Traduzion in triestin, un poco libera, dela version italiana 2.7.0 del 07/07/2024

El Forum “A Trieste” el xe nato per parlar dela nostra cità, farla conosser, migliorar la conoscenza, per chi che la conosi za, e el xe per tuti, Triestini e non, che abita qua, via de qua, rivai de fora, e a quei che sta lontan ma ga Trieste sempre nel cuor.

El Forum xe tegnù in pie da un ciapo de persone che se dà de far e cura la manutenzion. Sugerimenti e proposte fati per iutar sarà sempre ben aceti, sia che i sia per far funzionar meio el forum sia per far meio sto regolamento.

In sto regolamento vien doprade alcune parole che adesso spieghemo meo cossa che le vol dir:

Cola parola utente iscritto se vol dir una persona fisica con una sua casella de posta elettronica, un nickname (soranome per ciamarla qua) e una password (parola segreta e che la sa solo che lu).

Cola parola moderator se intendi un utente iscritto che ga diritti de aministrazion, pol rivar in ogni momento a ogni post, el lo pol cambiar, blocar, scancelar, spostar. Le decisioni de un moderator pol vegnir controlade dal gruppo de tuti i moderatori che al caso decidi a magioranza. I moderatori pol, se i utenti ghe domanda o anche per ragioni de sicurezza, cambiar le password de altri utenti. No i pol inveze colegarse al forum fazendo finta de eser un altro utente, se quel no ghe ga dado volontariamente la propia password domandando aiuto. In sto forum el termine aministrator xe praticamente compagno de quel de moderator.

Cola parola netiquette se intendi le regole che devi seguir un utente riguardo dei altri utenti e nel doprar el forum. Per una definizion più precisa, andè a la pagina de wikipedia sula netiquette.

Col termine post se intendi un intervento mandado al forum per farlo publicar. Se lo pol anche ciamar messaggio.

Col termine flame se intendi un messaggio che vol zercar baruffa , spesso scritto soprattutto per far rabiar qualchedun altro.

Col termine topic se intendi un gruppo de post con argomento comun, la sfilza dei post de un topic xe spesso ciamada thread.

Col termine de Off topic , speso scurtà in OT, se vol dir un messaggio che no ga gnente de far col argomento in question.

Col termine forum se vol indicar un gruppo de topic che riguarda robe più o meno sul stesso argomento. Però se scrivemo Forum cola F maiuscola, alora stemo parlando de tuto el insieme che se trova al indirizzo https://www.atrieste.eu/Forum3

Col termine sezion se vol dir un grupo de forum che ga una certa somiglianza de argomenti o de permessi per rivarghe per i utenti.

Col termine phpBB se intendi un software che xe disponibile sotto “general Public License” (de qua in avanti GPL) e che se pol scarigar liberamente. Per gaver altre informazioni andè a visitar el sito www.phpbb.com.

Cola parola cookie se intendi dele pice informazioni che phpBB salva sul computer de l'utente, iscrito o meno, e che permetti de riconoscerlo co'l torna a visitar el forum o co'l passa de una pagina a un'altra. Noi no ingrumemo i dati dei utenti per capir chi che i xe, e i cookies xe solo quei che vien diti tecnici. Sta pagina qua, che no dopra nisun cookie, la ve fa la lista dei cookies verti dal forum e, se gavè paura dela vostra pivacy, la ve iuta a scancelarli.

Col termine provider se intendi una dita che fornisi servizi Internet (in inglese Internet service provider), in sigla ISP, e che el ghe dà ai utenti, che ga firmà uin contrato, servizi relativi a Internet come l'acceso al World Wide Web, la posta eletronica e la memorizzazion dei dati.

Co se se iscrivi al Forum de atrieste.eu (de adeso in avanti “noi“, “nostro”, “aTrieste”, “a Trieste”) se accetta de esser ligai legalmente a queste condizioni. Se a un no le ghe comoda, alora xe meo che nol se iscrivi.

L’iscrizion al forum vol dir accettar automaticamente le sue regole. Le regole inveze sula proprietà inteletual naturalmente riguarda anche chi che vol doprar i contenuti del forum, anche se nol xe iscrito.

