetières ... de toute façon ils étaient des photos en rapport avec d'autres questions, et nous n'avons jamais consacré un sujet sur les cimetières, peut-être parce qu'il n'est pas un sujet qui d'habitude se moque
I was to bring a flower to my deaths and I realized that we do not have a map of cemeteries ... they offer it at the gateway and we have already published something about the cemeteries ... anyway they were photos related to other issues and we have never devoted a topic on cemeteries, maybe because it is not a topic that usually makes fun
