Informazioni sulla privacy

Strumenti Utente

Strumenti Sito


foto:suggerimenti_ts

Come postar le foto nel forum

Traduzioni

Se el color dela lingua xe in color rosso, vol dir che la pagina no xe ancora pronta

Italiano

Triestin: xe questa pagina, xe inutile farghe click sora

English

Deutsch

Français

Premessa

Visto che no tuti xe esperti e che ogni tanto i domanda, gavemo provado a far un picio vademecum su come postar le foto nel forum, se xe problemi domandè pur, anche privatamente, ai moderatori

Ricordeve che la lege regola quel che se meti sul web e in particolar le foto de gente. I aministratori pensa che chi publica foto sul Forum conosi la lege e la rispeta. Responsabile xe sempre e solo chi publica. I aministratori, se avisai che no se sta rispetando le regole, i caverà via tuto quel che no va ben, anche senza contarghe ai autori.
(el testo uficial de questo aviso el xe qua in italian e quel fa testo)

Metodo del alegato

  1. se prepara prima la foto ridimensionandola perché el spazio che gavè a disposizion no xe infinito e anche perché se le xe tropo grandi, come che xe de norma le foto dele machinette con tanti megapixel, le xe bone per stampar, ma sul video le vien grandi come lenzioi, occupando una pagina soprattutto in larghezza e rendendo difficile la lettura del forum.
  2. Come regola sugerisimo che el lato più grande sia de 800 pixel al massimo. Per far sto lavor se pol doprar vari software: acdsee, gimp, paintshop, photoshop, e anche qualche pagina web ofri sto servizio.
  3. Comincè a scriver quel che gavè de scriver. Co rivè al momento che volesi zontar la foto, andè in fondo ala pagina ala sezion Upload attachment (in italian Aggiungi un allegato) e frachè el boton sfoglia, zerchè la propia foto, struchè “add a file” o “invia allegato” insoma per dirghe che xe quela. In sto modo la foto vien carigada nel forum, ma se la vederà solo in fondo a quel che gavè scrito.
  4. Adeso dovesi veder due botoni:
    1. “place inline”, “inserisci in linea col testo”, ve inserisi la foto nel mesagio dove che gavè el cursor (ve vegnerà scrito qualcosa del tipo [attachment]….[/attachment]). Se no frachè sto boton la foto vegnerà mesa in fondo al messaggio, ciolè voi quel che ve piasi de più;
    2. se ve par de ver carigà la foto sbagliada el comando “delete file”, “cancella file” ve libera de novo el spazio che la foto ve ga impegnà (la cancela sul forum, no sul vostro disco dove che la resta).
  5. Se gavè altre imagini de carigar se ripeti quel che xe scrito sora. Ve preghemo de no carigar più de tre imagini per post per no far pagine tropo pesanti de carigar co se le varda.
  6. Se fa el preview, anteprima, per veder se tuto va come che se voleva.
  7. Se tuto va ben, se fraca submit invia e dovessi esser tuto là.
  8. Con sto metodo no se pol carigar, comunque, foto che gabi una dimension masima più grande de 800 pixel e che le sia più grandi de 200 Kbyte.

Questo metodo cariga la foto sul sito del forum, quindi la foto resta sul forum, ma se pol carigarghene solo fin a una certa quota de memoria per ogni utente.

In t'un secondo tempo, le imagini vegnerà rielaborade de noi: sicome le xe ospitade sul nostro sito noi provedemo a timbrarle con la scritta “www.atrieste.eu” ed un rimando al regolamento. L'operazion vien fata mediamente una volta al giorno. Sicome i browser moderni i ga una memoria cache, el timbro se lo vederà solo dopo ver svodado la cache del browser o dopo qualche giorno.