Le condizioni pol cambiar col tempo, e avertiremo i utenti che se cambia, ma meo controlar spesso ste pagine per veder se qualcossa xe cambiado, visto che l’iscrizion vol dir accettarle.

Ogni iscrito devi eser una persona fisica. No se pol iscriverse più volte,magari con casele de posta diverse . 'Pena che i moderatori trova una roba del genere, i ne scancela almeno una.

Sicome se xe responsabili de quel che se scrivi, no se pol iscriver chi che xe minorene.

Una volta iscritto, l'utente devi spetar che un moderator lo aprovi prima de poder scriver qualcosa. Sta aprovazion di solito la riva entrop 24 ore. Se pasa tropo tempo, l'utente xe pregado de contatar via email i moderatori.

Per scriver un post se dopra i ordegni che el forum meti a disposizion. Strucando el tasto “Invia” i post diventa subito legibili de tuti, senza altre aprovazioni da parte dei moderatori.

Una volta spedido, per pochi minuti se pol modificar el post o scancelarlo ¹⁾. Pasà sto tempo l'utente che no xe moderator no pol più cancelar o modificar quel che el ga scrito. Sto limite servi, per spiegarse, perché che no capiti che l'utente A fa un post, l'utente B ghe rispondi e po' l'utente A cambia o scancela el post original, cusì no se capisi più gnente e nasi casoti e barufe. Prima de spedir el messaggio se sugerissi de doprar l'Anteprima per veder quel che se vederà un volta spedido.

I moderatori poderà coreger de soli i sbagli de dattilografia. Se ghe pol domandar de coreger qualche roba de forma. Per modifiche sostanziali bisogna parlar con lori.

La bona creanza, anche come netiquette, doveria bastar per garantir un funzionamento tranquilo e regolar, ma meo meter le man avanti e precisar:

Xe considerai inacettabili, e quindi proibidi, messaggi con:

• insulti, volgarità, offese sia a singole persone, utenti o no, sia a gruppi razziali, linguistici, politici o altro
• in general tuti i messaggi che vadi contro le leggi o inviti a andar contro
• apologie de regimi totalitari
• espressioni e frasi scritte solo che per crear flame fra i utenti (insoma: far onde)
• promozioni economiche, messaggi pornografici, pirateria informatica, mail non richieste (sta roba la scancelemo subito! E chi che le posta anche).

Se un moderator trova che un messaggio va contro ste norme, el pol cavarlo e meterlo in una zona riservata (quarantena). El gruppo dei moderatori pol, dopo, eventualmente rimeterlo dove che el iera, cancelarlo o cambiarlo in meio. El gruppo decidi anche, se ocori, de ciapar provvedimenti nei confronti de l'autor. De sta roba, de solito, se dà informazion in privato e/o pubblico, ma l'informazion no xe obligatoria.

In caso de vere violazioni de legge oviamente vegnerà fata denuncia.

No se accetta el crossposting, cioè scriver la stesa roba in parti diferenti del forum: i moderatori salverà el post dove che ghe par più giusto, scancellando i altri senza gnanca avertir. Se po' l'utente insisti, i lo poderà anche scancelar a lu.

I moderatori ga anche el diritto de spostar i messaggi OT nela parte del forum che ghe par più adatta, per aiutar a trovar più facilmente messaggi e informazioni. I poderà avertir, se ghe par ben, al autor, ma no xe obligatorio.

Privacy i utenti iscriti se impegna a no contar in giro dati come numeri de telefono, indirizzi email, foto de altri utenti senza'ver avù el permesso.

In caso de infrazion de ste regole, i moderatori se riserva de conzarghe, progressivamente e senza discussion, le seguenti sanzioni:

1. amonizion
2. sospension per un poco de tempo
3. butar fora del forum

No xe che i moderatori devi 'ndar drio de sta trafila proprio ala lettera e in casi particolarmente scorretti, i pol butar fora un anche subito. I moderatori pol contarghe a l'utente dei provedimenti, ma anche no. Co i buta fora del forum qualchedun, i pol farlo anche senza contarghe gnente.

Se pol inveze, in caso de sanzion, far “ricorso” scrivendoghe ai moderatori con messaggi privati o email.

Se invita anche i altri utenti a segnalar al caso al aministrator e ai moderatori con messaggio privato se i vedi che qualcossa no va.

Se li invita anche e no reagir a eventuali provocazioni, a no crear flame e a no far ciacole private in pubblico.

A ogni iscrizion devi corisponder una persona fisica, no val iscrizioni multiple anche se con caselle de posta diferenti: se scoperte, se scancella subito quel in più.

No se se pol iscriver se se xe minoreni.

Un utente pol vignir disnotà o per decision dei moderatori o perché lui lo ga domandà.

Come regola i interventi de un che domanda de eser tirà via o che vegni tirà via i resta sul forum con vizin el soranome original. El soranome de un che ga domandà de eser tirà via pol, per decision dei moderatori, vegnir blocà o tornar disponibile per chiunque voi doprarlo, tanto se vedi dala diversa grafica con cui xe scrito el nome de'l autor che xe dò de lori diversi, perché i utenti disnotai xe scriti in maniera diferente.

El material del forum (testi e foto) xe publicado dei utenti che resta propietari e responsabili. Ma el vien concesso in licenza Creative Commons con i attributi de “Attribution”, “Noncommercial” e “Share Alike”. xe anche accettade opere con la zonta de “No Derivative Works” ma se un vol sta clausola la devi specificar in ogni singolo caso. (per saverghene de più 'ndè a veder https://creativecommons.org/ ).

In parole povere, questo vol dir che se pol copiar el material del forum pur de contar de dove che se lo ga ciolto e con che licenza el xe disponibile.

Come che se ga dito sora, la proprietà de quel che che xe publicà e la responsabilità de quel che se scrivi xe de'l utente. L'aministrazion se ciol el dirito de meter un timbro sule imagini che se trova fisicamente sule risorse del forum, giusto per certificar dove che le se trova. El timbro no vien meso sule foto che se trova de altre parti.

Per favor, ricordeve che la legge regola la publicazion dele foto che ritrai gente. I aministratori suponi che chi publica foto con gente dentro conosi la lege e la rispeta. Ogni responsabilità ghe va a chi che ga publicà l'imagine. I aministratori, se informai del mancato rispeto dele legi, tirerà via el material in question anche senza avisar chi che ga publicà la roba.

I moderatori de sto forum, de sua iniziativa o su segnalazion, farà el possibile per tegnir de ocio el forum e cavar via roba contestabile el più svelto possibile, ma i controli i vien fati sempre dopo che i mesaggi xe stai pèubblicai. Vien eliminai i messaggi solo se i va contro la lege o le regole de bona convivenza che xe stade scrite prima.

Quindi i lettori del Forum devi saver che tutti i messaggi esprimi el pensier de chi che scrivi e no quel dei aministratori, moderatori o webmaster e per questo no i xe responsabili de quel che scrivi i altri.

Sto forum dopra cookie per salvar informazion sul computer del utente. No i contien informazion i personali, ma i servi per doprar meio el forum, xe quei che s ciama “cookie tecnici”.

La sola informazion personal obbligatoria, co se se iscrivi, xe el indirizzo de posta elettronica che servi al forum per comunicar coi utenti. El vien doprà

• per confermar l'iscrizion
• mandar una nova password se se la perdi
• mandar qualche notizia essenzial.

Qualcheduna de ste mail xe mandada in automatico e se pol controlar cosa se vol che vegni mandà nel profilo utente.

“a Trieste” dopra el sistema phpBB, che xe un software abastanza comun per i forum e lo gavemo ciolto perché ne pareva che se se pol fidar de lu.

El forum xe salvado su un provider de servizi esterno che se occupa del suo colegamento. I dati xe salvai dal provider rispetando le legi italiane.

I moderatori del forum se impegna a scancelar qualsiasi intervento che vegni segnalado come illegale appena che i se inacorzi. La responsabilità comunque resta de chi che ga scritto.

L’utente sa che i dati personali, sia quei che se devi meter che quei che se vol meter, xe salvai in un database, gavemo fato el possibile per far che lo possi veder solo chi che ga el diritto. Ma tuti devi saver che su internet pol suceder che qualchedun rivi a ficar el naso dove che nol dovessi. El utente sa che pol nasser una roba del genere e che la responsabilità nol ghe la pol dar ai moderatori che racomanda a tuti de scriver meno informazioni personali possibili..