Metodo col sito de appoggio

  1. se prepara la foto come sora
  2. in un'altra finestra se riaverzi explorer o che browser che se ga e se va al sito de appoggio.
  3. ognidun ga el suo modo per carigar su le foto. Ocio che tuti meti tanto reclam (d'altra parte i ghe devi guadagnar sora) e i ve proponi de stampar le foto che dopo i ve le manda a casa.
  4. di solito, de qualche parte sula pagina, trovè la posibilità de copiar el colegamento a l'immagine. I ve ne mostra due, uno per le pagine web e uno per i board (che saria i forum). Copiè sto ultimo.
  5. incolelo nel post che, de un'altra parte, ste scrivendo. Dove che lo incolè, la vegnerà la foto. El colegamento doveria eser fato del tipo [img]http://...[/img]
  6. Per far la prova, se fa el preview che dovessi mostrar el post col pupolo.

Offri el servizio de appoggio per le foto, per esempio,questi siti

Sito Problemi
http://www.webshots.com/ Nol dà fora immagini più grandi de 600 pixel
http://www.imagestime.com/ Sconsiglià; el se ga magnà parechie foto
http://imageshack.us/ Anche se lori i disi de no, a noi ne risulta che el se sia magnà parechie foto
http://picasaweb.google.com/ Xe bastanza complicà copiar l'indirizo de l'immagine nel forum
https://www.atrieste.eu/Foto/ Servizio de appoggio delle foto messo a disposizion da parte del forum stesso. Le foto le pol esser inseride anche in altre pagine web, ma almeno una volta le devi vegnir publicade sul forum

Vantaggi e svantaggi

VANTAGGI SVANTAGGI
Attachment Xe più svelto, no ocori tegnir verte due pagine del browser, una per el forum e una per el sito de appoggio per le foto.El spazio xe limità e se carighè tante foto vederè che el se impinisi subito
Fin che durerà el forum, durerà anche le foto che gavè carigà Le foto che gavè carigà le xe bone solo che per el forum, no podè meterle da un'altra parte
Sito esterno No impignissi el spazio sul forum che ve resta libero per quando che dovè carigar una foto ala svelta Xe tuto più machinoso
Sicome che le foto le xe, magari, in posti diversi, capita che la pagina se carighi prima Per esperienza corè el ris'cio che qualche foto ve vadi persa. Se vardè in giro per el forum vederè quante foto che manca in quanto chi che le ospita le ga scancelade, o per scelta o per sbaglio.

Per questo motivo el forum ga deciso de ofrir un servizio de appoggio per le foto. Le carateristiche del servizio le trovè qua: foto:regolamento. Se lo volè dovè domandarghelo ai moderatori.

Qualche consiglio pratico

Per non appesantir le pagine, meio metter poche foto per post, noi ve sugerimo un masimo de 3 se le xe bastanza pice, e se possibile, visto che semo un forum e no un semplice album fotografico, xe gradida, vizin dele foto, qualche spiegazion o qualche comento.

Le foto se le memoriza bastanza ben in formato jpeg. Secondo noi una compresion de l'80% la fa bastanza compatte senza mandar a remengo tropo la qualità. Disegni rigorosamente in bianco e nero se li salva ben in formato png, se se ga un poca de atenzion.

Collegamenti ad altre pagine

Questo sito Web utilizza i cookie. Utilizzando il sito Web, l'utente accetta la memorizzazione dei cookie sul proprio computer. Inoltre riconosci di aver letto e compreso la nostra Informativa sulla privacy. Se non sei d'accordo, lascia il sito.Maggiori informazioni sui cookie
foto/suggerimenti_ts.txt · Ultima modifica: 03-09-2023 05:05 da 127.0.0.1

Ad eccezione da dove è diversamente indicato, il contenuto di questo wiki è soggetto alla seguente licenza: CC Attribution-Noncommercial-Share Alike 4.0 International
CC Attribution-Noncommercial-Share Alike 4.0 International Donate Powered by PHP Valid HTML5 Valid CSS Driven by DokuWiki